Luke 11:44 - BAIBEL (BSI)

⁴⁴ Nongu ghenguno ahae! Kughengu nonguye putukha mokeu akumo kuchhuki toi, eno timino mthano tipaqo shouno ala pula chekeu toike.”

Sümi Tiqhelimi Bible

⁴⁴ “Nongu ye ahaküsapue, kughengu nongu ye amichi shimo keu kumokiqo, khikhi timi no mtha no tipau shou püla cheni keno, tipaqo toi ke.”

Sumi Naga CL (Re-edited) Bible (BSI)

⁴⁴ Nongu ghenguno ahae! Kughengu nongu ye amchipu küha keu kumona mihike, timiqo no ithimo no tipaqo shou no püla acheni.”

Luke 11:44 ပူးပေါင်းရင်းမြစ်များ

LESHELE 5:9

Ighumino pikeu tsaye pukhu kulupu kuhae; panongu loloye shikupusapu likhike. Panongu kughokiye lhaphepuakeu kumokike, eno panongu milino pishikiqhi tsa picheni.

EZEKEL 39:15

Timi tipaqono aghakhuqhalo iqhoiqi akelo, timi saghi ithulukeu kumtsulo panonguno tipau phivilo amchi shipe qhitsuni tishianguno akumo shiqhokemino ighi puzu tipaqo pesu Gog Ghushimi Khilalo qhovetsu nani.

HOSIYA 9:8

Alhou no pawu timi Israilmi kutughu peniaye tungkupumi lakhi shi-ghi ipuwuke. Ikeghi, ino khile khile wuni keno tikumtsulo aghau lakhi toi imeluveniye nonguno pukaputsa cheni. Alhou wu ayeghilo akemiqoye tungkupmi ghumike.

AKIKIHI 19:16

Timi lakhino khalauno timi heqhi puaghi kemi momu alhoayeh kithi lono thivekemi dive aye momu timi lakhino timi saghi momu akumoki dive aye paye atsala tsuni kutolo mithemovae.

MATTHEW 13:32

Timi lakhino ti ikhi pesu pa lulo yisu, kughou tino thuipeghi keno atsunibo kumtsu nguno akijeu shive. Hiye asubo lakhi shive ikehu aghauqono ighi puzu tipau lokalo apusu pesue.”

Apostolmi 23:3

Ikelo Paul no pa vilo pi, “No ashou likhi metsughoi nudapusu akeu tozu! Alhou no oghaqhi nanike. Noye Ayehtsa kiqi lono ishou kughathabeniye tile iqa pula-ghi Ayehtsa hebideghi panoqo vilo ihelo pi ahza tsu ani!”