KUKAMI AKINIU 8:7 - BAIBEL (BSI)

⁷ Elisha ye Siriya kukau Benhadad no su ake ghuloki lono Damaska lo ighilu kughou akukau vilo Elisha ighi aniepi pithi keno

Sumi Naga CL (Re-edited) Bible (BSI)

⁷ Elisha no Damascus lo ighi kelo Syriami kükau Ben-hadad ye süae. Kughou, “Alhou timi ye hilau ighi ani,” ipi pa vilo pi keno,

KUKAMI AKINIU 8:7 ပူးပေါင်းရင်းမြစ်များ

BOTHUBO 14:15

Tile pa timiqo aqo kini shi puzu putho lono panongu le. Eno Damaska ahuu Hoba ipikeu kutolo panongu hasusu wue.

KUKAMI ATUGHIU 11:24

paye athiuye hekibidemiqo shou saphetou shiluve. (Hiye David no Hadadezer eno pa gholo su akemi Siriyami theqhi luve kethiunoke.) Rezon ngo pawu timiqoye Damaska lo wuno tile ache eno pawu timino pa pesu Siriya kukau shitsu.

KUKAMI ATUGHIU 13:1

AMPEU zah kutsu lono Juda lono tungkupumi lakhi Bethel lo wuve eno Jeroboam no akumlla gho tsu niye puthugho ake lono ighilu.

KUKAMI ATUGHIU 15:18

Tighenguno akukau Asa no Akumllaki eno akighiki lo qhipuakeu tsandiyi eno shuna kumtsu pawu kijemi vechewo Siriya lo akukau Benhadad Tabrimmon nu, Hezeion nuke eno pano Damaska lo ayeh pe ake, pa lau tsupuwughi hipa sutsa pesu pithi:

KUKAMI ATUGHIU 20:1

Siriya lo akukau Benhadad no pawu ghushimi kumtsu hekutsuno tipau gholo ayehkipemi kutami pano shighi kinino panongu wu khurkulu sasu ighino Samaria lenike ghenguno alachethuve eno ti sumxa le thuve.

KUKAMI ATUGHIU 20:34

Benhadad no pa vilo pi, “Ipuno opu u lono suxaluvekeqo taun ino otsuchileveni eno Damaska phughipe lhidi phughi khaqhilu nani ipuno Samaria lo shiketoi.” Ahab no khochile, “Nono piqhikeu kiqi lono, tishiaye ino okhaqhipheveni.” Pa sasu kulakishi shoqhi shiveno pa phe puwove.

KUKAMI AKINIU 1:2

Israilmi kukau Ahazia ye Samaria lo akukaki kunguu khachelo ake lono ikiqiveno aloqhi izave. Tileno paye aghinimi khami hapesu Ekron phughilo Filistiyami lhou Baalzebub lau paye vilu nani keo mokeno ithi sughi peniye hapuwu.

KUKAMI AKINIU 2:15

Jerikho lono ighikemi tungkupumi no pa ithuluno pi, “Elija wu akuka Elisha shou ikughiluvae!” Panonguno pa sasu kushonike wuve eno pa zulo pishiqhotsuno

KUKAMI AKINIU 5:20

Elisha qeu Gehazi no pa likhi pa putsaghi pi, “Impeu ye Naaman launo kiu nhemgha mu lumono vejoi phepuwove! Paye Siriyami kijemi hipauno agho pa tsukeu luvekepu shiae. Xukuau MPEU jelono niye pa hasu huni eno pa launo thime hami khuluveni.”

KUKAMI AKINIU 6:12

Panongu gholo milakhino khochile, “Ningu khuunomu kumoe, akijeu, ikemu Elisha tungkupuu khuu Israil lo acheni keno pano nono tuqhouno ozuabo lono pikeu tsaghi pe akukau vilo piluve cheni,” ipi.

KUKAMI AKINIU 6:24

Ado hami thiu Siriya kukau Benhadad no pawu ghushimi kumtsu sasu ighino Israilmi sasu aghushi eno Samaria lethuve.

KUKAMI AKINIU 8:6

Akukauno atopuu vilo tishike sheapi iniju eno lino khochile Gehazi no pi akeuye kuchouke ipive. Tileno akukauno kijemi lakhi kupuzu liwu kiu anikeno ti kumtsu li tsuchileve tipau gholo lino ampe tsuni wuveke dolo li yeghi lono kiu tuxatini ipeghikeno ti kumtsu amelo suveno tsulo ipive.

ISAIAH 7:8

Kughengu Siriya ye tipau phughitou Damaska nguno akumtou kumoke, eno Damaska ye Akukau Rezin nguno akumtou kumoe. Israil ghenguye ampe lhotsugho pungu dolono ipopinyive nani eno ashiayeh lakhi shi puxuamlave nani.

JEREMIYA 40:5

Ino kiumu khochilemo kelauye Nebuzaradan no pi, “Ahikam nu Gedaliya lau idewovelo, pasuye Shafan ke; Babilon kukauno pa pelo Juda lo taunqo shou ahng shipe qhipuanike. Noye pa gholo ngolu nani eno timiqo gholo xuachelo momu nono khile khilemu wukepushi kumsulukeulo wulu nanike.” Tishi puzu pano agho lakhi itsuke eno ipelo wuvepeke.

Apostolmi 17:6

Ikemu kughou panonguno pama phumlave keno Jeson ngo athikuzumi khami sunhe sasu tipau phughilo ayehkipemi zulo wu, eno ighamuku pi, “Ayeghi kumtsu pekidepukhu akemiqo hu hila ighi ani,

ZAKINIU 33:1

Kukumgha hipaqoye Alhou wu timi Muse no pano thini ke zulono Israilmi shou pipuku tsukeu ke.

XAKUTHAMI 16:2

Gaza lo timiqono Samson no tile akeu ithiveno a-a tipau homxape puthotsu iqunei ngono panongu dolo ishi kumsua, “Ninguno thanau atsala pekighi kutolo ngokheno pa heqhi pithini.”