Luke 11:2 - BAIBEL (BSI)

² Jisu no panongu vilo pi, “Hitoi akighini shilo: ‘Apu, Oje akimthe shi qhilu pelo, Oyehkipe ighilu pelo.

Sümi Tiqhelimi Bible

² Pa no panongu vilo pi, “Kughou nongu no inikhuni keno ishi pilo: “ ‘Apù, O je akimthe shi pelu pelo, O yekipe ighilo.

Sumi Naga CL (Re-edited) Bible (BSI)

² Pa no panoqo vilo pi, “Kughou nongu no inikhuni keno ishi pilo: “Apuo, O je akimthe shilo, O yekipe ighilo.

Luke 11:2 ပူးပေါင်းရင်းမြစ်များ

KUKAMI ATUGHIU 8:43

kungugha lono pa kighini chilutsulo. Kungugha khile nono acheni keno, tileno pa tsa chilutsulo eno pano ovilo kiu khukeno tipau shitsulo, tishi keu lono ayeghilo timi kumtsu pelono owu timi Israilmi toi no ithilupelo eno ogholu pelo. Tishi aye panonguno ino Akumllaki hipau shikeuye omlla nikeu-a kepi ithilu nani.

KUKAMI AKINIU 19:19

AMPEU, ningu Lhou , itehi Asiriyami u-lono ni susholulo tishikeu lono ayeghiqhalo ashiayehqo pelono olikhino AMPEU Alhou kepi ithikulupu shitsulo.”

YEKIKITHI AKINIU 20:6

eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

LESHELE 103:20

AMPEU shelo, nongu akumtomi eno kungumi akughushumiqo, pa zahkutsu papeluche kemiqo, pano pikeu inichekemiqo.

LESHELE 108:5

Atsutsulo okuloghi piyelo, O Alhou, okimthe jekipi ayeghi shou piyelo.

LESHELE 11:4

AMPEU ye pa chineki kimthelo ani pa kuka lakhuye kungughalo ani. Paye timi nuliqo jukuto acheni eno panonguno kiu shikeno ithi acheni.

LESHELE 57:11

Atsutsulo okuka kije piyelo, O Alhou, eno ayeghilo ojekipi alupelo.

YETSAPIU 5:2

Nono pimphi lono kumsuju paghilo eno kumsulukhavi Alhou vilo piqhi kevilo. Paye kungughalo ani eno noye ayeghilo ani ikehu pikepushi akeu likhi pini thono tinguno alauye pikevilo.

ISAIAH 63:16

Noye nipuke. Nipuasu Abraham ngo Jakob ye nimthake ikemu no nipuh AMPEU ye pulhapuju nixaphelu achenike.

EZEKEL 36:23

Kughono ashiayeh kutamiqo lau ije akimtheshi kije shiakeu shipiyeni keno, nonguno panoqo gholo pipusa pekeu je shipiyeni keno tileno niye AMPEU kepi panonguno ithi nani. Ni, Akughushu MPEU no piveake. Ino nongu peitha puzu ashiayeh kutamiqo lau niye akimthe kepi shipiye nani.

DANIEL 2:28

Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

DANIEL 2:44

Panoqono akukau shi ake ghuloki lono kungulo kukau Alhou no akukaqha lakhi shi nani, tipau khilemu puhavemla nani. Ikemu pano kutami kukami kumtsu puhave tsu nani eno pa kukano ashekha kuha acheuve nani.

DANIEL 7:18

Akughushu Lhou timiqono ayehkipe kuka ithuluveno alholo pecheuve nani.”

DANIEL 7:27

Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

HOSIYA 14:2

AMPEU lau ide ighivelo eno pa lau akumllagho shikeu kighini hipau shilo: “Nixineqo kumtsu pevetsulo eno nikukhu kighini ikhilutsulo, eno ninguno tushoqhive keu toi ninguno osheqhe nike.

ACHINE 10:3

Tile Muse no Aron vilo pi, “‘Khunoqono iqecheni keno panoqoye ikimthe sumsa masake; ino ikimthe jukuvu iwu timiqo lau pephepiye nani’ ipi AMPEU no pikeu hu paye hipatsa vehu piakena!” Ikemu Aron ye inaqhoi auve.

ACHINE 22:23

Puloniqhiyi keu kumllagho shinikeulo nonguno lhoxu thuwumokeu momu kupukulaimo keu lhoxu pesu mllaluvike ikemu ashoqhi shikupu kutsu kumllagho loye tipau ikhilutsumlake.

HABAKUK 2:14

Ikemu azughilo azuno chhitoi akeshi AMPEU kimthe jekipi ithikeuno ayeghi chhitoi nani.

MATTHEW 10:32

“Tishiaye, khunono timi zulo paye igholomike ipi nikeno, nighi iPuh kungughalo akeu zulono tipaphi shi pitsu nani.

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

MATTHEW 5:16

Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

Luke 11:1

Ghuthu lakhi Jisu no a-a lakhilo inikhua. Pano tavekethiu pa khopemi lakhino pa vilo pi, “Ampeu, Johan no pa khopemi shika kehu toi akighini ningu shikalo.”

Rommi 1:7

Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.

Rommi 8:15

Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

1 Kor. 1:3

Ningu paPuh Alhou eno Ampeu Jisu Khristo kudauno kupukini ngo alokiqipu nongu shou apeniu.

2 Kor. 1:2

Ningu paPuh Alhou eno Ampeu Jisu Khristo kudauno kupukini ngo alokiqipu nongu shou apeniu.

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

Ephesiami 1:2

Ningu paPuh Alhou eno Jisu Khristo kudauno kupukini ngo alokiqipu nongu lau apeniu.

FILIPIAMI 1:2

Apu Alhou ngo Ampeu Jisu Khristo launo kupukini ngo alokiqipu nongu shou apeniu.

FILIPIAMI 4:20

Ningu paPuh Alhou lau alhokupuju ghenguno akimthe jukuvu shialo. Amen.

Kolosiami 1:2

Kolosia lo Khristo lono Alhou timi eno puluqhiyi chekemi athikuzumiqo lau ye ani.

1 Thes. 1:1

Paul, eno Sila eno Timothi ishino Thesalonia lo Apu Alhou eno Ampeu Jisu Khristo lono akukuhou timiqo lau yelu ani. Kupukini ngo alokiqi nongu lau apeniu.

1 Thes. 1:3

Nonguno akupulu kumla shikeu, kikimiye eno ghichhe ghime shikeu ningu Mpeu Jisu Khristo lau lakuju mutotoi akeuhu ningu paPuh Alhou zulo ninguno kumsulutsu acheni.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

Piyeküsü 11:15

Tileno kungumi akutsuniuno pa fuko kuyigha, ikelauye atsutsulo vekipighi asutsa shiae eno ishipi “Ayeghi kukaqhaye niMpeu eno pawu Mesiya wu akukaqha shiluvae eno pano alhokupujulo kacheuve nani.”

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Piyeküsü 19:6

Tileno timi aqokitikhi ghugha hutoikeu, azuphapha kuloghino igha akeu ghugha toikeu, tsutsukusu toikeu sutsano ishi pikeu ino chilu: “Alhou sheqhelo! Kughengu Ampeu, niLhou Akumtouye Akukau ke!

Piyeküsü 20:4

Tileno ino akuka lakhu eno tipaqolo iqa akeqo ithulu; panongu pelo kughatha penikepu kuka tsupe pua. Timi khunoqono Jisu no kuchou pephepiyevekeu eno Alhou tsa pesu asheshuke ghenguno ghiqhive keno tipaqo ngulho ghi ino ithulu. Panonguye tughashi momu tipau julho shisukeu mllamoe momu panongu kishelo eno panongu ulo tughashi wu amchi ikhilumokeqoke. Panonguno Khristo gholo xupuzu ampe 1000 ayehpeke.