Luke 10:21 - BAIBEL (BSI)

²¹ Tipa dolo Aghungu Kimthe no alokivi pesu Jisu hupitetsu, eno pano pi, “Atsutsu eno ayeghi Mpeu, Apuo, ino oshikimthi ani, kughengu nono thime hipaqo alokutsumi ngo ithishekemi launo kusuluveno, mthakemi lau pephepiyeke. Iye, Apuo, nono hi shitsukeuye tino opulou kehue.

Sümi Tiqhelimi Bible

²¹ Tipau tüqhüdo lo Aghungu Kimthe vechewo alokivi pesü Jisü hupite tsü, eno pa no ishi pi, “Atsütsǘ eno ayeghi Mpeu, Apùo, I no O sheqhe ani, kughengu nono alokütsümi eno ithisheve kemiqo lau no thime hipaqo küsüpe qhive, eno anuli itimiqo lau tipaqo pephe-piye ke. Iyei, Apùo, hitoi shikeu ye O pulou kiqi lono shikeu ke.

Sumi Naga CL (Re-edited) Bible (BSI)

²¹ Tipa süchedo lo Jisü no Aghungu Kimthe lono alovilu no pi, “Atsütsü ayeghi Mpeu, Apuo, I no O sheqhe akeu ye Nono alokütsümi ngo kighithimi launo thime hipaqo küsüve no itimi kititiqo lau pephetsü ke; iyei Apuo, kughengu hitoi shikeu no O mlokiqipu ke.

Luke 10:21 ပူးပေါင်းရင်းမြစ်များ

LESHELE 24:1

Ayeghi eno tipaulo akeu jeli kumtsu AMPEU wuke; ayeghiqha eno tipaulo xuakemi kumtsu pawuke.

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

LESHELE 8:2

Oghumiqo launo noye mutotoi eno ithamo kepushi ani; nono aghumi omjochilekemi ghasuke.

ISAIAH 29:14

Tighenguno julo, ino itaghi timi hipaqono lajumono akeu ghime pesu panoqo shithughuyi nani. Khunoqono alokutsumi kepi acheni keno kughuzumi shive aghi nani eno pano shitsa jeli kumtsu adou shive nani.”

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

ISAIAH 62:5

Apulhothe lakhino ililhothe lakhi pelo pawu kulaliu shiape keshi, Khuno olhophekeno pano osasu kulauve nani. Kulapuuno pawu kulaliu lau alokivi akeshi oLhou no oshou alokivi anani.

ISAIAH 66:1

AMPEU no pi, “Kungughaye ikuka lakhuke eno ayeghiye ipukhu kinepuke. Tishiaye, nonguye ighenguno kiu toikeu ki shitsuluni kya? Kiutoi keu alo ipelo ngopeni kya?

ZEFANIA 3:17

AMPEU oLhou ye ogholo ani; pa kukano tokulu otsuke. AMPEU no oshou azukuvu shi nani, eno pa kikimiye lono pano akuxu kithe otsu nani. Pano ojupe alephe alokivi shive nani, timino tiqhetini tsalalo alovi akeshi nani.”

MATTHEW 16:17

Jisu no pa vilo pi, “Jona nu Simon, noye akumghapue! Kughengu timi shi-aji kudauno olau hipau pephepiye kekumoe, ikemu iPuh kungughalo akeu noke.

MATTHEW 21:16

Ikehu panonguno Jisu vilo ishipi, “Hipaqoye kiu pianikela noye chilu anima?” Jisu no panoqo vilo ishi khochile, “Mutsuqheyi thono, eno nonguye kuchoyesulo ishi pipuakeu phimla kesha? ‘Itimi ngo anga akichhi nichekeqo saputhu pesu akiqheushi sheqhelupeke.’ ”

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Mark 10:15

Kuchouno ino nongu vilo pi ani, khunono itimi lakhi toi shieno Alhou pelo pa shou akukau shipemoni keno paye Alhou yehkipelo ilomla nani.

Luke 15:5

Kughou pano ti phulu nikeno, alokivi launo pa mqalo xapusu

Luke 15:9

Kughou lino ti phuluve nikeno shompami eno aki sughumi kukutsu cheni. Lino panongu vilo pi cheni, ‘Igholo alovi kuqhalo, kughengu ino puhavekeu ghuka hu phuluvae.’

John 11:41

Ikelo panonguno atuqu ikhive. Tile Jisu no kunguu jupuku puzu pi, “Apu, ino oshikimthi akeuno nono ino pikeu initsu cheni.

2 Kor. 4:3

Kughengu atsakiviu hu kusuluve namu tiye khunoqomi puhaveno ani keno tipaqo lau likhino kusuluve ake.

Ephesiami 1:11

Kughengu thwokha Alhou kukughu eno pano kughathape puakeu kiqi lono shicheni; pano mijipe puakeu ghenguno abothu lono kughathavekeu shou bepe puzu Khristo gholono pawu timi shipenike ningu kishelu.

Ephesiami 1:5

Pano kimiyekeu lono Jisu Khristo vechewo ninguye pa nuliqo shipenike ado tomphi lono kutope qhive, tiye pa puloulo mijipe puakeu kiqilono ke.