Luke 12:1 - BAIBEL (BSI)

¹ Tishiakelo timi kihikumla kumqolu kehu khamino khami nedaqoda wuve. Tile Jisu no atughushi pa khopemi vilo pi, “Farisimi kholaqhi jukutolo—tiye panongu kuhakugha pi anike.

Sümi Tiqhelimi Bible

¹ Tishi akelo, timi qhethonhe shou kumqoluve, ikehu panongu lakhi no lakhi neda wuve, ikelo Jisü no atüghishi pa khopemiqo vilo ishi pi: “Nongu ye Phariseemi’w kühakügha lichhe lono nongu likhi nongu jukuto alo.

Sumi Naga CL (Re-edited) Bible (BSI)

¹ Tishi akelo, kughou timi qhethonhe piqi kumqove keu lono khami no khami nedauve keno, Jisü no atüghüshi pa khopemi vilo pi, “Phariseemiw kholaqhi, ti ye keghilishi keu, jukuto lo.

Luke 12:1 ပူးပေါင်းရင်းမြစ်များ

KUKAMI AKINIU 7:17

Akukauno pa ghukheu pesu aphughi khagholo timi hekukutsuu shi ape. Ikelaye timiqono ipeilo ake lono akijeu huye nedaqhi pithive, tiye Elisha tungkupuuno azuuno pipua ketoi akukauno pa juniye cheke lono tishive.

JOB 20:5

kusakughami wu tokulu ye ado ikhonheyi, eno pulotshumi lokiviye asuchedo kitila ghengu likhike kumo kesha?

JOB 27:8

Alhou kumthami ye Alhou no pano kuxu ikhisuwuve ke ghulokilo lajupu kiu ani kya?

JOB 36:13

Aqhekuzami no pa shou aloghu ide cheni, pano panongu tsughape ghimeqhi kelomu kuphulepi inikhu chemoe.

ISAIAH 33:14

Zion lo axine shiche kemiqoye musaighu khokho shi ani. Panonguno ishi pi, “Alhou wu kughakuthaye pulhapuju ami toi iqu acheni. Ningu khuuno titoikeu mi lono puxukulupu kya?”

Luke 11:44

Nongu ghenguno ahae! Kughengu nonguye putukha mokeu akumo kuchhuki toi, eno timino mthano tipaqo shouno ala pula chekeu toike.”

Luke 12:56

Kuhakughaqo! Nonguye atsutsu eno ayeghi ju puzu tile kiu shi ani keno pilu cheni, kushiye hipau tuqhu ghulokiye kiu kela nonguye mtha kya?”

Luke 5:1

Ghulo lakhi Jisu no Genesaret yizukucho mukulo puthughope akelo timiqoye tuhakile Alhou tsa ininiye pa lau ighi.

Luke 5:15

Ikemu Jisu ghili alau aqha kumtsulo vekuphave, timi aqokitikhino pa tsa ininike eno panongu kusukini lono shipivitsu penike kumqo ighie.

Luke 6:17

Jisu no panongu sasu ato lono iqighi eno aqalo pa khopemi aqo kutomo gholo puthugho. Judia qha Jerusalem, Tur eno Sidon yeghilo azu mukulo aphughiqo lono timi aqokitikhi ighieno ngoa;

Apostolmi 21:20

Timiqono hi chilu puzu panongu kumtsuno Alhou sheqhe. Tishieno panonguno Paul vilo pi, “Athikuzuu, nono hi ithilo, Judamiqo gholono pululuvekemi qhethonhe kumzapu ani eno Ayezahlo azukini ihulokeu akhanie.

1 Kor. 15:3

Kughengu ino kiu ithulukeno ighono akhotou kepi nongu lau ino ikhiphe pesu tsuke: ike kuchoyesu kiqi loye Khristo no ningu xine ghenguno thivetsu,

IBRIMI 12:22

Ikemu nonguye Zion tolo ighi ani, akuxupu Lhou phughi kungugha Jerusalem lo, eno kungumi kihikhamlakemi gholo ighi ani.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

1 Peter 2:1

Tighenguno kusakugha kumtsu eno akimki tsa pikeu eno kuhakugha eno axekusu eno xishikile keu tsa kumtsu qhivelo.