Luke 11:13 - BAIBEL (BSI)

¹³ Nongu lhoksa kughami thotsu thime kivi pesu anuli tsuke yeh ithi ani aye, kungughalo Apuh akeuye pa vilo khukemi shishe alau shi Aghungu Kimthe tsu nani!”

Sümi Tiqhelimi Bible

¹³ Tishiaye, nongu küsaküghami thotsü thime kivi pesü nongu tianuli tsüke ye ithi aghí aye, nongu Papù kungugha lo akeu ye kíshi tinguno alau Aghungu Kimthe pesü pa vilo khukemiqo tsü nani kea?”

Sumi Naga CL (Re-edited) Bible (BSI)

¹³ Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

Luke 11:13 ပူးပေါင်းရင်းမြစ်များ

BOTHUBO 8:21

Kughou AMPEU no tsungqu keu xo tsungulu keno, pa likhi pa putsaghi ishi pi, “Timi ghenguno niye khilemu ayeghi ghusho kithe mae; kughengu timiye alhothe aphi lono pa kukumsu alhoksa kepi ithi anie. Niye lhoxu kumtsu hipaphi shighi khilemu pughavekeu shikithe mae.

LESHELE 51:5

Niye punu kelono alhoksalo acheghi imishike lono niye axinelo acheghike.

AHOLE 1:23

Kughou ino nongu pelo shikithelupe niye sakiyini keno niye akukutsu kivi nongu tsu nani eno ikighithi nongu sasu kusaje nani.

ISAIAH 49:15

Ikehu AMPEU no khochile, “Topumi lakhiye li likhi linga qhivelu nani kesha? eno lino punukeu nga kimiyemoni kesha? Aza lakhino linga qhive kepushi namu niye khilemu nongu qhivemo nanike.

EZEKEL 36:27

Ino ighungu nongu lolo sutsu nani eno ino ayezah ngo ahza nongu tsupuakeu nonguye pelu eno papelu ani kemo keno ino jutsu nani.

JOYIL 2:28

‘Hithiu timi kumtsu shou ino ighungu lepukutsu nani Nongu nu-noqo eno angano-qono itsape pesu asheshu nani; Nowu muchomiqono asamo pumo nani, eno nowu lhothemino kungunhetsu qo ithulu nani.

MATTHEW 5:16

Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

MATTHEW 5:45

tishianguno nonguye nongu paPuh kungughalo akeu nuliqo shilu nani. Kughengu pano pawu tsukinhe pelo alhoksami ngo akivimi shou aphiphi shi tsunipe cheni.

MATTHEW 6:14

“Kughengu nonguno timi kutamino nongu shou pimivekeu pevetsu aye nongu paPuh kungughalo akeu ghi nonguno pimivekeu pevetsu nani.

MATTHEW 6:30

Alupi ishiye xuano thoghiuye nhupe pitiveni keghi Alhou no tipaqo ajukivi pesu pu-upe qhiaye, tinguno shishe alaushi paye nongu pu- umoni kesha? O nongu akupulu kitila likhi akemiqo!’

MATTHEW 6:32

Alhou mthakemino pulhapuju hipaqo kumtsu phu acheni; eno nongu paPuh kungughalo akeuno nonguye hipaqo kumtsu avehupu shi akeu pano ithi ani.

MATTHEW 7:11

Tishiaye, nongu alhoksami shianamu thime kivi pesu nongu ti-anuli tsukeu yeh ithi ani aye nongu paPuh kungughalo akeuye tinguno alaushi thime kivi pesu pa vilo khukemiqo tsu nani!

Luke 11:12

Momu anuno awukhu khu aye achuwapaza tsu nani kya?

Luke 11:2

Jisu no panongu vilo pi, “Hitoi akighini shilo: ‘Apu, Oje akimthe shi qhilu pelo, Oyehkipe ighilu pelo.

Luke 18:7

Tishiaye Alhou ye paw timi kishekiphemi khunoqono putho pucho pa lau ighamuku akeu saphumoni kesha? Paye panongu kuphunikeu munu auve nani kesha?

John 4:10

Jisu no khochile, “Alhou no agho tsukeu nono ithi aghike aye eno ovilo azu piyelopi khuakeu ithiaghike aye, noye pa vilo akuxupu zu khunicheke eno pano tipau otsunicheke.”

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Rommi 5:17

Adam xine ghenguno akithino qhasupe acheni. Ikemu Jisu Khristo vechewo Alhou no kupukini kupukunoshi tsukeu eno pa mikucho kumsagho shi-ghi tsukeu khunoqono ithuluve akeno, panoqono xuaphi lono Khristo vechewo qhasulu nani.

Rommi 7:18

Ino ithi akeuno ilolo, timi lhoaye loye akivi achemoe. Kughengu kiuno achipi keno ino pulo anamu niye ti shilu chemoe.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

Titus 3:3

Kughengu ghuthu lakhiloye ningu ampi ghi mbomzumi, aghelumokemi eno achipikumomi shi acheke. Eno ashiaji ghakiqipu ngo aghoapulou qemi shi acheke, phimokilekeu eno anhekushulo xuacheke, kutamino ni mithi eno nino kutami mithi cheke.