Luke 1:66 - BAIBEL (BSI)

⁶⁶ Hi chilukemi kumtsuno pututa mlo lono kumsu kuto ju ghi pi, “Anu hipauye kiu shini cheni kela? Kughengu kuchouno Ampeu wu akuka pa gholo anie.”

Sümi Tiqhelimi Bible

⁶⁶ Hi chilu kemi kümtsü no akümzave eno panongu no ishi iniju ghi pi, “Tishiaye anu hipau ye kiu shi nani kela?” Kughengu Ampeu küká no pa gholo ae.

Sumi Naga CL (Re-edited) Bible (BSI)

⁶⁶ Hipa tsa chilu kemi kümtsü no amlo lo xapusü ishi kümsüe, “Imaye anu hipau ye kiu toi nani kelae?” Kughengu Ampeu u no pa gholo ae.

Luke 1:66 ပူးပေါင်းရင်းမြစ်များ

BOTHUBO 37:11

Pamunoqono paju anheshuve ikemu papu ye pano piqhikeu kumsukutoju ache.

BOTHUBO 39:2

AMPEU no Josef gholo ae eno paye phuyi thayikemi. Paye pa mipeu Ijipmi nokilo ache.

KUKAMI ATUGHIU 18:46

AMPEU kuka Elija shou ighi; pano paphi pesu pa chita khathapuluveno Ahab zuuno posu Jezreel lo wuve.

LESHELE 119:11

Ohekibide xine shimonike ino otsa imlolo kusuluvae.

LESHELE 80:17

Nono kisheluvekemi nono shikumtokeu shiayeh owu timiqo khekutono susholulo.

LESHELE 89:21

Ikumtoye pulhapuju pa gholo ache nani, ikukano pa shikumto nani.

Luke 1:80

Anuye aphimpi eno aghungulo mutotoi thuwuve, paye Israilmi gizulo pephepiye moke tsala kutolo yenguyelei keu-alo xuache.

Luke 2:19

ike hi pi keu kumtsu Maria no amlolo qhiluveno kumsukutoju ache.

Luke 2:40

Jisu ye mutotoi thuwuve eno paye alokutsuno chhitoi eno Alhou no qhuivu keu pa shou ae.

Luke 2:51

Pano pama sasu Nazaret lo iqighi,Pano pama gholu eno pazano hi kumtsu li mlolo qhiluve.

Luke 9:44

“Atsa hipaqo pheqhi kevilo, hipaqoye nongu ghenguno ke: Timi Nu ye ikhi phepe timi ulo suvetsuni cheni.”

Apostolmi 11:21

Ampeu kuka panoqo gholo ae; eno timi kutomono pululu puzu Ampeu lau xaide ighiluve.

Kolosiami 1:5

tiye laju apenike ghenguno kungughalo kikepesu anike. Hipau lajupuye atsakiviu sutsa kuchou nongu lau ighi tughi lono nonguno chiluvae.

SAMUEL ATUGHIU 16:18

Tilehi pa khe akemi gholo milakhino ishi pi, “Bethlehem taun lo Jese nuli gholo milakhiye ale phekithi ani. Paye amlo kivimi eno pa jughi ighono aloe, aghukivimi lakhi eno atsapilo ghi thayike AMPEU ye pa gholo ani.”

SAMUEL ATUGHIU 2:18

Tipa ghulokilo Samuel ye akimthe phino papo khapuno AMPEU hukuthu kumla shiche.