JOYIL 3:18 - BAIBEL (BSI)

¹⁸ ‘Tipa ghulokiloye naghutoqoye atsayiluno nhachhive nani, Atoghi kumtsulo amshi cheghi nani; Juda lo aghokiti akeu kumtsulo azuno lukumkha shi auve nani. AMPEU Achine ki kudauno aghoki lakhi qoipeghi nani, eno tipauno Akasiabo Khila azu putsuwo nani.

Sumi Naga CL (Re-edited) Bible (BSI)

¹⁸ “Eno tipa ghuloki lo naghutoqo no atsaiji kungo kighijiqhi nani, atoghi lono akichhizü qo nani, Judah lo aghoki kümtsü lono azü qowu nani; azüpuki lakhi Ampeu ki lono qoipeghi no Shittim Khila vapütsü nani.

JOYIL 3:18 ပူးပေါင်းရင်းမြစ်များ

JOB 29:6

Akichhizuno ilaghi lo qowu cheke, eno atuquno ighenguno teli lephetsu cheke.

LESHELE 46:4

Alhou phughi eno Shishe Akiqheu no achekeu-alo alokivi sughi tsuchekeu ghoki lakhi ani.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

ISAIAH 30:25

Kughou noghumiqo liwo khasuluve eno tile akemiqo pithiveke tsala lono naghuto ngo atoghi kumtsu lono aghokiti zu qowu nani.

ISAIAH 35:6

Apukhu kinitave kemino ikaulu eno ilhelu nani, atsa piphemla kemino alovi igha nani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ISAIAH 45:8

Tsughuqhi akeshi atsutsu lono ino tokulu piqitsu cheni; ayeghino tipau lunike lhaphe nani eno ililai khaqhikeu ngo amikucho xakutha puipeghi nani. Ni, AMPEU no hipau shipe nanike.

ISAIAH 55:1

AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

ISAIAH 66:11

Nonguno li kinikulu kusaje nani, liye angano aza kichhi niake toinanike.

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

MICAH 6:5

Iwu timiqo, Muab lo akukau Balak no nongu shou kiu shiniye kughu keno eno Beor nu Balam no kishi pa khochile keno tipau kumsuchile julo. Akasia pusho ngo Gilgal kuma dolo wuchekelo alalo kiu shivekeno tipau kumsuchile julo. Hipaqo ghili kumsuchile julo eno niye nongu xaluniye kiu shikeno tipau nonguno vethalu nani.”

ZEKHARIA 14:8

Tipa tsala ighi kelo, Jerusalem kudauno akuxupuzu qowu nani, tuxano Akithi Zughi kudau qowu nani eno tuxano Mediteriya Zughi kudau qowu nani. Hiye ampe kupujulo qowu anani, tuqu tsala momu mutsu tsala shimono qowu anani.

AKIKIHI 25:1

Kughou Israilmino Akasia khilalo aghazu shipe ngolu keno, kiptimiqono Muablimi tilehi aghikeqo sasu xupimiuve.