JOSHUA 12:6 - BAIBEL (BSI)

⁶ Ti akukau pamaye Muse ngo pawu Israilmino toluve. AMPEU qeu Muse no panongu yeghipe Ruben shiyeh ngo Gad eno Manase shiyeh tuxaqo yeghi shivepe.

Sumi Naga CL (Re-edited) Bible (BSI)

⁶ Ampeu qeu Moses eno Israelmi no pama leluve. Eno Ampeu qeu Moses no tipaqo yeghi pesü Reuben ngo Gad shiaye eno Manasseh shiaye tüxa ishi tsüve.

JOSHUA 12:6 ပူးပေါင်းရင်းမြစ်များ

KUKAMI ATUGHIU 4:19

Uri nu Geber no Gilead ghakhuqha khikhi akukau Sihon Amarimi Bashan lo akukau Og pamano qhasupesu achekeno tipau shou ahng shilu. Hipano chighikini nguno alau aqha kumtsu ghenguno ahng lakhi ache.

AKIKIHI 32:29

“Gad ngo Ruben laghamino AMPEU zahkutsulo kuto pesu aghushinike Jordan puthasu wuaye eno panoqo kukuphu lono nonguno ayeghi leluveaye tileno Gilead ghakhu pesu panoqo mheghi shitsulo.

AKIKIHI 32:32

Pano ahza tsukeu qholono ninguno Kanan yeghi katha ilonike eno aghu shiwunike, tishi anguno ninguno Jordan kipela hilau nimheghi ighilunike.”

AKIKIHI 32:33

Tighenguno Muse no Gad ngo Ruben laghami eno Manase lagha tuxami lau Amarimi kukau Sihon ghakhu ngo Og lo kukau Bashan ghakhu eno tipaqolo akeu taun ngo tipaqo sumxape aluza ake qha kumtsu kophe tsuke.

JOSHUA 14:3

Muse no Jordan kipelau tipa zuuno pesu shiyeh kini eno tuxaqo lau tsuve (Josef polo kiqi huno shiyeh kini shi kijeve Manase ngo Efraim pama) tishive kemu Muse no Levi lagha ye ayeghi kikijelo panongu tsumove. Tipa zuqhulo, panongu pelo aphughi qolo ngolupe eno lhoxu pighilu pekepu luzaqha ithulupe.

JOSHUA 18:7

Tishimu Levi laghaye nongu kutami gholo saje lakhimu ithulumo nani. Kughengu panongu sajeye AMPEU chinemi shighi qenani. Eno Gad shiyeh, Ruben eno kipelau Manase shiyehqoye Jordan kipelau pano yeghi ithuluvae, tipau huye AMPEU qeu Muse no panongu tsuveke.”

JOSHUA 22:4

Itehi pano piqhiveke toi, AMPEU Alhou no nongu Israilmi lokughuno vetsuae. Tighenguno itehiye AMPEU qeu Muse no Jordan hukukuu pe nongu shiyeh tsuke alo idewolo.