JOYIL 2:13 - BAIBEL (BSI)

¹³ Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

Sumi Naga CL (Re-edited) Bible (BSI)

¹³ eno nongu phimini kumono nongu mlo süxülo.” Ampeu nongu Lhou lau xaidelo, kughengu Pa ye küpükini eno kimiyekiniu, asheshi no amloide cheni, iqemokeu kikimiye no kupukuno eno amhekiqi süchileve chekeu ke.

JOYIL 2:13 ပူးပေါင်းရင်းမြစ်များ

BOTHUBO 37:29

Kughou Ruben no aqoh lo ideghiju keno Josef ye tile aghimove kehu pamlo ghime launo pa phimini suxue.

BOTHUBO 37:34

Jakob no pa mlo ghime launo pa phimini suxu piniyive eno aphi tsubuyi keu pesu papo hekuxapu, eno ado kushuwa panu Josef ghenguno mlo-qa ache.

SAMUEL AKINIU 1:11

David ye amlo ghime launo pa phi suxuve, eno pawu timiqo kumtsuno tishi shie.

KUKAMI ATUGHIU 21:27

Kughou Elija no pa tsa pitavekeno, tipau mtsa lono Ahab ye pa phikuzu suxulave eno ikiqiveno yeqhiyephi uluve. Paye kumu chu shomove eno yeqhiyephi ususu zuve eno ighono pa mlo saqhiyi agi zumoi wove.

KUKAMI AKINIU 22:11

Kughou akukauno kaku tipau phisu piyekeu chilukeno paye amlo ghime launo pa phi suxuveno,

KUKAMI AKINIU 22:19

Kughou ino aphughi hipau eno tile kuami shou kughukughaleyive penike ghusho keno nono amlo xaide izulo mutshaivulu eno aphi suxu qake ghenguno ino okighini chiluve tsuae,

KUKAMI AKINIU 5:7

Kughou Israil kukauno yesu philukeno akumza kelauno pa phi suxuve eno akichiqhi ishipi, “Siriya kukau ye kishino niye timi hipau shipivi lunanipi laju ani kya? Paye niye Alhou, khuu akithi akuxu kuka pecheni keno tipau kughashi kumsu anike sha? Paye bidelauno isasu kichighiniye amuqu shi ayeakena!”

KUKAMI AKINIU 6:30

Hipatsa chiluno, akukauye amlo ghime launo pa phi suxuve eno timi khunoqono ti atupikiye kupunukhoi ngo akeno pishipuwo akukauye yeqhiyephi uakeu ithulu.

YEKIKITHI AKINIU 6:27

O AMPEU, kungugha lono panongu tsa chilutsulo eno oqemi Israilmi xine qhivetsulo eno kiu no achipi keno shika tsulo. Tishino AMPEU, hi oyeghi shou tsutsughu puwu tsulo, khikhi nono alhokuthu pighi apeniye tsukeno.

NEHEMIA 9:17

Panonguno agholumove, nono shitsukeqo kumtsu kumsu mave; nono akumzapu kumla shikeqo panonguno kumsumave. Panongu qhekuza launo pano sakipheu kisheluve eno panongu sachile sasu Ijip lo aquaxe shive peniye kughu. Ikemu noye axine qhivekutsu Lhou ke; noye kupukini eno kimiye kiniu, asheshino amlo ide kicheuke. Okikimiye ye kije ke, noye panongu phevemoke.

JOB 1:20

Ikelau ye Job no puthughove puzu pa mlo ghime launo pa ku-uphi suxuve, pa kutsu miyeve eno pa gi pishiqho pe ayeghi lo ihozuve no pi,

LESHELE 103:8

AMPEU ye kupukini eno kimiyekini, asheshino axuidekeu eno iqemo keu kikimiyeno chhitoi akeu.

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

LESHELE 34:18

AMPEU ye amlo ghujumi kupunukhoi ani; Lajupu puhave kemi pano xalu cheni;

LESHELE 51:17

Alhou no ikhilutsu nikeu kumllaghoye amlo kughujuke; O Alhou, amlo kughuta kughuju shi olau ighikeu noye mithive chemoe.

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 58:5

Kughou nonguno kumvuni keno, no likhi noghimeqhi cheni eno atsuni nipano ihoiqi akeshi nongu kutsu aqhou pishiqho cheni eno ihozuniaye yeqhiyephi ngo ayevu qha cheni. Tikithipu pesu nonguye kumvukeu ipi cheni kesha? tikithipuno niye imlo kiqishi cheni kepi nonguye kumsu ani kesha?

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

JEREMIYA 36:7

Ishiake panonguno AMPEU lau inikhu puzu panoqo laghi lhoksa lono ideighi luvike, kughengu AMPEU no pa loghu kighide eno pa xukighide pesu timi hipaqo shikichiveake.”

JEREMIYA 41:5

Shekhem ngo Shilo eno Samaria kudauno timi lhotache ighive. Panonguye panoqo kichi mhi miyeve, panoqo phimini suxuleve eno pano likhi panoqo phi au kiheleve. Panonguye Achinekilo akumllagho tsunike athi ngo tsungquikeu ta pesu cheke.

JEREMIYA 42:10

‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

EZEKEL 9:4

“Jerusalem phughi kumtsulo wuno aphughi tipaulo kuchhube kutsula jeli shiakeulo timi khunoqono amlo kughuta shi ani eno amlo kupuna ani keno timi tipaqo kishelo amichipu shipukuvelo.”

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

JONAH 3:9

Ishiake, Alhou no pano kumsupu akeu kilive luvi; paye aloghu ide akeu tave luvi eno ninguye thimove luvike!”

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

NAHUM 1:3

AMPEU ye mlalei aloghu ide chemoe, ikemu paye akuka kumtouke, eno kuquvekeu khilemu ghime- mono puwuve chemoe. AMPEU no khile chewuni keno pasapagha ipeghi cheni; khungkusuye pa pukhuno hekutho keu mukhuke!

AKIKIHI 14:18

‘Ni, AMPEU ye mulalei aloghu ideve chemo, kimiye keu kije pukhukulu shipiye cheni, axine eno hebidekeu kipimi qhivetsu chenike. Tishimu niye apuaza khunoqono axine shiveni keno panoqo tianuli tiqheli akuthuu lono abidiu kutolo aghime tsumono phevekeu shimo nani.’

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

Ephesiami 2:4

Ikemu Alhou kikimiye ye shishe kije kehu

1 Tim. 4:8

Aphimpi qokiphelo ame hami acheniaye Alhou lau amlo tsukeuye thwokha lono amekuapu ani, kughengu tishikeuno hipa yeghilo kuxu ngo ighiniye akeu kuxu piqhipe puatsuae.