JOSHUA 23:13 - BAIBEL (BSI)

¹³ AMPEU nongu Lhou ye shiyeh tipaqo nongu zulo hapheve tsumo nani pi tsaqui ithivelo. Tike kumono panonguye alichhe lakhi toi eno aqoh lakhi toi eno omqalo aqheno heketoi momu onhethilo asahutoi nongu ghenguno akuighupu shive nani. Eno tishisu nongu lakhimu hipau yeghi kivi AMPEU oLhou no tsukeu lo ngomove kepu kuto shive nani.

Sumi Naga CL (Re-edited) Bible (BSI)

¹³ mtsüqheino hi ithilo, Ampeu nongu Lhou ye khilemu shiye hipaqo nongu zülono hapheve tsümo nani. Ikemu panongu ye alichhe momu aqo lakhi toi, amqa lo aqhe no heke toi momu anhethi lo asahu toi Ampeu nongu Lhou no tsükeu yeghi kivi lono kühave moke kutolo nongu ghenguno aküighüpu shive nani.

JOSHUA 23:13 ပူးပေါင်းရင်းမြစ်များ

KUKAMI ATUGHIU 11:4

pano muchomi shiwuve keuloye pa pelono inami lhou mlauvepeke. Paye pa Lhou AMPEU lau papu David toimoveno amikucho shimoveke.

KUKAMI AKINIU 17:18

AMPEU no Israilmi shou amlo ideveno pa zulono panongu hapheve puzu Juda kukaphu likhi qhiluve.

KUKAMI AKINIU 17:20

AMPEU no Israilmi kumtsu milive, aghime panongu tsu eno panongu kughapesu ayikusami aghumi ulo suvetsu eno ashekhaloye panongu pa nhekithe lono haphe puwuve.

KUKAMI AKINIU 25:21

Hamat ghakhulo Ribla phughilo ngo akeno pa lau sawuve. Tileno akukauno panongu heqhi pithive. Hitoi shi Judamiye panongu yeghi lono hapupokhave.

KUKAMI AKINIU 25:26

Tishike lono Israilmi kinimi kumlhomi kumtsu ghushimi kijemi gholono a-a tipau qhiveno Ijip lo wuve, kughengu panonguye Babilonmi msave.

LESHELE 69:22

Panonguno achuqu kivi kutopuakeu huno panoqo shipsave pelo; Panonguno akimthe ghulhu shikeu no panoqo meluve pelo.

IPEKULU 10:7

Pawu kijemiqono akukau vilo pi, “Timi hipau pelo khitotohi ningu shipusaqhi apeni kya? Israilmi kiptimiqo pelo wuvepelo tishi anguno panongu pelo pano Lhou AMPEU mllalu penike. Ijip shipsakhave ake noye kumsumla kesha?”

IPEKULU 23:33

Timi tipaqo pelo noghakhulo kughunauve pekevilo. Nonguno tishi aye panoqono nongu pelo ishou axine shipe nani. Nonguno pano lhouqo mlla aye nongu ghenguno tile alichhe lhoksa shive nanike.”

IPEKULU 34:12

Nonguno wuche keu ghakhulo timi akeqo sasu kulashi keu shoqhi shikevilo, kughengu tipauno nongu ghenguno akithipu lichhe shi aghiluvike.

IPEKULU 34:16

Nongu nuliqono inaghami totimi hupaqo sasu kulakupu shive nani eno tipaqono panoqo pelo ilau pukhu bemovepe nani eno kichile lhouqo mullawuve penanike.

EZEKEL 28:24

AMPEU no pike, “Acheaxulo ashiayeh kutami akeqo khunoqono Israil thaigha acheni keno tipaqoye itehiye khilemu koghesahu eno ashuyesahu toi itaghi Israil qhuqhimove nani. Panonguno niye Akughushu MPEU kepi ithi nani.”

AKIKIHI 33:55

Ikemu nonguno ayeghi tipaulo kughuna aghikemi hapupovemo aye tile ngovekemi no nongu nhethilo amuchhu akeshi eno nojibolo asahu akeshi nongu punaqhi nanike eno panonguno nongu sasu aghu shinani.

Luke 21:24

Timi hipaqoye azutakihino ghiqhi nani, eno kutami shiayeh qholo akughumi shisasu sawuve nani, eno Jerusalem ye Juda kumomino nedaqoda nani, ti Juda kumomi ghuloki tomo ke kutolo.”

ZAKINIU 29:28

AMPEU ye shishe aloghu ideveno pa loghu kije lono pano yeghi lono panoqo akuhu lono nhuve eno inaghami yeghilo hapuwuveno ishi tsalalo panonguye tilau ani.’

ZAKINIU 30:18

nonguye kutsaleve nani, itehi eno hileno ino nongu ghutuve anike. Jordan kathasu ayeghi hukukuu akeu nonguno ngoluniye akeulo ado kushuwa xumlave nani.

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.

ZAKINIU 7:16

AMPEU nongu Lhou no ashiayeh khijehi nokuka qholo qhitsuni keno kumtsu kutsavelo eno panoqo kimiyeqhiyi keu shikevilo; momu panoqo lhouqo mlla kevilo kughengu tipauno nongu meluve nanike.

2 Tim. 2:26

Tishiluaye panonguno kumsuchilelu nani eno tughami no panoqo mepe qhi puzu pa gho apulou shiape keu lichhe launo polu nanike.

XAKUTHAMI 2:21

tighenguno nighi Joshua kithi thiuye ayeghi hipaulo kughuna akemi shiayeh lakhimu halepuwu tsumo nani.