JOYIL 2:22 - BAIBEL (BSI)

²² Lhoxuqo, musa ichi kevilo, achukumzapuno xuthileyi ani; asubono axathi pithi ani, eno khughuthi ngo atsayithi kumzapushi anike.

Sumi Naga CL (Re-edited) Bible (BSI)

²² Msa kevilo, nongu aluza lo tüghashiqo, kughengu yenguyike-a lo achu kümza-a ye xüthilei ani; asübo no pa xathi pithi ani; mububo ngo atsaibo no kupukuno shi pithi ani.

JOYIL 2:22 ပူးပေါင်းရင်းမြစ်များ

BOTHUBO 4:12

Nono ayeghilo axa yisu namu tino ipeghi pemo nani, eno noye ayeghi shou kupokichemi shiniae.”

LESHELE 36:6

Omikucho huye naghuto toi shosuyipe ani; owu kughakuthaye azughi kutho toike, timi eno tughashiye nono tuchohejukeulo ani.

LESHELE 65:12

Atsuni kivi-alo pichepighino chhitoi ani, atoghiye alokivino sumxape ani.

LESHELE 65:13

Aluzaye bheriqono nhakha pesu ani; abokhuqoye ashothino chhitoi ani Thwokha kumtsu alokivi launo alephe igha ani.

LESHELE 67:6

Ayeghino kupukuno shi athi pithi lupe; Alhou, niLhou no ningu kumghatsuke.

ISAIAH 51:3

‘Niye Jerusalem lau eno tipau ixa pinyi akeulo kughuna akemiqo shou amlo ighiqhiyi keu anike. Li yeghiye asayeqha lakhi shianamu ino tipau pesu aghutu lakhi shi tsu nani, tiye Eden lo ino shikeu ghutu kimihi lakhi shi nani. Alokivi ngo alokiqipu tilehi anani eno sheqhekeu ngo shikimthi keu le tilehi ilau tsu nani.

EZEKEL 36:30

Ino nongu xathibo eno nonguno aluchikeulo alothi alau pithipe nani tishianguno ashiayehqo gholo akelo puqumiyekeuno nongu shikukujove pemo nani.

EZEKEL 36:35

Ayeghi hipau atughuloye aghasa keloye kishi puzu itehiye Eden Ghutu kimihi shiluvea eno aphughi hipaqo puzuuye tuleqhive, xulepuwuve eno ixapinyi qhive keno itehiye kughunauve eno aliwono putukhave akelapi timi kumtsuno pi nani.

EZEKEL 36:8

Ikemu Israil naghutoqolo asuboqoye itaghi anipa mini nani eno nongu iwu timi Israilmi ghenguno axathi pithitsu nani. Nonguye itheno noghakhulo ighini cheni.

JONAH 4:11

Tishiaye, niye tinguno alaushi Nineve shou kupukeu ani, aphughi tipaulo kiumu pimimo kemi ititunu 120,000 shou ani eno pichepighi ghi kumzapu anike!”

HAGAYI 2:16

nonguno athi pekutsu puakeulo wuke eno tipaulo athi kilogram 200 aghi nani kepi lajuake ikemu 100 likhi aghive. Nonguno atu tughukolo atsayiji liter 100 sholuniaye wuke ikemu liter lhobidi likhi aghi cheni.

ZEKHARIA 8:12

Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.

1 Kor. 3:7

Ikehu shosukeu pina azu pusukeu pinamu akhoto kumoe ikemu Alhou likhino akhoto ke, kughengu pano abo thuwulupeke.