JOYIL 2:26 - BAIBEL (BSI)

²⁶ Itehiye nonguno chunike nibonilei ani eno aghaqilu nani. Nongu Lhou AMPEU khuuno nongu ghenguno akumzapushi mlavetsu keno, nonguno pa sheqhe nani. Iwu timiqo khilemu jukunatha kithe pemo nani.

Sumi Naga CL (Re-edited) Bible (BSI)

²⁶ “Nongu no kupukuno shi chuno aghapiqilu nani, eno Ampeu nongu Lhou khuu no akümzapu shi nongu lau mla keno, Pa je sheqhe nani. Eno Iw timi ye khilemu shikukujo kitheve monani.

JOYIL 2:26 ပူးပေါင်းရင်းမြစ်များ

BOTHUBO 33:11

Ino agho olau sughi keu hipau ikhilutsu lopi oqhuiniju anie, kughengu Alhou no kupukimiye keu lono ipeithae eno ino avehupu shi akeu kumtsu anie.” Pano tsuikhomo pi auveke hu Esao no ti luvetsue.

NEHEMIA 9:25

Owu timiqono aliwo kuptu phughi qo ngo aghuma yeghi eno aki kinikuluno chhitoi akeu, azukikhe chhupua ghive keu, olivsubo, axathibo eno atsayiluqo halelue. Panonguno chunishi ketoi chu puzu aquchhibo chhileilu; nono akivi nhemgha panongu tsukeu pesu alokughuno shilu.

LESHELE 103:5

Pano akivi thimeqo pesu ikuxulo tsue, ikehu niye aluqu lhothe toi mutotoi ani.

LESHELE 116:7

Imlo, mutotoilo ithakevilo, kughengu AMPEU ye ilau alo achenike.

LESHELE 13:6

Ino oshe alepheni, O AMPEU; kughengu nono akivi kupukunoshi itsuke.

LESHELE 22:26

Kumlhomino aghakiqishi chulu nani, Khunono AMPEU lau ighini keno pa mllalu nani. Panongu pelo alhokupuju kinikulu shilupeniu!

LESHELE 37:19

Alhoksa tsala ighikelo panoye shiluksashi kujomzamo nani; puqumiyeke tsalalo panoye kughokumo nani.

LESHELE 67:5

Timiqo pelo osheqhe pelo, O Alhou; timi kumtsu pelo osheqhe pelo!

LESHELE 72:18

AMPEU sheqhelo, Israilmi Lhou! Pa likhino akumzapu kumla hipaqo shichenike.

AHOLE 13:25

Amikuchomiye chukepu lukumkha shi acheni, ikemu kixikilami ye pulhapuju muzuthi acheni.

ALE KIMCHI 5:1

Imlokuchuu, iwu kulaliu, niye ighutulo iloghiluvae. Niye vekuju mukhu ngo musughuta pekutsu ani; niye akhingozu ngo akhi kutsu chu ani. Niye atsayiji ngo akichhizu ye ani! Akusamiqo, kikimiye shomzumoke kutolo chu-sho alo!

ISAIAH 25:1

O AMPEU, noye iLhou ke; Ino ogihuni eno oje sheqheni. Kughengu nono akumzapu kumla shike; Nono ado kushuwa lono kughu pe puakeu amikuchoshi shiwoke.

ISAIAH 29:22

Ikehu AMPEU, Israil Lhou shiluksa lono Abraham xaphelukeu huno pi nani, “Iwu timiqo, nonguye kujomuza kithepe moake eno nongu gi pelo akukujo launo phalayi pemoake.

ISAIAH 45:17

Ikemu Israil ye AMPEU no xaluke, eno liwu tokuluye alhokupujulo ache nani; liwu timiqoye khilemu kujo mza vepemo nani.’ ”

ISAIAH 49:23

Kukamiqoye olau apuh lakhi toive nani; kukaliuye olau aza lakhi toi shive nani. Panonguno ogizulo itsaqino pishi qhope agigihu otsu nani; panonguno aqhokigheu shiveno osumsakeu piye nani. Tileno nonguno niye AMPEU kepi ithi nani; ikukuphu lunishiye khea chekemi milakhimu amlo shipusa vetsumo nani.”

ISAIAH 54:4

Msakevilo, nonguye kujomza kithemo ake; nongu pesu aqhokigheu shipemo ake. Noye anipu lhothemi amikucho kumo toivekeu hu kumsumave nani, eno topuchimemi lakhi kughukughaleive keu toive keu hu kumsumave nanike.

ISAIAH 55:2

Kushiye kiumu aghaqimo kepu lono pisa peve cheni kya? kushiye nonguno qelukeu puwo khave keghi muzuthi cheni kya? Itsa inilo eno ino pikeu shilo, eno achuqupu kumtsu nguno akiviu pesu nonguno alopivilu nani.”

ACHINE 25:19

Ayeghino tipaulo tuxatini ipeghi tsu nani eno nonguye nonguno chunishikeu kumtsu alunani eno akukupunalo sushokulu shi xulu nanike.

ACHINE 26:26

Nonguno achuqupu sughichekeu la ino hekha vetsu nani, tishi kehu totimi chighino asho khije aghikeno tipau shunike amiphoki lakhi likhi avehupu shinani. Panonguno tipau aphiphi shi ghi kije nani eno nonguno tipau chukhave pinamu nonguye muzuthi aniaphi.

ACHINE 26:5

Nongu wu tuxatini ye shishe kumzapu kehu nonguye atsayithi xolukepu do shivea mu ghile hu aniaphi eno ghixudo shiveamu atsayithi xolu ani aphike. Nonguye nonguno chuni shikeu kumtsu alunani eno nonguye sushokulushi noyeghilo xulu nani.

MICAH 6:14

Nonguno chu nani ikemu aghaqimo nani, tsaquino nonguye muzuthi auve nani. Nonguno tinhemgha puwu nani ikemu nonguye tipaqo kike puamla nani; nonguno kiu kiu kike puaghinamu ino aghushi lono kutsavetsu nani.

ZEFANIA 3:11

Tipa ghulokiloye nongu, iwu timiqoye ishou hebide kepi kujovekepu kuhave nani. Aqhekuza eno akulakimi kumtsu ino ikhive nani eno ikimthe naghuto loye nonguye khilemu ishou hebide kithemo nani.

ZEKHARIA 9:15

Aqokitikhi MPEU no pawu timi susho nani, panonguno aghumi kutsaleve nani. Panonguno shomkuzumi toi aghushi akelo igha nani eno pano ghumiqo ji pele nani; Tiye akumllagho khachelo akhu lono aghashikeu ji pelekelo toi tipaqo ji qowu nani.

ZEKHARIA 9:17

Ayeghiye kiutoi jukighilepu eno akivipu shive nani kela! Tipaulo ipeghi keu xatsuni eno atsayijino lhothemiye choshiyi thuwulu nani.

Rommi 10:11

Kuchoyesulo ishi pipuani, “Pa pulukemi khumu shikukujo chemoe.”

Rommi 5:5

Lajupu hipauye nilo kumtshuve chemoe, kughengu Alhou no pawu kupukini nimlolo sutsue,tiye pano Aghungu Kimthe nilau puwutsu keu vechewono ke.

Rommi 9:33

ti kuchoyesu lo pikehutoi: “Julo, Zion lo timi pelo pusupukulu penike atuqu lakhi ino qhipuani, tiye panongu pelo kupuxalu kepu tuqu lakhike. Ikemu khunono pa shou akupulu benikeno shikukujomo nani.”

ZAKINIU 11:15

eno no mishiqo ghenguno atsani alunani ke. Nonguno achuqupu lunishi keu kumtsu alunanike.

ZAKINIU 12:12

Nongu tianuli, noqemiqo eno nowu taunlo Levi laghami sasu kumtsa pa gizulo alokivishilo: Levi laghamiye pano sala ayeghi kuha nani kepi kumsululo.

ZAKINIU 12:18

Nongu, notianuli eno noqemiqono Levimi nowu taun lo akemiqo sasu kumtsa AMPEU nongu Lhou gizulo likhino akumllagho hipaqo chulo, tiye AMPEU nongu Lhou no akumlla-a lakhi kishetsu keu-alo likhino shilo. Nonguye tipa-a lono nono shilukeu thwokha ghenguno alovilulo.

ZAKINIU 12:7

Tilau AMPEU Alhou no nongu kumghatsu keu gizulo no kibolomi sasu mlalukeu thime kiviqo chuno aghakiqi shilo.

ZAKINIU 8:10

Nonguno chunishi ke thaqu ithulu nani eno AMPEU nongu Lhou no aghuma yeghi nongu tsuke ghenguno pa shikimithi nanike.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

1 John 2:28

Iye itianuliqo, pa gholo xukimepe achelo tishianguno kughou pano ipeghini keno ningu mlo kuloghipu shilupenike eno pano ighike Tsalalo ninguye kujo kelauno itshuwuvemo nani.