Luke 1:14 - BAIBEL (BSI)

¹⁴ Kughono pa punu ni keno no eno timi kutomono alokiqi eno alokivi shi nani.

Sümi Tiqhelimi Bible

¹⁴ Pa ye O ghenguno alokivi eno alokiqipu shi nani, eno pa punú keu ghenguno timi kutomo no alovishe nani,

Sumi Naga CL (Re-edited) Bible (BSI)

¹⁴ No ye amlokiqi eno alokivi anani, eno kutomo no pa punu lo alovi nani,

Luke 1:14 ပူးပေါင်းရင်းမြစ်များ

BOTHUBO 21:6

Sara no pi, “Alhou no ipelo nu kuzupu shive tsuae eno hi chilukemi kumtsuno igholo nusu niae.”

AHOLE 15:20

Alokutsu nu lakhiye papuh lopivitsu cheni. Anikhami likhino aza thaigha cheni.

AHOLE 23:15

Anu, nono alokutsumi shive aye niye ighono alokivishi nani.

AHOLE 23:24

Amikuchomi papuhye alokivi shikepu akiqi kivi anike. Noye alokutsu nu jupe akijivilo kepu anie.

JEREMIYA 20:15

Timi khuuno ipuh lopivi tsu ghi, “Noye anu kiptimi ithuluvae!” ipi keu sutsa pa lau sughi keno timi tipau musuinive pelo.

Luke 1:13

Ikemu kungumi huno pa vilo pi: “Zakharia! Musa kevilo Alhou no okighini chiluvetsua, onipu Elizabet ye anu lakhi punu nani eno nono paje Johan kutsulo.

Luke 1:15

Kughengu paye Ampeu zulo akughushumi lakhi shinani. Pa ye kiu ji kumkamu shomo nani. Paye punuke mtsano Aghungu kimthe no chhitoi nani.

Luke 1:58

Li kisughumi eno asholokumino Ampeu no akumzapu kivi li lau piyekeu chiluno panongu kumtsuno li gholo alovi kuqhae.