JOSHUA 24:25 - BAIBEL (BSI)

²⁵ Tighenguno Joshua no timiqo sasu tipa tsala lono ashoqhi lakhi shiveno tile Shekhem lo pano ayezahqo papelu penike panongu tsuve.

Sumi Naga CL (Re-edited) Bible (BSI)

²⁵ Tighenguno Joshua no timiqo sasü tipa tsala lo Shechem lono puloshoqhi shino pape kepu khuayeqo kithipe qhitsü.

JOSHUA 24:25 ပူးပေါင်းရင်းမြစ်များ

BOTHUBO 35:4

Tile panongu u-lo inami lhouqo khije pe akeno eno panongu kinilo kighichekeu ghi kumtsu panonguno lipesu Jakob tsuve. Pano tipaqo pesu Shekem phu phivilo aphisubo qholo qhove.

KUKAMI AKINIU 11:17

Achineu Jehoiada no akukau Joas eno timiqo pelono AMPEU lau puloshoqhi lakhi shipe, tiye panonguye AMPEU wu timi shinie pikeu shoqhi ke.

YEKIKITHI AKINIU 15:12

Panonguno puloshoqhi lakhi shi ke tipau ye panoqo mlo eno angulho kumtsu pesu AMPEU, pano puasu Lhou mllani keu shi panonguno pulosulu ke.

YEKIKITHI AKINIU 15:15

Juda lo akemi kumtsu alokivi shive kughengu panonguno amlo kuchopu supuzu puloshoqhi hipau shi luke. Panonguye AMPEU mllani keulo azukuvu shike eno pano panoqo ikhilu eno aqha kumtsulo alokughuno panoqo tsue.

YEKIKITHI AKINIU 23:16

Achineu Jehoiada no Akukau Joas ngo timiqo pelo pa gholo sukuqhano panonguye AMPEU wu timiqo shinikeu puloshoqhi lakhi shi.

YEKIKITHI AKINIU 29:10

“Itehiye AMPEU, Israil Lhou sasu puloshoqhi lakhi shinikeu ino xathaluvae, tishi anguno paye nilau aloghu ide kithe pemonike.

NEHEMIA 9:38

Hipaqo kumtsu ghenguno Israilmino mutsumishei keu puloshoqhi hi yehpe qhilu ani, eno niwu sakiphemi, Levimi eno achinemino jemchi chishipuku ani.

IPEKULU 15:25

Muse no AMPEU vilo amlo tsuqhiyi akighini shi, ike AMPEU no asuta lakhi pa piyekeu pesu pano azulo vesu eno azuye yelu kepu shiluve. Tileno AMPEU no panoqo pelo pe xuche penikeu yezah pesu tsuke eno tilehino pano panoqo ghukejuke.

IPEKULU 24:3

Muse no timiqo lau ighi puzu AMPEU no ahza tsukeu eno shilo pikeu tsa kumtsu pesu pike ike timi kumtsuno ishi khochile, “AMPEU no pikeu kumtsu ninguno shinike.”

ZAKINIU 29:1

Muab yeghilo akelo AMPEU no Muse vilo ahza tsupuzu Israilmi sasu puloshoqhi tsa kiqi hipaqo shipenikeu shie; hipaqo kumtsu AMPEU no panoqo sasu Sinai Toghi lono puloshoqhi shikeu gholo kuphatsu keu ke.

JOSHUA 24:1

Joshua no Israil shiyeh kumtsu Shekhem lo ku kutsu. Pano kichimi sakiphemi, atsakukughami kukutsumi eno panonguno Alhou zulo ighilu.

JOSHUA 24:26

Joshua no Alhou yezah kakulo hipaqo yesu. Tithiu pano atuqu kije lakhi ikhilu eno AMPEU wu akimthe alo aphisubo qholo shosuve.