KUKAMI AKINIU 3:2 - BAIBEL (BSI)

² Pa ghi AMPEU zulo axine shive, ikemu papu momu paza Jezebel toi kutukeuye kumoe; papuno Baal mlapeniye ajulho shisukeqo kumtsu kubovetsu.

Sumi Naga CL (Re-edited) Bible (BSI)

² Pa ye Ampeu zülo axine shi, ikemu papu ngo paza pama toi keu ye kumo, kughengu papu no Baal tsükucho shiqhe keu pa no kubove tsü.

KUKAMI AKINIU 3:2 ပူးပေါင်းရင်းမြစ်များ

KUKAMI ATUGHIU 16:19

Hi shive keuye pano AMPEU mithi axine shivekeu ghengunoke. Pa zulo achekeu Jeroboam toi pa ghi pa xine ghenguno AMPEU pulou shimlave eno Israilmi sasu axinelo pulovetsue.

KUKAMI ATUGHIU 21:20

Kughou Ahab no Elija ithulukeno pano ishipi, “Ighumi, noye iphuluvea nala!” “Iyei, ino okughaluvae,” ipi Elija no khochileve. “AMPEU zulo kiuno achipi kumokeno noye tipaulo ighono amlo tsushe auvae.

KUKAMI ATUGHIU 21:25

(Khuumu Ahab toi thwokha kumtsu axine shi AMPEU zulo achipi kumou shi-ghi pa nipu Jezebel no kipekeu lono paphi ampi kumtsu jesuvekeu toiye kuhae.

KUKAMI AKINIU 10:18

Jehu no Samaria lo kuami kumtsu ku-kutsuno pi, “Akukau Ahab ye kitila pesu Baal lhou tsue, ikemu niye kutomo pesu pa huthunie.

KUKAMI AKINIU 21:20

Papu Manasse toi AMPEU zulo paye axine shive;

KUKAMI AKINIU 21:6

Panu ghi kughapesu akipti kumlla shipesu tsuve. Paye asaqhi, kuduu, muthukeu, asheazu ghili kipimi eno tumumiqo puluuve. paye Alhou zulo ighono axine shiuve eno AMPEU mlo alau shikighidevetsu.

KUKAMI AKINIU 9:22

“Noye kulashinike ghenguno cheni kesha?” ipi Joram no pa iniju. “Kiu kulakishi tsa pi anikya kughengu tumumi eno asu-atu oza Jezebel no huthuphe tsukeu ishi kutolo ningu gholo aphikeno kiu?” ipi Jehu no khochileve.

KUKAMI AKINIU 9:34

eno kukakilo iloghino alibe chu. Tishive kethiuno pano ishipi, “Ghushovekeu atopuu kumo ikhiluno shiqhove tsulo; kiukiu shi aghimu li ghi akukau nga lakhi ke.”

IPEKULU 23:24

Pano lhouqo lau itsaqi mlla kevilo eno panoqo chine khu-aye hakevilo. Pano lhouqo kutsalevelo eno panoqo wu achine tuqu khetsukucho kuboleve tsulo.

SAMUEL ATUGHIU 15:19

Tishi aye noye kughiye hakholukeu nhemgha suxachuve kya, eno tishi keu lono AMPEU loshipusuve tsu kya?”