LESHELE 67:7 - BAIBEL (BSI)

⁷ Alhou no ningu kumghatsuke; Aqha kumtsulo timi kumtsu pa gihulo.

Sumi Naga CL (Re-edited) Bible (BSI)

⁷ Alhou no ni kümghatsü nani; ayeghi shekha kutolo Pa sümsa lo!

LESHELE 67:7 ပူးပေါင်းရင်းမြစ်များ

LESHELE 22:27

Timi jeli kumtsuno AMPEU kumsulu nani eno pa lau xaideghi nani; Ashiayeh jeli kumtsuno pa gihu mlla nani.

ISAIAH 45:22

“Ilau xaideghilo eno xaluve pelo, ayeghiqhalo timi akeqo! Ilikhino Alhou ke, kutami kuhae.

Apostolmi 13:26

“Abraham polo kughukomi ithikuzumi Israilmi. Judakumomi eno nongu Alhou sumsachekeqo, xakulupu sutsa hipau ningu lau puwuvetsu anie.

LESHELE 65:5

Nono tokulu nitsukeu lono nikighini khochile tsuke, eno nixalu niye nono akumzapu kumla shike. Ayeghiqhalo eno azughi kachewo timi akemi kumtsuno opukhu cheni.

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Apostolmi 13:47

Kughengu Ampeu no ahza ningu tsuvae: ‘Judakumomi ghenguno akulu lakhi shipeniye ino nongu qhike, eno ayeghiqha kuchopu ghenguno xakulupu laghi shipeni yeke.’ ”

Apostolmi 2:28

Nono akuxupu la ipelo ithipe, eno nono sasu chekeu lono ilokivi shepichhi nani.’

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

LESHELE 29:11

AMPEU no akumto pesu pawu timiqo tsu cheni eno alokughuno pe panongu kumghatsu cheni.

Galatiami 3:9

Abraham kupuluno kumgha keu qeluke toi kupulumi kumtsu kumghatsue.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

ZEKHARIA 9:10

AMPEU no pi, “Ino Israil lono aghushi khurshi ikhive nani; eno Jerusalem lono khurshi ikhive nani; aghushilo peithakeu suzu kutsavetsu nani. Okukauno ashiayehqo gholo ala shitsu nani, pano azughi lakhi lono lakhiu kutolo ayehpe nani, Eufrati ghoki lono ayeghi shekha kutolo.”

MICAH 5:4

Kughou ayehkipeuno ighini keno AMPEU launo ighikeu kumto ngo AMPEU Alhou je kuloghi pesu pano pawu timiqo shou ayehpe nani. Pawu timiqo sushokululo anani kughengu ayeghilo akemi kumtsu paje kuloghi ithikuthulu nani.

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

ISAIAH 43:6

Ino ahuu vilo panoqo puwuvelo pi pi nani eno apeu vilo panoqo hakhape akevilo pi nani. Iwu timiqo putosuu akeu yeghi lono ideighi pelo, ayeghi ku-aqha kumtsu lono ighi pelo.

LESHELE 98:3

Pano Israilmi lau pano piqhivekeu peke, tiye qhoqhukeu eno iqemokeu kikimiye peithake. Aqha kumtsulo timiqono niLhou no tolukeu ithulue.

LESHELE 72:17

Akukau je pulhapuju haumono achepelo, tsukinhe ake kutolo pa jekipino tishi apelo. Ashiayeh kumtsuno pa sheqhe pelo, panongu pelo Alhou no panoqo kumghatsu penike iniju pelo, akukau lopivipeni keu panongu pelo kumsulu pelo.

LESHELE 33:8

Ayeghiqha kumtsuno AMPEU sumsalo! Ayeghilo akemi kumtsuno pa gihulo!

Galatiami 3:14

Khristo no hitoi aghime shikeuye Alhou no Abraham lau kumghatsukeu hu Judakumomi ghi Jisu Khristo gholo kimepe akeu ithulu eno akupulu vechewo ningu pelo Aghungu Kimthe ikhilupeniyeke.

ACHINE 26:4

ino ado achipi lono tsutsughu nongu lau puwutsu nani tishianguno ayeghino tuxatini ipeghi nani eno asuboqono axathi pithi nani.

ISAIAH 30:23

Kugho kughomu nonguno apiti yisu kelo AMPEU no tsutsughu puwutsu nani eno tipaqo pelo thuwu pe nani tishianguno kinikulushi ghile hulupe nani eno nongu mishiqono muzakepu lukumkhashi alupe nani.

ZEKHARIA 8:12

Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.