JOYIL 3:7 - BAIBEL (BSI)

⁷ Itehiye nonguno panoqo khilehi jesuvekeno tipa-alono ino panoqo saghi nani. Nonguno panoqo lau kiu shikeno tipau ino nongu lau shi nani.

Sumi Naga CL (Re-edited) Bible (BSI)

⁷ Julo, nongu no jepuwuve keu-a lono I no panoqo xukuthoni eno I no nongu lochileni.

JOYIL 3:7 ပူးပေါင်းရင်းမြစ်များ

ESTHER 7:10

Haman no Mordekai tshuqhive nike ghenguno tshukiqhia mlapua keua lono pa tsuqhipithive. Tileno akukau mlo iquve.

ISAIAH 11:12

AMPEU no ashiayehqo piyenike michiphi peqhe nani, tiye ayeghi cheku bidi lono Israilmi ngo Judami apanagha hale puakeqo itaghi hekutsu kumqono sachile saghi niyeke.

ISAIAH 49:12

Iwu timiqoye putouno ighi nani, ahuu kudauno, kulola kudauno eno apeu Aswan kudauno ighi nani.”

ISAIAH 66:6

Hi inilo! Aphughilo eno Achineki lo asutsa kuloghi huye, AMPEU no pa ghumi ghimeqhi keu sutsa ke!

JEREMIYA 23:8

Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 30:16

Ikemu itehiye, nongu tsukuchumi kumtsu tsuchukhave nani, eno noghumi kumtsu akughumi shi sawuve nani. Nongu qoda chekemi kumtsu qoda qhive nani, nongu xulepu wuve kemiqo kumtsu xulepu wuve nani.

JEREMIYA 31:8

Ino ahuu kudauno panoqo saghi nani eno ayeghi shekha kudauno panoqo hekutsu kumqonike. Anhethi kighichemi ngo aphi au kinitave kemino panoqo gholo ighi nani, Mishibei akemi ngo pununiye akemiqo ghi ighi nani. Panonguye ashiayeh kije lakhi shi ighi nani.

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

EZEKEL 38:8

Ampe kutomo thiu ino ahza pa tsu puzu aghakhu lakhi lewupe nani. Tipau ghakhulo timiqoye ashiayeh kutamiqo launo kumqo saghi puzu aghukishi musamono xuache keqoke. Pano Israil naghuto leighi nani tipaqoye ado kushuwa piyighive eno kughukughaleive ke, ikemu itehi timiqoye tilehi sushokulu shi kughunaluve ake.

JOYIL 3:4

“Tur, Sidon eno Filistiya tokujolo akeqo, nonguye ishou kiu shinike pukaputsa ani kya? Nonguye kiuala ghenguno ilochile nike pukaputsa ani kesha? Nonguno tishi aghiaye ino paikhavino nongu lochile nani!

ZEKHARIA 9:13

Ino Juda pesu ghushimi suzu toi peithani eno Israil no apiji toi peithani. Ino azutakihi lakhi toi Zion lo akemi peithano Grik lo akemi mujoni.”

MATTHEW 7:2

Kughengu nonguno kutami shou kughathabe keu pesu Alhou no nongu shou kughathabe nani, nonguno kutami shou kiu qhemi mighibeni keno Alhou no tipa qhemi nongu shou mighibe nani.

2 Thes. 1:6

Kughengu kiuno achipi keno Alhou ye tipau shi nani: khunono nongu ghimeqhi ani keno tipaqo ghime nanike,

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

Piyeküsü 13:10

Khuno kughaluvepe kepushi akeno mutsuqheyino kughaluve nani; azutano khuno ghiqhive kepu shi akeno mutsuqheyino ghiqhive nani. Hiye Alhou wu timiqo ghenguno kutuulu eno akupulu shiape nikepu ghulokike.

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

XAKUTHAMI 1:7

Adonibezek no pi, “Kukami pano lhotsuni uloqu ngo apukhu loqu ghatha suwo ino iwu yekube qholo qhipuani. Ino panongu lau mlakeu toi itehi ye Alhou no ilau mlavae.” Panonguno pa sasu Jerusalem lo ighino paye tilano thive.

SAMUEL ATUGHIU 15:33

Samuel no pi, “Ozutano aza kutomo anga kuhavepe ketoi, itehiye ozauno anga kuhakeu shive peniae.” Tishi pino Samuel no Gilgal lo akumlla khache a lono Agag miche peve.