KUKAMI AKINIU 4:1 - BAIBEL (BSI)

¹ Tungkupumi gholo milakhi nipu achimeu no Elisha lau wuno pi, “Akijeu, ikimi thivae! Nono ithi anike paye Alhou sukumsami lakhi ikemu pano timi lakhi pih puakeu huno ighipuzu ikimi pih tsumla aye inu hipama aqemi shipenike sawuvetsuni pi ani.”

Sumi Naga CL (Re-edited) Bible (BSI)

¹ Tungkupmi loji lo milakhi nipu achimeu no Elisha vilo ighamku pi, “O qeu, I kimi ye thivae, eno nono ithi anike o qeu ye Alhou sümsa chekemi, ikemu pa no timi lakhi pi puakeu huno ighi püzü I nu pama aqemi shi penike sawuve niye ani.”

KUKAMI AKINIU 4:1 ပူးပေါင်းရင်းမြစ်များ

BOTHUBO 22:12

Kungumi huno pi, “Onu pithi kevilo momu pa shou kiumu shikevilo, kughengu noye Alhou gholu cheni kepi ino ithivae; Noye anu lakhi likhi akeu ghi pesu itsuveni keu suchilemoe.”

KUKAMI ATUGHIU 18:3

tighenguno Ahab no akukaki jukukutsuu Obadia ku. (Obadia ye AMPEU mllachekemi kuchomi lakhike,

KUKAMI ATUGHIU 20:35

AMPEU zahkutsu lono tungkupumi gholo lakhino pa kusau vilo pa heqhilo pike. Ikemu pano tishimove,

KUKAMI AKINIU 2:15

Jerikho lono ighikemi tungkupumi no pa ithuluno pi, “Elija wu akuka Elisha shou ikughiluvae!” Panonguno pa sasu kushonike wuve eno pa zulo pishiqhotsuno

KUKAMI AKINIU 2:3

Bethel lo akemi tungkupumi aloji lakhino ipeghino Elisha vilo ishi iniju, “AMPEU no olauno ishino ompeu Elija sasu wuveni chenike noye ithi anima?” Elisha no khochile, “Niye ithi ani, ikemu ningu tipatsaye kughamono aghini”

KUKAMI AKINIU 2:5

Jerikho lo achekemi tungkupumi aloji lakhino Elisha lau ighino iniju, “AMPEU no ishino olauno ompeu Elija sasu wuveniye akeu noye ithi anima?” Elisha no khochile, “Niye ti ithi ani, ikemu ningu tipau ghiliye kughamono aghinie.”

KUKAMI AKINIU 2:7

tungkupumi pano lhopungu ghi Jordan kutolo pama papesu kumtsa wuve. Elija ngo Elisha pama ye Jordan lo ngove ipuzu tungkupumi lhopunguye putouno pishipuwo pama jughi puthugho a.

KUKAMI AKINIU 4:38

Ghuthu lakhilo, ayeghi kumtsu lo puqumiyekeu ighike lono Elisha ye Gilgal lo idewove. Kughou pano tungkupumi aloji lakhi shika akeno pano pa qeu vilo ali kije lakhi amilo pepukuno akulhozu shipesu panongu piyelo ipi.

KUKAMI AKINIU 6:9

Ikemu Elisha no asutsa pesu Israil kukau lau khilemu tilau wukevilo pi hakhave kughengu Siriyamino asumini pholo ngono ala khe akhani ke.

NEHEMIA 10:31

Inaghamino athi momu tuxatini kiu kiumu Sabat pinye tsalalo momu kiu kiu kimthe tsala lono nivilo jesuniye sughimu ninguye panoqo launo qhulumoni. Ampe akutsuniu loye ninguye alu chimoni eno apiagha kumtsu qhikhave tsuni.

NEHEMIA 7:2

Ino ithikuzumi Hanani ngo Hanania akuka kilo ayehpeu Jerusalem phughilo ayehpe penike qhitsu. Kughengu paye kutami nguno Alhou sukumsamike.

LESHELE 103:11

Atsutsuno ayeghi nguno qhemghai ke toi pa gihu chekemiqo lau pa kikimiye kije anike.

LESHELE 103:17

Ikemu khunono AMPEU gihuni keno, pa kikimiye panoqo lau alhokupujulo ani; eno paye akivike pikeuno tiqheli kumtsu shou ani.

LESHELE 115:13

Pa qhoqhu gihuchekemi pano kumghatsu nani, kijemi na kitilami namu.

LESHELE 147:11

ikemu khunono pa gihu cheni keno tipano shou pa zukuvu ani, tiye pawu iqemokeu kikimiye pukhukemi shou ani.

AHOLE 22:7

Kumlhomiye kinimi quaxemike. Pisa nalulo eno noye opuna keuno quaxeuke.

YETSAPIU 12:13

Hipaqo kumtsu shelo thime lakhi likhi pikepu ani: Alhou musalo eno pa zahkutsu papelo kughengu timi lhopuakeu ye hipau kimiji ghengunoke.

YETSAPIU 8:12

Axinemi lakhiye ghuthu 100 kutolo heqhi buqhi puaghiluvi tishimu xu aghiluvike. Iyei, panonguno kiu picheni keno ino ithi ani: “Nono Alhou gholu aye thwokha achipi shi nani,

ISAIAH 50:1

AMPEU no pi, “Niye timi lakhino pa nipu jumuve ketoi iwu timiqo puwuve kughashi nonguye kumsu ani kesha? Tishiaye, jumu kilevekeu kaku khile ani kya? Nonguno kumsukeuye niye timi lakhino pa tianuli aquaxe shi penike jevekeshi nongu akughu shikeulo jepuwuve kughashi ani kesha? Moe, nonguno akughu shiwuve keuye nongu xineqo ghengu noke; Nonguno heqhi buqhikeu ghenguno nonguye hapuwuveke.

JEREMIYA 34:14

ampe tsuninilo panonguye Ibrimi khukhumu ampe tsugho panoqo qevekemiye phepuwuveni keu pike. Ikemu nopuasuqono ilau amlo tsuqhiyi keu kuha momu ino kiu pikeno tipau initsumoe.

ACHINE 25:48

pa jeve kethiumu pa qhuchileluve kepu chipiu aphike. Pa thikuzumi milakhino

MALAKI 3:16

Tileno timi khunoqono AMPEU sumsa cheni keno tipaqo lakhino lakhi putsa cheni eno AMPEU no panonguno kiu pi keno tipau inia puzu chiluve cheni. Pa zulo kaku lakhilo yepe qhipuani, khunoqono AMPEU sumsa eno pa gihu cheni keno tipanoqo ghili yepuani.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 18:25

Timi tipauno papi lomla kehu, pano api puakeu mipeuno pa vilo ishi ahza tsu, Api love kepushi no ngo onipu, onuli eno nono aghikeu kumtsu jevelo.

MATTHEW 18:30

Ikemu pano tishimla piveno wupuzu pa kusami aqeu hu api lovemoke kutolo akughukilo khathave.

MATTHEW 18:35

Jisu no kishekhave ghi ishipi, “Nongu mlo lono nongu thikuzumi kipimi pevetsumo aye, iPuh kungughalo akeu ghi nongu lakhikhi shou hitoi peitha nani.”

Apostolmi 13:26

“Abraham polo kughukomi ithikuzumi Israilmi. Judakumomi eno nongu Alhou sumsachekeqo, xakulupu sutsa hipau ningu lau puwuvetsu anie.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

Piyeküsü 15:4

O Ampeu, khuno osumsa eno ajekipi otsumoni kya? Kughengu olikhino akimtheke. Ashiayeh kumtsu ighi puzu omlla nani, kughengu ow kughakutha pephe piyevae.”

Piyeküsü 19:5

Tileno akuka lakhu lono asutsa lakhi ishipi: “NiLhou sheqhelo! pa qemi kumtsu, timi kumtsu, kijemi kitilami ghi pa sumsa chekemiqo pa sheqhelo!”

RUTH 1:3

Ike Naomi kimi Elimelek thiveno liye anu pama sasu chime ache.

SAMUEL ATUGHIU 22:2

Amlo ghujumiqo momu api kupumi momu aloino mlakeqo kumtsu kuqhakelo pano 400 hekutsuluno pa lau cheve eno pano panongu sakiphetou shilue.