Luke 12:33 - BAIBEL (BSI)

³³ Okuakini jelo eno kumlhomi tsulo, eno pepuha mlakeu pisabolo kikelo eno kungughalo khilemu pekhave mlakepu nongu kini kikelo, kughengu tileye kupkamino mu pukaluve mla eno apulano mu tsapili mla.

Sümi Tiqhelimi Bible

³³ Nonguw küakiniqo jeve lo eno kumlhomiqo tsülo. Nongu ghenguno pisabo pepüha müla keu kutolu lo, kungugha lo akiníbo ye khilemu kühavemo nani, tile ye küpkami mu aphivilo ighi müla eno amilamu chupüha müla nani ke.

Sumi Naga CL (Re-edited) Bible (BSI)

³³ Nonguw tinhemghaqo jepe aveküsami tsülo. Nongu ampi sala kungugha lo pepüha moni keu kinibo, khile küpkami no ighimla eno apila no tsapüha mla keno, tilau pighi lulo.

Luke 12:33 ပူးပေါင်းရင်းမြစ်များ

AHOLE 13:7

Timi khamiye kinimi shike ghili shicheni ikemu kiumu kuhake. Khamiye kumlhomi shike ghili shi cheni ikemu kinikulu shi acheni.

HAGAYI 1:6

Nonguno athi kumzapu xusu ani ikemu aghulo likhi ghile hulu ani. Nonguye achuqupu chukepuye ani ikemu nongu pelo lukumkha shi peithalu kepu shiamoe. Nonguye atsayiji shokepu ani ikemu yeleqolei kepu kuhae! Nonguye aphimini ani ikemu nongu pelo luvuyi lukepu lukumkha shi kuhae. Qeleqe qechukemino aqe qepewo jolabo akighipe akeulo suve ani.

MATTHEW 19:21

Jisu no pa vilo, “Nono shikupulu nishi aye wulo eno nono aghikeu kumtsu jeve puzu pisa pesu kumlhomiqo tsuvelo, eno kungughalo okini aniake; tishieno ighi puzu ipapelo.”

Luke 11:41

Tishiaye akhu ajukhulo kiu aghi keno kumlhomi tsulo eno nongu ghenguno thwokha mitheluniae.”

Luke 12:21

Kishekhaghi Jisu no pi, “Timi lakhino alikhi asala akini pekutsu lupaghi namu Alhou kudauye kumu kuha aye titoive nani.”

Luke 16:9

“Ikehu ino nongu vilo pini, ayeghilo kinikulu ithulukeu pesu nongu sala shompami shi, tishianguno kughouno ti kuhaveni keno, lhokta-kungoa lo nongu sasulu nani kesha?

Luke 18:22

Jisu no kughou hi chilu keno, pa vilo pi: “Noye itaghi avehu lakhi shikepushi aphie. Okua kumtsu jevelo eno jelukeu pe kumlhomi kijeve tsulo eno noye kungughalo akini khuki aniake; tishieno noye ighi puzu ipapelo.”

John 12:6

Pano hi pikeuye, paye kumlhomi kumsulu cheke ghengunoke kumoe, ikemu paye kupkami lakhi ke; pano aqowu pisabo puche eno tilehi kiu sukeno pano luvecheke.

Apostolmi 2:45

Panonguno aki alu eno tinhemgha je puzu milakhi khino kiu avehupu shi aghi keno tipau kiqi lono kumtsu lau kusaje ae.

2 Kor. 8:2

Panonguye akijikusa kitikhi sasu kusholue, ikeghi panongu lokiviye shishe kijeke eno panonguye kumlhomi shi anamu kupukunoshi pephetsuke.