LESHELE 74:3 - BAIBEL (BSI)

³ Hi hexapinyi pesu puakeqo shou cheujulo; nighumiqono Achine kilo thwokha kumtsu kutsakhave ake.

Sumi Naga CL (Re-edited) Bible (BSI)

³ Ixapinyi akeqo shou chewu julo; Aghümi no akimthe-a lo thokha kümtsü kütsave tsüae!

LESHELE 74:3 ပူးပေါင်းရင်းမြစ်များ

KUKAMI AKINIU 25:9

Pano Jerusalem lo Achineki, akukaki eno timi atomiqono ngochekeu ki kumtsu pitikhavetsu,

NEHEMIA 1:3

Panonguno ivilo pi, “Akuxu achilishi aghi puzu aghakhulo ideighi kulumiqo hu ighono aghime shi anie eno inaghami pano cheaxulo kuamiqono tha igha achenie eno Jerusalem kupuwu hu hexavae eno tile khaghoqo hu pitiveke lono ishi kutolo tishi aphie.”

NEHEMIA 2:13

Ino aphughi qhiveno kulolau Akhila Khagho vechesu apeu Dragon Zupuki hechesu Akutsukumna Khagholo wuke eno tishi ake kutolo putho shi ae. Ino wuche kelo aphughi kupuwu ipopiniyive keqo eno amino pitivekeu khaghoqo xujusu wu.

NEHEMIA 2:3

khochile pi, “Akukau pelo axu shupeniu! Niye kishi puzu ipuasuqo kumo qhope puakeu phughi ixapiniyi anike amlo samono aluni kya? Tipau khaghoqoye amino pitileveno anike!”

LESHELE 44:23

O AMPEU, ithughilo, noye kushiye zu ani kya? Oxuide julo! pulhapuju ni peve kevilo!

LESHELE 44:26

Ithu ni kuphutsulo! Nono tamono kimiye cheku lono ni xaphelulo!

LESHELE 79:1

O Alhou, ophimokemino oyeghi leighivae, Panonguno okimthe chineki shipixivetsu eno Jerusalem ye hepho pinyivetsuae.

ISAIAH 10:6

Alhou mthakemi shiayeh shou ino pa puwuni, iloghu shikighide kemiqo shou ino Asiriya puwuke. Ino panoqo puwukeuye alaghilalo aniba qodaneda keshi timiqo pukaqhi, xuleqhilu peniyeke.”

ISAIAH 25:10

AMPEU no Zion Toghi susholu nani, ikemu Muab lo akemiqoye abalo aghijini qodave keshi panoqo qodave nani.

ISAIAH 61:4

Aphughi ado kushuwolo ixapinyi achekeu panonguno shiqhekithe nani.

JEREMIYA 52:13

Jerusalem lo pano Achineki ngo Akukau kighiki eno timi akhotomiqo ki kumtsu pitilevetsu;

AKUMLO 1:10

Aghumino liwu kinikulu kumtsu suxalu khavae. Tipaqono Achineki alou iloghikeu ithuluke, tipa aye Ashiayeh kutami pelo iloni keu AMPEU no lakha puake.

DANIEL 11:31

Pawu ghushimiqo dolo khamino achineki lono shipixi keu kumla shi nani. Tsala kipetsu ghiqhino mllachekeu lakhave tsu nani eno tilehi Jukikichipu qhitsu nani.

DANIEL 9:17

O Alhou ikighini eno qhuiniju akeu chilu tsulo. Ochineki hexavekeu hu suchile sughi tsulo, tipau ithino timi kumtsu noye Alhou ipi ithive penike.

DANIEL 9:27

Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

MICAH 1:3

Julo, AMPEU ye pano achekeu lono ipecheni, pano iqighi puzu naghuto kutsuqa shou nepuku nani.

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

Mark 11:17

Tishieno pano timiqo vilo ishi kutsu, “Kuchoyesulo ishi yepuani, ‘Ikiye timi kumtsu ghenguno akighini ki lakhi ipi ku nani.’ Ikemu nonguno hipau pesu kupukami kughutshu-a kughulho vetsuae!”

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

JOSHUA 10:24

Joshua lau sawu. Joshua no pa qholo kijemi kukutsu eno panongu vilo kukami kuobo shou nepukupe ngolo pive. Panonguno titoi shi.

Piyeküsü 11:2

Ikemu akikhala bochoye mighiju kevilo, kughengu tipaqhaye Alhou yeh kumthamiqo tsuveake, eno panonguno aqhi lhobidi kini ghenguno Akimthe phughi hu nedaqoda nani.