Luke 10:42 - BAIBEL (BSI)

⁴² Ikemu thime lakhi avehupu shi ani. Maria no thime akiviu kisheluvae eno tiye li launo ikhisuwuve mla nani.”

Sümi Tiqhelimi Bible

⁴² ikemu thime lakhi likhi avehupu shi ani. Mary ye kiu no akiviu keno ti kisheluvea, eno tiye li lau no ikhisüwuve mülae.”

Sumi Naga CL (Re-edited) Bible (BSI)

⁴² ikemu thime lakhi avehupu shi ani. Mary no asaje aloke kishe luvae, eno li launo ti luve tsümo nani.”

Luke 10:42 ပူးပေါင်းရင်းမြစ်များ

LESHELE 119:111

Ozahkutsuye lhokta kutolo imheghike; tipaqoye imlolo alokivi sughitsu chekeu.

LESHELE 119:173

Pulhapuju ikuphuni keu kutopealo, kughengu niye ozahkutsu papelu cheni.

LESHELE 119:30

Niye aghokulu shinikeu kisheluvae; niye owu kughakuthalo amlo tsuqhiyi ani.

LESHELE 142:5

AMPEU, ikuphupe nike ino ovilo ighamuku ighae, AMPEU, nono isushokuluu ke; akuxu hipaulo noye ino lunishi chekeu ke.

LESHELE 17:15

Ighenguye amikucho shi ino ogi ithulu nani, ino idathughi kelo oju kimihi jupesu ilokivishi nani.

LESHELE 27:4

AMPEU vilo ino kiukela lakhi khuani, tipau likhi ino phu anani; Tiye ikuxu kupuju AMPEU kilo xuache nikeu, AMPEU ye kiu toi akivi kela qheghuyi ju anikeu, eno pa chinekilo ikichepiye penike iniju ani cheni.

LESHELE 73:25

No kumoaye kungughalo niye khuu ani kya? Noye igholo ani tighenguno ayeghilo kutau kiu lunishi akepu kya?

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

Mark 8:36

Timi lakhino ayeghi kuchopu pe pawu shiluve pinamu pa kuxu puhave kepu shive aye kiu ala shiluni kya?

Luke 10:39

Li tsunipu Maria ye Ampeu pukhu philo iqano pano kiu pi akeno inia.

Luke 11:1

Ghuthu lakhi Jisu no a-a lakhilo inikhua. Pano tavekethiu pa khopemi lakhino pa vilo pi, “Ampeu, Johan no pa khopemi shika kehu toi akighini ningu shikalo.”

Luke 12:20

Ikemu Alhou no pa vilo pi, ‘No aghuzuu! Hipa jino okuxu kuhaveni cheni, ike nono olikhi oghenguno hi kumtsu pekutsu puakeu khuwu shivepe nani kya?’ ”

Luke 12:33

Okuakini jelo eno kumlhomi tsulo, eno pepuha mlakeu pisabolo kikelo eno kungughalo khilemu pekhave mlakepu nongu kini kikelo, kughengu tileye kupkamino mu pukaluve mla eno apulano mu tsapili mla.

Luke 16:2

Pano pa kusaghipeno pi, ‘Oghili chiluakeu hipauye kiu kya? Inhemgha peitha akeu kihikulaikeu kumtsu sughivelo, kughengu hinguno hilauye noye iwu peithakutsuu shipemo ake!’

Luke 16:25

Ikemu Abraham no pi, ‘Kumsuchilejulo, anu, okuxu kupuju akivi nhemgha ithulu ache eno Lazar ye shilukusa kumtsu ithulu ache ikemu hileye paye alokughuno tsu ani eno nono ime ani.

Luke 18:22

Jisu no kughou hi chilu keno, pa vilo pi: “Noye itaghi avehu lakhi shikepushi aphie. Okua kumtsu jevelo eno jelukeu pe kumlhomi kijeve tsulo eno noye kungughalo akini khuki aniake; tishieno noye ighi puzu ipapelo.”

Luke 8:18

Tishiaye, noye kishi ini ani kela kutokupuilo; kughengu khuno ani keno alau pesu tsu nani, eno kuhakeu launo pano kiu aniepi kumsu ani keno tighi ikhisuwuve nani.”

John 11:1

Maria ngo li tsunipu Martha pamaye Bethani phulo ache, eno pama peu Lazar ye suae.

John 11:19

Judami kutomono Martha ngo Maria pama lau ighi puzu pama peu kithi ghenguno pama lokughuno tsuniye ighi.

John 12:3

Tile Maria no nard subo lono mlaphekeu axo kutsungu teli ighono amekusho abohu-kichhi peighi puzu Jisu pukhu lete tsu eno lisa pesu pa pukhu isuvetsu, ikelo teli xono aki chhitoi vechighive.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

John 5:24

“Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

John 6:27

Puhavekepu chuqupu ghenguno ime mla kevilo, ikemu lhokta kuxupu kutolo achekepu chuqupu ghenguno ime mlalo. Achuqupu tiye Timi Nu no nongu tsu nani, kughengu Apu Alhou no pa shou pa ghaqikeu michipu bevae.”

1 Kor. 13:3

Ino aghikeu kumtsu pesu tsupuwu aghiluvi eno iphimpi pitivepeniye ikhiphetsu aghiluvi, ikemu kimiyekini kuha aye niye heshekulupu kiumu kuhae.

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

ZAKINIU 30:19

Ino itehino nongu pelo akuxu ngo akithi kuma dolo, Alhou kukumgha ngo Alhou wu musuini keu kuma dolo kishekulupu tsuani eno nonguno kishelu keulo thopi shipenike ino kungugha ngo ayeghi kusu ani. Akuxupu kishelulo.

JOSHUA 24:15

Nono paqenishimo aye, nono khuu qeni keno ishino kughathavelo, nopu asuqono Mesopotamia lo mllachekeu lhouqo keo Amarimi khuno yeghilo nonguno itehi ngo anikeno, pano lhou mllani kya? Ni eno nikiboye AMPEU qeni.”

JOSHUA 24:22

Joshua no panongu vilo pi, “Nonguno AMPEU qenike kishekeu huno nongu likhi nongu thopike.”