JOSHUA 22:31 - BAIBEL (BSI)

³¹ Achineu Eleazer nu Fineha no panongu vilo pi “AMPEU ye ningu gholo anike pi nino ithivae. Nonguye pa hebidemoe eno tighenguno AMPEU no Israilmi shou aghime tsuniye akeu lono xaluvae.”

Sumi Naga CL (Re-edited) Bible (BSI)

³¹ Achineu Eleazar nu Phinehas no panongu vilo pi “Atsala hipau lono, Ampeu ye ningu gholo anie pi nino ithivae kughengu nongu ye Ampeu hebide püamoe. Tighenguno nongu no Ampeu u lono Israel xaphe luvae.”

JOSHUA 22:31 ပူးပေါင်းရင်းမြစ်များ

YEKIKITHI AKINIU 15:2

eno pano Akukau Asa sasu kusholuni ke wu. Pano ishi igha ku, “Akukau Asa ngo nongu Juda ngo Benjamin lo kuami kumtsu itsa inilo! AMPEU ye nonguno pa gholo ake kutolo nongu gholo ani. Nonguno pa phuju aye paye nongu pelo pa phulu pe nani, ikemu nonguno tsughusu wuve aye pano nongu qhive nani.

LESHELE 68:17

AMPEU no Sinai lono pawu khurkulu kutomo qhethonhe kutolo sasu akimthe-alo ighi.

IPEKULU 25:8

Timiqo pelo ighenguno akimthe phiki lakhi shipe masa tishi anguno ino panoqo gholo ngoni.

ISAIAH 12:6

Zion lo kughunakuami kumtsuno ighu iqha eno alephelo! Israilmi Lhou akimtheuye kijeke, eno paye pawu timi gholo acheni.”

ZEKHARIA 8:23

Tipa tsala loye inaghami chighino ighi puzu Judami lakhi ku-uphi tsuquluveno ishi pi nani, ‘Ninguye nogholo xupelo kughengu Alhou ye nongu gholo akeu nino chiluveake.’ ”

MATTHEW 1:23

“Julo, ilimi huno mishiluve nani, eno anu lakhi punu nani, eno paje Immanu-el kutsu nani” (tipau kiqiye, “Alhou no ningu sasu ani”).

1 Kor. 14:25

eno pa mlolo tuqho tughou akeu lhapheve nani, eno pa gi pishiqhope Alhou mllano ishi piphe nani, “Kuchouno Alhou ye nongu gholo anie!”

JOSHUA 22:30

Achineu Fineha ngo pa gholo shiyeh gholo ampimi chighiqo ti kulolau shiyeh bolomi qono Ruben, Gad eno Manase kipelau shiyehqo tsa inijuno panongu amloqive.

JOSHUA 22:32

Tithiu Fineha ngo pa gholo ampimiqoye Gilead yeghi lono Ruben ngo Gadmi qhiveno, Kanan lo Israil timiqo lau idewono panongu lau piputove.

JOSHUA 3:10

Joshua no pi, “Nonguno chewukelo pano Kananmi, Hatimi, Havimi, Perizimi eno Jebusimi qo haphevetsuni putsae.