KUKAMI AKINIU 14:9 - BAIBEL (BSI)

⁹ Ikemu akukau Jehoas no asutsa hipau khochile, puwo: “Libanon naghutolo asahukupu bo lakhino asutsa lakhi Kedar subo lau pipuwu: ‘Onga pelono inu sasu kulakupu shipenike tsulo,’ ipi. Tughashi lakhino ti vechewu cheke lono asahukupu subo hu neda suve.

Sumi Naga CL (Re-edited) Bible (BSI)

⁹ Akükau Joash no khochile puwo, “Lebanon lo asahubo lakhi no cedar sübo lau pi puwu, ‘O nga pelo I nu nipu shipenike tsülo.’ Ikelo Lebanon lo tüghashi lakhi no ti katha cheke lono asahubo hu neda süve.

KUKAMI AKINIU 14:9 ပူးပေါင်းရင်းမြစ်များ

KUKAMI ATUGHIU 4:33

Pano asuboqo eno atsuniqo khikhi Libanon lono Kedar subo acheni eno axamunu atupikiyelo thuipeghi chekeu kumtsu ithie, tinguno alaughi tughashi, aghau, itikiche lhoxu eno akha kumtsu ithie.

YEKIKITHI AKINIU 25:18

Jehoas no khokichile hipau Amazia lau tsupuwu:” Ghuthu lakhi Libanon Naghuto lo asahupho lakhino kedar subo lau asutsa lakhi tsupuwu, ‘Inu sasu kulakupu shipenike onga tsulo.’ Aghalo lhoxu lakhino vechewu cheke lono asahupho nedaveke.

YEKIKITHI AKINIU 33:11

Tighenguno AMPEU no Asiriyami ghushimi shou ampimi pelo Juda le ighipe. Panonguno Manase kughaluve, ayi kughuhono pa fuluve, ayi kichhe pe tshuluve eno Babilon lo pa sawuve.

JOB 31:18

Kughengu ilhothe lono paye igholo apu toi saputhue, eno iza polo aphi lono ino li la piyeke,

IPEKULU 3:2

Tileno AMPEU wu kungumi lakhino asuminipho mtalono ami kuyiqu lakhi toi pa lau ipeghi. Asu minipholo ami iqu akeu Muse no ithulu ikemu tipau pitivekeu shimoe.

AHOLE 26:9

Kughuzumino alokutsu tsa piqhilu nikeuye shokumzumino pau lono asahu kejo ake toike.

ALE KIMCHI 2:2

Lapu-kupuno asahuli gholo akeshi Ilomi ye totimi gholo lakhi.

ISAIAH 34:13

Asahu ngo koghesahuno kukami kungoki eno putupuakeu taun kumtsulo ipeghi nani eno tungtugha ngo aqhaqhono tipaqolo acheuve nani.

EZEKEL 20:49

Tileno ino ighachile pike, “Akughushu MPEU, kumtsuno ino kepi anie! Kumtsuno muchho akeuno ino pulhapuju aholeuno piani kepi piakhanike.”

HOSIYA 9:6

Kughou kutsakungo keu ighini keno eno timiqoye apanagha kuhapoveni keno, Ijipmino panoqo xukumqo nani, panonqo xukumqo sawo Memfi lo qhove niyeke! Panoqo wu tsandiyino kini kulushi achekeu ngo panoqo ki khilehi shipuakeno tipaqoye alupi ngo asahuphono qunhave nani.

1 Kor. 12:15

Tsala apukhuno, “Niye a-u kumoke ghenguno aphimpi gholo kumoe” ipi aye tiye aphimpi aphiau kumoveake kumoe.

SAMUEL ATUGHIU 13:6

Tishi puzu panonguno khughu shi Israilmi lethuve, ikehu Israilmiye kumu shimlave. Israilmi khamiye asuki, atuki, akuthoku, alahu kumtsu lo itshu lukhave;