JOSHUA 23:14 - BAIBEL (BSI)

¹⁴ “Itehiye niye thikepu do ighivae. Timi kumtsuno pututa mlono eno nongu ngulhono ithi ani. AMPEU nongu Lhou no tushoqhike toi thwokha jeli kivi pe nongu tsuvae. Piqhikeu kumtsu pano shikupuno lakhimu vezuvemoe.

Sumi Naga CL (Re-edited) Bible (BSI)

¹⁴ “Itehi ni ye ayeghi lo kümtsü no wuve chekeu laghi lo wunike kutovae, eno nongu kümtsü, nongu mlo eno angulho no ithi anike Ampeu nongu Lhou no nongu ghenguno akivi tsa piqhi keu lakhimu tomove moe. Thokha shikupuvae; lakhimu tomove moe.

JOSHUA 23:14 ပူးပေါင်းရင်းမြစ်များ

BOTHUBO 47:29

Kughou Israil no thivekepu do kupunuve keno pano Josef kupuzu pavilo pi, “Ino ogizulo olopu shilu aghi aye o-u ipukudolo beno ashoqhi shilo, noye igihu eno ilau kuchou shinikeu pilo eno Ijip lo ikumo qhokevilo,

KUKAMI ATUGHIU 2:2

“Niye thivenikeu do kupunuuvae. Tsaqu tsalei shino kughakutha shilulo,

KUKAMI ATUGHIU 8:56

“AMPEU shelo. Khuuno Israilmi lau pa shoqhi shipuake toi alokughuno tsukeno. Pa qeu Muse vechewo ashoqhi kivi shikeu atsa lakhi likhimu tomlavekeu shimoe.

JOB 30:23

Kughengu ino ithi ani, nono akithi lo isawo suniye anike, kuxumi ghengu kutope puakeu-a lo.

IPEKULU 3:8

eno niye Ijipmi launo panoqo xaphelunike iqighivae eno panoqo sasu Ijip lono aghakhu aqha kivilo saipeghini cheni, tiye kinikulu eno aghuma kua yeghike, Kananmi, Hatimi, Amarimi, Perizimi, Havimi eno Jebusimi no kughuna achenike.

YETSAPIU 12:5

Noye qhemghaikeu-a jupesu musave nani eno alachekeu ghi akuighupu shive nani. Osa mpave nani eno noye akushukulu opuqhelu kepu shi nani eno minemighei kepu jeli kumtsu kuhave nani. Ninguye ashekhau kulhokiqhi alo wuve nani eno tileno alaghilalo akuqa kumlo shi nani.

YETSAPIU 9:10

Kiu kiu namu nono mlakeulo shishe mlalo, kughengu kithimi yeghiloye mla itha keu kuha, kumsukeu kuha, akighithi kuha, alokutsu kuhake eno noye tilehi wuchenike.

EZEKEL 20:28

Ino panoqo tsuniye tushoqhive keu yeghilo ino panoqo saghike. Ikelaye, kughou panonguno atoghi qhemghai keu eno asu minipho ithulu keno panonguno tipaqo kumtsu-alo heqhipe mllaukhave. Panonguno lhoxu heqhipe pitikeu eno akumllagho atsayiji peighikeu huno ipelo aloghu idevepeke.

AKIKIHI 23:19

Alhou ye timi kumo keke paye mikini chemoe; Paye timi lakhi kenomu pa kukumsu kiliveni chemoe; Pano kiu kiumu piqhivekeu pano shicheni; Pano pikelo tiye shive aghi cheni.

Luke 21:33

Atsutsu eno ayeghi ashekha shive nani, ikemu itsaye ashekha shivemo nani.

IBRIMI 9:27

Timi kumtsu ghuthu lakhiye thivenikeushi kutovetsu eno tipathiu Alhou no kughatha bekeu ighi cheni.

SAMUEL ATUGHIU 3:19

Samuel ye thuwuve. AMPEU no pa gholo ae eno Samuel no pikeu kumtsu kuchouno achipikave.