LESHELE 4:3 - BAIBEL (BSI)

³ Ikemu ithilo, amikuchomi kutashi pawu shipe niye AMPEU no kopheve cheni, ino pa kukelo AMPEU no chilutsu cheni.

Sumi Naga CL (Re-edited) Bible (BSI)

³ Ikemu Ampeu no Pa ghenguno akimthemi kishe kütüta shivae pi ithilo; I no Ampeu kukelo Pa no chilu tsüe.

LESHELE 4:3 ပူးပေါင်းရင်းမြစ်များ

John 15:16

Nonguno ikisheluke kumoe, ikemu ino nongu kishelu eno nongu hekutsulu eno wupuzu tamono axathi kutomo pithipeni yeke. Tishianguno nonguno ije lono Apuh vilo kiu kiumu khu aye pano nongu tsu nani.

LESHELE 34:15

AMPEU no amikuchomi jukuto acheni eno pa ghugha initsu cheni;

2 Peter 2:9

Tishiaye Ampeu no pa lau amlo tsukemi shilukusa sasu kupughu akeu lono xaphe lunikeu ithi ani eno amikucho kumomiqo pesu Kughakuthapu Tsala ghenguno aghimeshi pu anikeu ithi ani,

2 Tim. 2:19

Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

IPEKULU 33:16

Nono ningu gholo wumo aye noye owu timiqo lau eno ilau amlo qi anikepi khuuno ithini kya? Nono nigholo achekeu ayeghilo timi kutami akeqo launo nikutashi kimchilu nikeu anike.”

LESHELE 6:8

Nongu alhoksa kumlami kumtsu ilauno chevelo! Kughengu AMPEU no ino qa akeu sutsa chilu ani,

Ephesiami 2:10

Ninguye Alhou ghenguno mlakuqha chekeqoke, eno Khristo Jisu gholono akumla kivi shipeniye pano ningu lhoqhike, ningu pelo tipaqo shipeniye Alhou no puzuuno kutope qhiveke.

LESHELE 50:5

Pano pi, “Khunoqono aghakishi pesu mllano isasu puloshoqhi shipuani keno, ighokulumi iwu timiqo ilau kumqolo.”

LESHELE 31:23

AMPEU qhuivulo, nongu paghokulumiqo. AMPEU no amikuchomi khepesu acheni, ikemu aqhekuzamiye panono ithulu kuzupu qhemi shi ghime qhi cheni.

LESHELE 56:9

Khipa tsala lono ino ovilo pinikeno ighumiye athiu idewove nani. Ino hi ithiani ike Alhou ye ikudau anie.

LESHELE 49:3

Ikukumsuye thonhei tsaqutsa leyikeu; niye alokutsu tsa pinike.

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.