KUKAMI AKINIU 7:9 - BAIBEL (BSI)

⁹ Ikemu tileno panongu dolo hitoi pikile, “Ninguye hiye shimokepu shiani. Ninguye asutsa aloke anipuzu ningu dolo likhi qhipuave kepu shi amoe. Tsala ninguno inaqhe kutolo pimono auve aye mutsuqhei aghime ningu tsu nani. Ningu mtazu wuno Akukau wu kijemi vilo piveni!”

Sumi Naga CL (Re-edited) Bible (BSI)

⁹ Panongu dolo ishi pikile, “Ningu ye achipi shiamoe. Atsala hipau ye asütsa kivi tsalae. Ningu no inaqhoi tsüküvü kuto kheve aye, aghime no ni shou ikughi niae. Tighenguno itehi shilo, ningu wuno akükau kibolomi vilo piveni.”

KUKAMI AKINIU 7:9 ပူးပေါင်းရင်းမြစ်များ

KUKAMI AKINIU 5:4

Kughou Naaman no hipatsa chilu keno paye akukau lau wuno ti anga aqeliu no pa vilo pikeu tsa pesu pithi.

KUKAMI AKINIU 7:10

Tileno panonguye Siriyami ghazu qhiveno Samaria lo idewono khagho kheu kupheno pi: “Ninguye Siriyami aghazulo wukemu kumu ithumla momu chimlae; khurshiqo ngo gadahaqo lakhimu tsughape qhipuamoe eno aphikiqo ghi Siriyamino qhiveno wuvekeu atholo ani.”

KUKAMI AKINIU 7:3

Timi bidi apugha kusu no suno Samaria phughi khagho khalacheu ngoa eno panongu dolo ishi kuptsa kileghi pi, “Thivemoke kutolo ninguye kushiniye hile ngokhe anikya?

KUKAMI AKINIU 7:6

Kughengu AMPEU no Siriyami pelo ghushimi kutomono khurshi ngo khurkulu sasu chekeu ghugha toi chiluvepe eno Siriyamino kumsuvekeuno Israil kukauno Hatimi ngo Ijipmi kukamiqo eno panongu wu ghushimi sasu ighino leniye chea kughashi kumsuluve.

KUKAMI AKINIU 7:8

Kughou timi bidi huno aghazu kupunulo ighilukeno, panonguno aphiki lakhilo ilono tipaulo chuqu kusho kiu qhipuaghi keno tipaqo chu-sholuve, ipuzu tsandi, shuna eno aphimini aghikeu ikhilukhaveno xapu kusupe qhive; panonguye ide ighino aphiki kutaulo ilono puzuu toi shi.

AHOLE 24:16

Kuchou shi xuchekemino ghuthu khijejehi veqhive aghi namu paye ithughikitheve cheni; ikemu zuleno kutsakungo keuno kixikilami puhave cheni.

ISAIAH 41:27

Ni, AMPEU no atughushi Zion vilo hipa sutsa kithe pike; Ino Jerusalem lo aqemi lakhi puwuno ishi pipeke, ‘Nowu timiqo cheni! Panonguye akilo cheni!’

ISAIAH 52:7

Naghutoqo kathasu aghinikishimi ighikeuye kiutoi akumzapushi jukivipu kelae! Atsakiviu pecheni, alakishi sutsa kithe! Toluvekeu pano asheshu eno Zion vilo pi, “OLhou ye Akukauke!”

NAHUM 1:15

Julo, atsapemi lakhi sutsa kivi pesu naghutolo cheni! Tokulu sutsa pesu asheshu nike cheni! Juda lo akemiqo, nowu tiqhetini tsala pelulo eno nonguno Alhou lau kiu tsaqui no tushoqhi puani keno tipau tsulo. Kusakughamiye khilemu noghakhu leighikithemo nani. Panonguye qhoi kutsalekhave!

AKIKIHI 32:23

Ikemu nonguye nonguno piqhive keu pelumo aye AMPEU shou axine shi aniputsa kepi ino nongu kutughuve ani. Hipau vehulo shipimi kevilo; nongu xine ghenguno aghime tsunanike.

Luke 2:10

Ikemu kungumino panongu vilo pi: “Musa kevilo! Ino nongu lau asutsa kivi lakhi pe cheni, tiye alokivi kije timi kumtsu lau ighiniye akeu ke;

FILIPIAMI 2:4

Olikhi opulou kumono kutami pulou shikile nikeu jukutolo.