Luke 12:37 - BAIBEL (BSI)

³⁷ Aqemi khunoqono ampiuno ighikelo zuida ithu tsukhuyi aghikemiqo kumghae. Ino nongu vilo pini, ampiuno chighiche khapu puzu pano panongu kughuqano panongu loji nani.

Sümi Tiqhelimi Bible

³⁷ Aqemi khunoqo no ampeu no ighi kelo jukuto ngokhe aghí keu phuluni keno tipaqo kümghae. Kuchou no I no nongu vilo pìní, pa no lojí nikeu phimini pepu no panoqo pelo aghulhu lipa lo iqave püzü pa no ighino panoqo lojí nani.

Sumi Naga CL (Re-edited) Bible (BSI)

³⁷ Aqemi khunono kutope khe ake lono ampeu ighi püzü ithuluni keno, pano kümghapue. Mtsüqheino I no nongu vilo piani, ampeu no chighiche khapu püzü aghulhu lüpa lo panoqo küghüqa no huthu nani.

Luke 12:37 ပူးပေါင်းရင်းမြစ်များ

ISAIAH 62:5

Apulhothe lakhino ililhothe lakhi pelo pawu kulaliu shiape keshi, Khuno olhophekeno pano osasu kulauve nani. Kulapuuno pawu kulaliu lau alokivi akeshi oLhou no oshou alokivi anani.

JEREMIYA 32:41

Niye panoqo ghenguno akivipu shikeulo izukuvupu shi nani eno hipau yeghilo panoqo pelo ithamono ngolupe nanike.

ZEFANIA 3:17

AMPEU oLhou ye ogholo ani; pa kukano tokulu otsuke. AMPEU no oshou azukuvu shi nani, eno pa kikimiye lono pano akuxu kithe otsu nani. Pano ojupe alephe alokivi shive nani, timino tiqhetini tsalalo alovi akeshi nani.”

MATTHEW 24:42

Tighenguno kutope khealo, kughengu kiu tsala lono nongu Mpeu ighi nani keno nonguye mtha.

Luke 12:36

eno aqemi khuu no pa mpiuno kulakupu ghulhulo wu puzu munu ighikelo kheaghino pano ighino kukhu kemtsa qhaqhisukeu toi shilo.

Luke 12:43

Kughou pa mpiuno akilo ideghi kelo hitoi mla aghike ithulu aye aqeu tipauye kiu toi akumghapu kela.

Luke 17:8

Tishi chemoe! Tipa zuqhulo pa vilo nono ishi pi cheni, “Ighenguno alibe shilo, aphimini pepu puzu ino chu sholu moke kuto ilojilo, eno tithiuno noghi chu-sholuvi.”

Luke 21:36

Ike ado kumtsulo jukutokupui inikhu alo, tishianguno hipaqo kumtsulo ime mono hechewu kulupu kumto aghilu puzu Timi Nu zulo puthugho kulupu shilo.”

Luke 22:27

Iqano chuniye kuto akeuno keo pa lojiniye akeuno akijeu kya? Iqano chuniye akeuno ke kumo kya? Ikemu niye nongu gholo lokijimi toi anike.

John 12:26

Khuno iqe nishi keno paye ipape masae eno ino khile ani keno pa ghi tilehi igholo anani. Khuuno ihuthuni keno Ipuh no pa gihu nani.”

1 Kor. 2:9

Ikemu kuchoyesulo ishi yepuani, “Timi khunomu ithumla aphikeu, momu chimla aphikeu thime, momu timi mlolo kumsuphemla aphikeu thime, khunoqono Alhou kimiyecheni keno tipanoqo ghenguno Alhou no kutope puani.”

FILIPIAMI 1:21

Kughengu ino xuakepu shiaye Khristo la shinia ikemu thivekepu shiaye ila shiniake.

FILIPIAMI 1:23

Hikuma dolono itsakibipe anie. Ino shinishi akeuye hipa kuxu qhiveno Khristo gholo auvenishi, kughengu tiu pavi kuchouke.

2 Peter 1:11

Hitoi shikeu lono nongu pelo niMpeu eno ni Xakuluu Jisu Khristo wu alhokupuju yehkipelo ilokulupu kuka kumtsu pesu nongu tsu nanike.

2 Peter 3:14

Tighenguno ino kimiyechekemiqo, nonguno tipau Tsala kheakelo, nonguye kiumu tukutiye kuhano mutsumisheyi aghikepushi pukaputsa azukini shilo eno pa lau aloino alo.

Piyeküsü 14:13

Tileno kungugha lono asutsa lakhi ishi pikeu ino chilue: “Hipau yelo, hinguno hilauye Ampeu huthukeu lono thikemiqo lokivipuke.” Aghungu no ishi khochile, “Mutsuqheyino tishike. Timi tipaqoye panoqono shishe ichhe ime chekeu lono akulho qhilupeniyeke, kughengu panongu kumlano panoqo pape cheni!”

Piyeküsü 16:15

“Julo! Niye kupkami lakhi toi ighini cheni. Khunono zuida apuzu pa phimini jukuto anikeno tipano lokivipue, tishianguno paye aphi kumsa iqhoiqimo nani eno aqo zulo kujomzavemo nani!”

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”