KUKAMI AKINIU 8:9 - BAIBEL (BSI)

⁹ Tighenguno Hazael no kemel lhobidi lo Damaska lono mlaphekeu thime akiviuqo akho shipusu Elisha lau wu. Kughou Hazael no pa sasu kusholukeno pano ishi pi, “Oqeu akukau Benhadad no ihapuwuno ovilo paye pa kusu lono vilu nani keo mokeno ithisughi penike ighi ani.”

Sumi Naga CL (Re-edited) Bible (BSI)

⁹ Ikehu Hazael no Damascus lono mlaphe keu thime kivi sayeshi lhobidi xapipe no Elisha lau wu. Kughou Hazael no pa lau ighi no pa zülo puthugho keno, pa no pi, “O nu Ben-hadad Syria kükau no I puwu no pi ani, ‘Ni ye aküsü hipau lono viluve nanima?’”

KUKAMI AKINIU 8:9 ပူးပေါင်းရင်းမြစ်များ

KUKAMI ATUGHIU 14:3

Ashopa chighi eno kholaqhi sumono shikeu sho gholo akhi ngozu abohu lakhi ishi pesu wulo. Pa vilo nikujo nuye kiutoi veni chenikeno iniju aye pano ovilo kishekulu pitsu nani.”

KUKAMI ATUGHIU 15:18

Tighenguno akukau Asa no Akumllaki eno akighiki lo qhipuakeu tsandiyi eno shuna kumtsu pawu kijemi vechewo Siriya lo akukau Benhadad Tabrimmon nu, Hezeion nuke eno pano Damaska lo ayeh pe ake, pa lau tsupuwughi hipa sutsa pesu pithi:

KUKAMI ATUGHIU 19:15

AMPEU no pi, “Noye Damaska phivilo aghasaqhalo idewovelo, tishipuzuno aphughilo ilono Hazael pelo Siriyami kukau shipe nike ghenguno nukisheluvelo;

KUKAMI AKINIU 1:2

Israilmi kukau Ahazia ye Samaria lo akukaki kunguu khachelo ake lono ikiqiveno aloqhi izave. Tileno paye aghinimi khami hapesu Ekron phughilo Filistiyami lhou Baalzebub lau paye vilu nani keo mokeno ithi sughi peniye hapuwu.

KUKAMI AKINIU 13:14

Tungkupuu Elisha ye ighono akithi kusu suve, pano thiveniye akelono Israil kukau Jehoas no pa xuju ighi. “Ipuo, Ipuo!” ipi igha pano qathu. “Noye Israilmi sakuphuu atou shicheke!”

KUKAMI AKINIU 16:7

Ahaz no Asiriya lo kukau Tiglat Pilaser lau asutsa hipau puwu: “Niye oqeuke, ighino Siriya kukau eno Israil kukau pama ulono ixaphelu tsulo kughengu pamano ni le-ighi ani.”

KUKAMI AKINIU 5:13

Pa qeuno pa vilo ighino pi, “Akijeu, tsala tungkupuuno kiwala kushokutsupu ovilo shilo pi aghikepu aye nono shimomu take. Ikemu pano ovilo okutoshino wupuzu qhuvelo eno viluvelopi anike ghenguno tishiju kepue.

KUKAMI AKINIU 5:5

Akukauno pi, “Israil kukau lau wulo eno yesu hipau pa tsulo.” Tighenguno Naaman no tsandiyi, shuna muqo 30,000 eno aphimini kuzuqhu kuzuli shikulupu chighi ishi pesu chewu.

KUKAMI AKINIU 6:21

Kughou Israil kukauno Siriyami ithulukeno, pano Elisha vilo iniju, “Ipelono panongu heqhivepemo kesha, akijeu? Ino panongu heqhiveosha?”

YETSAPIU 3:6

Pano qhipe puatsuake, phulukepu do eno puhave kepu do, hekutsukiyi kepu do eno peve kepu do,

Philemon 1:14

ikemu nono pulosutsumo keloye niye kiumu shimo nikeu shivae. Ogho apulou lono kuphu penishi ani kethono tsuyikhomo ovilo kimiyelopi pinishiamoe.

SAMUEL ATUGHIU 25:8

Panongu inijulo eno panonguno ovilo pinanike. Ningu apumiqoye Aghulhu Tsala ghenguno ighi ani eno David no ovilo pi akeuno akivishi ningu sasutsulo ipi ani. Tighenguno nono kiu anikeno ningu tsulo eno oshou kiviu David lau ghi tsupuwulo.”

SAMUEL ATUGHIU 9:7

“Tsala nikujono pa lau wu aye kiu pesu pa tsuni kya?” ipi Saul no iniju. “Nikujo jolalo achuqupu kuhava eno kutau kiu nhemgha mu pa tsukepu kumu puchemova no kishinia?”