JOYIL 3:16 - BAIBEL (BSI)

¹⁶ Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

Sumi Naga CL (Re-edited) Bible (BSI)

¹⁶ Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

JOYIL 3:16 ပူးပေါင်းရင်းမြစ်များ

LESHELE 18:2

AMPEU ye ituqu iliwo, ixaphekuluu, iLhou ye ituqu, pano isusholu cheni. Paye izuto, ixakulupu kuka eno ikumto-a.

LESHELE 29:11

AMPEU no akumto pesu pawu timiqo tsu cheni eno alokughuno pe panongu kumghatsu cheni.

LESHELE 61:3

Kughengu noye ino ijehluche keuke, ighumi launo ishokhalu chekeu liwoke.

AHOLE 18:10

AMPEU ye aliwo kumto lakhi toike amikuchomino tipaulo wuluno xulu nani.

ISAIAH 33:16

Nonguno hishiaye nongu xaluve nani; nongu aliwo kumtolo ngolu keshi nonguye ithamokepu shi nani. Nonguno chukepu achuqupu ithulu nani eno yekepu azu ananike.

ISAIAH 33:21

AMPEU no pa kimthe jukuvu ningu piye nani. Ninguno aghoki kije eno aghokiti qhachhokeulo xunani ikemu aghumi zukilu ye tipaqolo tuha sawumo nani.

ISAIAH 42:13

AMPEU no aghutomi lakhi toi aghu shinike wuke; paye aghushi nike kutokupui eno khekulhoshi ani. Pano aghule kuke, aghushi ghugha ighake; pa ghumi shou pa kuka kumto pepheke.

ISAIAH 51:16

Ino kungugha sukhope qhike eno ayeghi boqha qhape qhike; Ino Jerusalem vilo pike, ‘Noye iwu timike! ino ikukutsu tsa otsu puani, eno i-u pesu osusho cheni.’ ”

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 17:17

Ilau akuighupu shikevilo; kughou akupuna ighini keno nono ixakulupu-a ke.

EZEKEL 38:19

Ino iloghu kighide lono piphetsu anike, tipa tsalalo Israil lo ayeghi kughutha kutsasa ipeghi nani.

HOSIYA 11:10

“Kughou ino abongushu lakhi toi iwu timiqo ghumi lau ighani keno panonguno ipape nani. Panonguno kulolauno keyi ilau ighi nani.

AMUS 1:2

Amus no pi, “AMPEU no Zion lono igha, Jerusalem lo pa sutsano tsutsu kusu toike. Bherikhemino achukumza chekeu ighuyive, Karmel Toghilo Atsunino hughaive.”

AMUS 3:8

Kughou abongushuno ighani keno khuno musamove kulupu kya? Kughou AMPEU Alhou no pikeno khuno pa tsape asheshumove kulupu kya?

NAHUM 1:7

AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

HAGAYI 2:6

“Kushuwa womono ino atsutsu ngo ayeghi, azughi eno ayeghi sukini nani.

HAGAYI 2:7

Ino ashiayehqo kumtsu kusuleve nani eno panoqo wu kinikuluye hile peighi nani eno Achinekiye akinino chhitoive nani.

ZEKHARIA 10:12

Ino iwu timiqo shikumtope mutotoi nani eno panonguno imlla eno igholu nani.” AMPEU no piqhiveake.

ZEKHARIA 10:6

“Ino Juda lo achekemi shikumto nani; ino Israil lo achekemi hakholuve nani. Ino panoqo shou imlo ighiqhiyikeu anani eno panoqo kumtsu pano ghakhulo sachile saghi nani. Panonguye ino khilemu panoqo pevemoke toive nani. Ino panoqo Lhou AMPEU ke; ino panoqo kighini khochile tsu nani.

ZEKHARIA 9:12

Ideghilo, nongu akughumi itehiye lajupu auvekemiqo; nongu sushokulu-alo ideghilo. Itehiye ino nongu vilo pini, nonguno aghime shivekeu ghenguno kukumgha pesu ino ghuthu kini nongu lochileni.

IBRIMI 12:26

Khaghiye pa sutsano ayeghi sukughuthake, ikemu itehiye pano ishi piqhi puani: “Ino itaghi ghuthu lakhi ayeghi likhi kumono atsutsu ghi sukughutha nani.”

Piyeküsü 11:13

Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

Piyeküsü 16:18

Tileno tsutsupha kuloe, asutsa eno tsutsusu eno shishe ayeghi- ilue. Timi lhophe kethiu khilemu tikithipushi ayeghi ilumphie; hiye ayeghi ilukeu kumtsu nguno alhoksauke!

SAMUEL ATUGHIU 15:29

Israilmi akughushu Lhou ye miki chemoe momu pa mlo kilive chemoe. Paye timi lakhi kumoe- paye pa mlo kilichemoe.”