JOSHUA 24:20 - BAIBEL (BSI)

²⁰ eno nono tusumi lhou mllaniye pa qhive aye pano oshou ideighi nani eno oghime nani. Pano opithive nani, paye puzuu ye oghenguno akivishi aghi luvi.”

Sumi Naga CL (Re-edited) Bible (BSI)

²⁰ Tsala nongu no Ampeu qhive no inami lhou qeuve aye, Pa no nongu lau akivi kümla shive akemu ideighi no nongu ghüza nani eno püghave nani.”

JOSHUA 24:20 ပူးပေါင်းရင်းမြစ်များ

YEKIKITHI ATUGHIU 28:8

“Tighenguno itehi iwu timiqo ningu Lhou zulono eno Israilmi, Alhou timi kumtsu kumqo ake lono, Ino nongu hakite ani, nonguye AMPEU ningu Lhou no kiu zah nongu tsukeno tikumtsu pelulo, tishi anguno nonguye ayeghi kivi alhokuthu pukhape alu nani eno tishi keu lono nongu tianulino alhokuthu pekishe ache nanie.”

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

YEKIKITHI AKINIU 15:2

eno pano Akukau Asa sasu kusholuni ke wu. Pano ishi igha ku, “Akukau Asa ngo nongu Juda ngo Benjamin lo kuami kumtsu itsa inilo! AMPEU ye nonguno pa gholo ake kutolo nongu gholo ani. Nonguno pa phuju aye paye nongu pelo pa phulu pe nani, ikemu nonguno tsughusu wuve aye pano nongu qhive nani.

EZRA 8:22

Ino akukau vilo pikeuno khunono niLhou mlla chenikeno ni Lhou no pa susho cheni eno shiluksa aghimeye pa mthave kemi lau ighi cheni ipi pipua kehu akukau vilo ni ghuzulalo aghumi launo ni khe sasu wupenikemi ghushimi eno khurshi ghushimi akukau vilo khunike kujove.

LESHELE 89:31

Panonguno ino kutsukeu tsa phimoaye eno iwu ahzaqo pelumo aye,

ISAIAH 1:28

Ikemu khunono axine shini eno pa shou hebide nikeno tipaqo kumtsu pano chunidaqhive nani; khunono pa qhiveni keno pano tipaqo pithive nani.

ISAIAH 63:10

ikemu panonguno pa hebideke eno pa pelo amlo kusapu shivepeke. Ikehu AMPEU ye panoqo ghumi shive eno panoqo sasu aghushiwuveke.

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

EZEKEL 18:24

“Ikemu amikuchomi lakhino akivipu shimoveno alhoksa kumtsu shicheuve eno alhoksamino kuchhube kutsula jeli shichekeu shiuve aye, paye xuakulupu kesha? Moe! Pano akivipu shipuakeu lakhimu kumsulu tsumo nani. Pa mikuchokumo eno pa xineqo ghenguno paye thi nanike.

Apostolmi 7:42

Ikemu Alhou no panoqo launo ighosu wuve eno panoqo pelo atsutsulo ayepu yesu akeqo mlla penikeu shivepe, ti tungkupmi kakulo ishi yepe puakeu hutoi, ‘O Israilmiqo, ampe lhobidi dolo asayeqhalo, Nonguye Lhoxu heqhi eno akumllagho pesu ilau ighi kesha?

ZAKINIU 4:25

“Nonguno aghakhulo ngolukeu ado kushuwa shiveno atianuli eno atilimi auve namu kiu kiu koghe lonamu khilemu nongu sala ajulho shipe qhipuzu axine shikevilo. Tiye AMPEU zulo alhoksake eno tipauno pa pelo axuideve penanike.

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.

IBRIMI 10:38

Iwu amikuchomiye akupulu lono xulu nani; Ikemu pano athiu tsughuchile wove aye niye pa shou ilokiqi kuhave nani.”

JOSHUA 24:21

Timiqono Joshua vilo pi, “Moe, nino AMPEU qenie.”

SAMUEL ATUGHIU 12:15

Ikemu nonguno AMPEU tsa initsu move, pa zahkutsuqo hebideve aye, pano nongu eno nongu kukau mithive nani.

SAMUEL ATUGHIU 12:25

Ikemu, tsala nonguno axine shi kibe auve aye nongu eno nongu kukau ye shipusave tsu nani.”