Luke 12:48 - BAIBEL (BSI)

⁴⁸ Ikemu aqemi khuuno pa mpiu pulou mtha puzu kiuala mlave aghikeulo ghakepu shive aghi aye ighono ghaqhi kutukeu shimo nani. Timi khuu lau kutomo tsu puani keno kutomo pa launo khu nani; eno timi khuu lau alau tsu puani keno tinguno alau khu nani.”

Sümi Tiqhelimi Bible

⁴⁸ Ikemu hipaqo mtha no aghime ithulu küzüpu kümlà shive aghí keu qeu ye aküghülau lono heqhi nani. Kutomo tsüpe püa kemu kümtsü lau kutomo khu nani, eno khuu lau kutomo pichebe pe püani keno alá kutomo khu nani.

Sumi Naga CL (Re-edited) Bible (BSI)

⁴⁸ Ikemu khuu no ithimo keu lono ghime kepu kümla shiveni keno, pa ye aghime akümthüu ithulu nani. Khuno lau kutomo tsü püani keno, pano launo kutomo khu nani, eno khuno lau kutomo pichetsü keno, tinguno alau tsüchile penike khu nani.

Luke 12:48 ပူးပေါင်းရင်းမြစ်များ

ACHINE 5:17

Timi khualano mthano AMPEU no ahza tsukeu lakhimu hexave aye paye angsu shivae eno tipau xine makho love masa.

AKIKIHI 15:27

Timi luthu lakhino mthaveno axine shive aye paye ane lakhi ampe lakhi shi akeu pesu axine gha shikeu shi mllalo.

MATTHEW 13:12

Kughengu timi khuu lau kiu aghini keno tipau lau alau shi tsu nani, eno pano kupukunoshi alupe nani; ikemu timi khuuno kiumu kuha keno pa lau kitila aghikeu ghi ikhisuwuve kepu shive nani.

MATTHEW 23:14

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguno topuchimemi kilo pukapuwuve cheni, tishino akighini kushuwa shipesu piyeve cheni. Highenguno nongu ghimeno kumtsu nguno alhoksau shi nanike!

Luke 12:41

Pitor no pi, “Ampeu, noye hipau holetsa ni vilo likhi pi anikeo kumtsu vilo ghi pi ani kya?”

Luke 12:49

“Niye ayeghilo ami suniye ighike, eno hi iquve penishi anie!

Luke 16:2

Pano pa kusaghipeno pi, ‘Oghili chiluakeu hipauye kiu kya? Inhemgha peitha akeu kihikulaikeu kumtsu sughivelo, kughengu hinguno hilauye noye iwu peithakutsuu shipemo ake!’

John 15:22

Ino ighimove eno panoqo vilo pimo keaye panonguye axine shikeu kuqumoni cheke, ikemu itehiye panongu xine ghenguno jeku kivishi kepu kuhavae.

Apostolmi 17:30

Timino mthakeu ghuloki loye Alhou no jukumghale vetsuche, ikemu itehiye pano aqha kuchopulo timi kumtsu vilo xukithelu lopi ahza tsu ani.

ZAKINIU 25:2

ti kuquvekeu timi huye ghaqhinikeu shi xathavetsu aye, kughakuthauno timi tipau pelo agi pishiqhope ihozu pelo eno pa ghaqhi pelo. Kihe khije hekepu keno tiye pano kiu lhoksa shive keno tipau kiqi lono helo.

1 Tim. 1:11

akukutsu tiye ipelo pikulhapeniye pichetsukeu tsakiviu sasu lakhike; akimthe jukuvupu eno akumghapu Lhou tsakiviu huke.

1 Tim. 1:13

kethono puzuu niye pa thaighakemi, pa shikimighikemi eno aka- aghavesu kemike. Ikemu pano ikimiyekututsue kughengu pulumokeu lono mthano ino mlaithacheke.

1 Tim. 6:20

Timothio, opelo jukutopeniye kiu otsupuani keno khelo Alhou sumokeu tsapi eno timino mtha puzu “Akighithi” kighekile chekeu hu phevelo.

Titus 1:3

eno ado achipi lono pa tsa lono tipau pephepiye. Hipau pesu ipichebetsue eno niXakuluu Alhou no ahza tsukeu vechewo ino asheshu cheni.

James 3:1

Ithikuzumiqo, nongu kutomono akukutsumi shikepu kumoe, kughengu nonguno ithi anike ningu khunoqono kutsu cheni keno kutami nguno alau chixechileyi keu pesu ningu shou kughathabe nani.