KUKAMI AKINIU 7:6 - BAIBEL (BSI)

⁶ Kughengu AMPEU no Siriyami pelo ghushimi kutomono khurshi ngo khurkulu sasu chekeu ghugha toi chiluvepe eno Siriyamino kumsuvekeuno Israil kukauno Hatimi ngo Ijipmi kukamiqo eno panongu wu ghushimi sasu ighino leniye chea kughashi kumsuluve.

Sumi Naga CL (Re-edited) Bible (BSI)

⁶ Kughengu Ampeu no Syriami ghüshimi pelo khurshi ngo khurkulu eno ghüshimi kutomo chekeu ghügha toi chilupe kehu panongu dolono ishi pikile, “Julo, Israel kükau no Hittimi ngo Egypt kükami pelo ningu sasü aghüshi penike piqevae.”

KUKAMI AKINIU 7:6 ပူးပေါင်းရင်းမြစ်များ

SAMUEL AKINIU 10:6

Amunmiye David pe panongu ghumi kughulhovea pi kumsu chilelu, ikehu panonguye Bethrehob eno Zoba lono Siriyami ghushimi 20,000 piqe sughi, Tob lono timi 12,000 eno akukau Maaka kudauno 1,000 ishi piqe sughi.

SAMUEL AKINIU 5:24

Kughou nonguno asubo tsuqauno ala che chekeu sutsa chiluni keno tithiuno panongu lelo kughengu tipau kiqiye ino nongu zuu shino Filistiyami theqhiluve penike checheae pi ithilo.”

KUKAMI ATUGHIU 10:29

Khurkulu ye Ijip lono sughiche, tipaqoye tsandiyi kilogram tsuni kiqi lono kiliche eno khurshi no tsandiyi kilogram lakhi eno gram tsuni toi keu kiqi lono qhuluche. Hitoi Hatimi ngo Siriyami kukami laughi puwu cheke.

KUKAMI ATUGHIU 20:20

panongu lakhi khino pututa mishilo ighikeu sasu kumjono heqhi pithi thuve. Ikehu ghushimi ye Israilmino amchhi phobolesu hathu keu loye pokhave, ikemu Benhadad ye khurshi lo ikuno pokaluve eno pa gholo khurshi ghushimi khami ghi sasu cheve.

KUKAMI AKINIU 19:7

AMPEU no Asiriya kukau pelono uyeu tsa chikulu vechewono pano yeghilo idechile wovepe kepu shi nani eno AMPEU no pa pithive kepushi nani.”

KUKAMI AKINIU 7:5

Ikehu, zughughui akelono panonguye ithuveno Siriyami ghazulo wuve, ikemu panonguno tipa alo ighikelo, khuumu ithumla.

JOB 15:21

Akumsapu sutsano pano kinilo igha acheni, alokughuno shi akelo suxakulumi pano shou ighive cheni.

LESHELE 14:5

Panonguye shithughuyive nani, kughengu Alhou ye pa ghokulumi gholo ani.

ISAIAH 31:1

Khunoqono Ijip kukuphu luniye wunikeno tipano haksapuke! Panonguye Ijipmino akumtoshi aghushikepu khurshi, khurkulu ghushimi kumzapu akeu pukhu anike. Panonguye AMPEU, Israil Lhou akimtheu pukhumoke momu kuphupenike pa vilo inijumoke.

ISAIAH 36:9

Nonguye Asiriyami kijemi gholo aqhou qhejomu kumoe ikeghi kishi puzu Ijipmi no khurkulu ngo khurshimi nongu tsupuwu nani kepi laju ani kya?

JEREMIYA 46:21

Lino piqe sughikemi ghushimi thotsu ghi amshiti toi kiumu shimlave. Panonguye puthughope kumjomoveke; panoqo kumtsu tsughuchile puzu pove. Panoqo puhave nikeu tsala ighive, panoqo kutsaleve nikeu do ighive.

EZEKEL 1:24

Yewu kelo panoqo chishibo sutsa ino chilu, tiye azughi ghugha toi, aghushimi muqo sutsa toi, Akughushu Lhou sutsa toike. Panonguno yewumono ngoveaye panoqo chishibo ghokutsuluveke,

EZEKEL 10:5

Lhoxuqo chishibono asutsa shikeu huye akikhala khalaulo ghi chilu ake, tiye Alhou Akiqheu sutsa toi ighake.

Piyeküsü 9:9

Panongu mlaqhaye ayi kutuqhokeu mla-kuxa toikeuno nhapua, eno panongu chishibono asutsa shikeu ghughaye khurkuluno aghushiwuniye kohachekeu sutsa toike.

XAKUTHAMI 7:21

Timi kumtsu pututa alono aghazubo homxa puthugho kheluve, ikeuloye aghumi ghushimi akuchopu msano ighasusu pokhave.

SAMUEL ATUGHIU 14:15

Filistiyami aluzaqha lo akemi kumtsu kichimamaive; lewu akemi eno ghushimi khunoqo aghazulo ngo akhakeno msakhokho shive; ayeghi thotsu itha aketoive eno tilehi akumsano ihulokeu shive.

SAMUEL ATUGHIU 26:6

Tileno David no Ahimelek khuu Hatimi lakhi keno eno Abishai khuu Joab thikuzuu keno (pama pazaye Zeruiya ke), pama vilo ishi iniju, “Nokujo khuuno isasu Saul ghazulo wuni kya?” Abishai no khochile, “Ino wuni.”