JOSHUA 6:17 - BAIBEL (BSI)

¹⁷ Aphughi eno tile akeqo jeli kuchopu pe AMPEU mllakeu kiqi lono kutsa velo. Rahab kutuqhaliu eno li kibolomi likhi qhivelo kughengu lino niwu pukujumi kusu tsuke.

Sumi Naga CL (Re-edited) Bible (BSI)

¹⁷ Mishighüna ngo tile akeqo jeli kümtsü Ampeu mlla keu kiqishi kütsave niae. Kütüqhaliu Rahab eno khunoqo li gholo li kilo ani keno tipaqo likhino xü nani kughengu li no niw pukujumi küsü tsüke.

JOSHUA 6:17 ပူးပေါင်းရင်းမြစ်များ

BOTHUBO 12:3

Okumghatsu kemiqo ino kumghatsuni. Ikemu oghusho kemiye ino ghushoni. Ovechewo ayeghilo shiyeh kumtsu kumghalupe nani.”

EZRA 10:8

tiye timi saphetomiqo zahkutsu vechewono shike. Tsala khuu khumu atsala kuthu dolono ighimlave keuye pawu tinhemgha kumtsu luvetsunikeu shi eno paye aqo-aho kihikusu chipiu puhave tsunikeu shive.

ISAIAH 34:6

Pa zuta kihiye aji ngo athano kuzuluve nani, tiye aghashi keulo bheriti ngo ane ji eno atha akeu toike. AMPEU no aghashi keu hipauye Bozra phughi lono shi nani. Pano Edom yeghilo ghikiqhi kije lakhi shi nani.

JEREMIYA 46:10

Hiye Alhou Aqokitikhi MPEU tsalake: ishiye pano amkhulu nani; ishiye pano pa ghumiqo ghimeqhini. Pawu azutakihino ilokhakhai moke kutolo pano aghaqivemoke kutolo panoqo ji tsuyeni. Ishiye Aqokitikhi MPEU no ahuu kudau, Eufrati phivilo pano tsuqhive kemiqo heqhileni cheni.

EZEKEL 39:17

Akughushu MPEU no ivilo pi, “Thinikuau timio, aqha kumtsulo ashi aghauqo ighilopi kulo ino panoqo ghenguno heqhipe mllakeu chupeniyeke. Tiye Israil naghutolo aghulhu kije lakhi shi nani, tipa-alo panonguno ashi chu eno ahji tsuyelu nanike.

ACHINE 27:21

Tsukidekithe Mpe akiniu ideighi keulo alu tipauye pulhapuju AMPEU sala shini ake; tiye achinemi sala shini ake.

MICAH 4:13

AMPEU no pi, “Jerusalem lo akemiqo, wulo eno noghumi ghimeqhilo! Amshitsu lakhino ayi kibo eno alazayi pukhumutsu puakeshi ino nongu pelo akumto shipe nani. Nonguno ashiayeh kutomo ghadaqhi nani, eno panonguno heqhi buqhikeu lono kinikulu pekutsu puakeu pesu nonguno ni, ayeghiqha kumtsu shou AMPEU zulo peighilo.”

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

1 Kor. 16:22

Timi khuno Ampeu kimiyekeu kuhani keno, angusu pa shou apeni. Ningu Mipeu cheae!

1 Kor. 2:7

Ino piakeu suqekighithiye Alhou tuqhou suqekighithike, tiye timi launo kusupe puachekeu ke, ayeghiqha lhomphi lono Alhou no ningu kimthe jukuvupu shitsunike kughuqhikeuke.

Galatiami 3:10

Tighenguno khunono Ayezah lo mlalo pipuakeu shilukeu pukhu acheni keno tipanoqoye Alhou no musu inivekeulo anie. Kughengu kuchoyesulo ishi pipuani. “Khunoqono Ayezah kakulo yepuku puakeu kumtsu pelumo eno tipaqo shimo nikeno tipanoye musuinikeulo ani!”

Galatiami 3:12

Ikemu Ayezah ye akupulu shou pukhube amoe, kughengu Ayezah lo ishi pipuakeuno, “Timi khuuno yezahlo shilo pipuakeqo shinikeno tipaqo xulu nani.”

ZAKINIU 20:17

Timi kumtsu qhoi pithi khavelo: Hatimi, Amarimi, Kananmi, Perizimi, Havimi eno Jebusimi, tiye AMPEU no ahza nongu tsuveke toi shilo.

IBRIMI 11:31

Akupulu lono asalhau Rahab ye Alhou hebide chekemi gholono thimo kepu shilue kughengu lino Israilmi pukujumi shompami toi sasuke.

IBRIMI 6:10

Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

James 2:25

Titoikeu ghola lono asalhaliu Rahab ghi lino Israilmi pukujumi sasuthi puzu ala kutauno panoqo puwuvekeu kumla vechewo Alhou lau achipikaluke

JOSHUA 2:1

Tithiu Joshua no pukujumi kini Akasia pushoa lono tuqhouno Kanan yeghi, akhotono Jerikho phughi puju penike puwu. Kughono pamano aphughilo ighikeno tipaji pama ye Rahab kutuqhaliu kilo ngove

JOSHUA 2:22

Pukujumi pamano atoyeghilo wuve no itshuluve. Akukau timiqono ayeghiqha kuchopu tsala kuthu pama phuithu ikemu phumlave eno Jerikho lo idewove.

JOSHUA 7:1

Israilmi lau AMPEU zah kutsu shikeuno Jerikho shipsa vekeu nguno alauye kumu lumoni pikeuhu agho lumove. Timi lakhi Akhan ipikeu no tipau zah lumove, tighenguno AMPEU no Israilmi shou aloghu pukuve. (Akhan ye Karmi nu eno pasuye Zabdi eno Juda shiyeh lo Zera lagha lono ighikemi.)

SAMUEL ATUGHIU 15:3

Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”

SAMUEL ATUGHIU 15:6

Tile Saul no Kenaimi vilo pi, “Chevelo, poluvelo, Amalekmi gholono kututa shi chhiliu poluvelo, mthano panongu gholono aqoshi nongu shipsa luve nosake; kughengu nonguno Israilmi no Ijip lono ipecheke ghulokilo kikimiye pephe tsupe puani.” Ike Kenaimiye Amalekmi launo kututa shiveno pokhave.