JOSHUA 1:5 - BAIBEL (BSI)

⁵ Joshua, nono xuake tivilo timi khunomu otomo nani. Ino Muse gholo acheke toi ogholo ache nani. Ino alhokuthu ogholo ache nani. Niye khilemu oqhivemo nani.

Sumi Naga CL (Re-edited) Bible (BSI)

⁵ Nono xüake tivilo timi khunomu o theqhimla nani. I no Moses gholo acheke toi o gholo anani. Ni ye khilemu o qhivemo momu o phevemo nani.

JOSHUA 1:5 ပူးပေါင်းရင်းမြစ်များ

BOTHUBO 39:2

AMPEU no Josef gholo ae eno paye phuyi thayikemi. Paye pa mipeu Ijipmi nokilo ache.

KUKAMI ATUGHIU 1:37

AMPEU no ni kijeu kukau gholo aighi ketoi Solomon gholo ghi alupeniu, pa kukaye onguno akijeu eno kinikulu shilu peniu.”

KUKAMI ATUGHIU 11:38

Tsala nono ighokulu shi aye, iyezah vechewo xu aye eno ino kiu zah tsukeno tipau qholono mla aye iqeu David no shiketoi niye alhokuthu osasu anani. Ino opelo Israil kukau shipe nani eno opolo kughuko vechewo oshelo ghi ayeh pelu wopeni ino David lau shitsuketoi.

KUKAMI ATUGHIU 6:13

Ino iwu timi Israilmi gholo nono khikhi akumllaki hipau shi anikeno tipau vechewo ngoni eno niye khilemu panongu phevemoe.”

KUKAMI ATUGHIU 8:57

AMPEU Alhou pelo nipu asuqo gholo acheke toi ningu gholo ghi alu pelo; pa pelo khilemu ni pheve momu kumsumave keu shipemonie.

YEKIKITHI ATUGHIU 28:20

Akukau David no panu Solomon vilo pi, “Amlo kumto shilulo eno pukhubelulo. Akumlaqo huthuvelo eno kiu nomu ovekhape kevilo. AMPEU Alhou khuu ino huthu cheni keno pano ogholo apeni. Paye okumsumavemo nani, ikemu nono pawu Achineki shiqhi moke kutolo pano osasu anani.

LESHELE 46:11

AMPEU Akughushuuye ningu sasu ani; Jakob Lhou ye nino ijehlu chenike.

IPEKULU 3:12

Alhou no khochile pi, “Ino ogholo anani eno kughou nono Ijip lono timiqo saipeghi nikeno noye hipau naghuto lono imlla nanike. Tipauno ino opuwu akeu michipu shinanike.”

ISAIAH 42:16

‘Ino iwu timi anhethi kighichemiqo sasu panonguno khilemu pulachemo keu laghi lono sawu nani. Ino panoqo wu akuzu pesu akuvu kughulhove tsuni eno panoqo zulo kolokoshi keu yeghi pesu kulaqave tsuni. Ino hipaqo vehu shini cheni, eno niye tipaqo shini putsake.

JEREMIYA 1:8

Noye panoqo jupe msa kevilo kughengu ino ogholo anani eno osusho nanike. Ni, AMPEU no pianike!”

DANIEL 11:16

Le ighikemi Siriyami qono panonguno Ijipmi sasu kiu shinishi keno pano ghoshi nani mujo chilemove kehu. Pano tushokiqhi yeghilo puthughono tushokiqhi yeghi kumtsu pa kuka qholo qhiluve nani.

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

Rommi 8:31

Tishi aye, ninguye hipaulo kiu pikulupu ani kya? Alhou no ni kudau ani aye khuno ningu shou kiu shikulupu kya?

Rommi 8:37

Moe, hipaqo kumtsulo khuno ningu kimiye chenikeno pa vechewo ninguye tokulupu shishe ani!

ZAKINIU 20:1

“Nonguno noghumi sasu aghu shiniye wukelo nonguno aghushikulu ngo khurshi eno ghushimi nowu akeu nguno alau kumzapu ithulu keulo nonguye tipaqo musa kevilo. AMPEU nongu Lhou, Ijip lono nongu xaphelu keu huno nongu gholo ananike.

ZAKINIU 20:4

AMPEU Alhou no nongu gholo wucheni eno pano tokulupu nongu tsu nanike.’

ZAKINIU 31:23

Tileno AMPEU no Nun nu Joshua putsa eno pa vilo pike, “Akumto shi amlo kuloghi shilo. Nono Israilmi sasu ino panoqo vilo tushoqhive keu yeghilo ilolo eno ino ogholo anani ke.”

ZAKINIU 4:31

Paye kimiyekini Lhou ke. Paye nongu qhivemo nani, nongu kutsalevemo nani eno pa ampino nopuasuqo sasu puloshoqhi shive keu kumsumamo nanike.

ZAKINIU 7:24

Pano panoqo shou kukamiqo pesu no kuka qholo suvetsu nani. Khunomu nongu lakhamla kepu shive nani; nonguno kumtsu kutsave nanike.

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

JOSHUA 1:17

Muse gho luche ketoi nino alhokuthu ogho lunie eno oLhou pelo Muse gholo acheke toi ogholo apeniu.

JOSHUA 1:9

Mtotoi shi amlo kuloghi shilo pi ino ahza tsukeu ithilo, msakevilo momu amlo tulalo kevilo kughengu ni AMPEU oLhou no nono khile cheni keno ogholo che nani.”

JOSHUA 10:8

AMPEU no Joshua vilo pi, “Panongu msakevilo. Ino opelo luvea peke. Milakhimu ozulo puthugho lumo nani.”

JOSHUA 21:44

AMPEU no ayeghiqha kumtsulo pano puasu lau piqhive ketoi panongu lokughunotsu. Panongu ghumi lakhinomu panongu shou puthugho mlave, kughengu AMPEU no Israilmi pelo pano ghumi shou tokuluu pe tsuke.

JOSHUA 3:7

AMPEU no Joshua vilo pi, “Ino ishi kiu mlanikeno tino Israilmi kumtsuno okughape kijemi lakhi shi ogihu sumsa thuniae eno ino Muse gholo acheke toi ogholo anipi ithive nani.

JOSHUA 6:27

Tighenguno AMPEU ye Joshua gholo ae eno pa jekipi no ayeghiqha kumtsulo kulhave.

XAKUTHAMI 2:18

Kughokughomu AMPEU no xakuthau lakhi tsu aye, AMPEU no pa kuphuno aghumi ulono timiqo xaphe luno pa kuxu tivilo aloinolu chepeke. Ghichhe ghimeno qhasupe akeu lono igha khuke ghenguno AMPEU no panongu kimiyeve cheke.

XAKUTHAMI 6:16

AMPEU no khochile, “Nono tolu nani, kughengu ino okuphu tsu nani. Timi lakhi heqhi lu akeshi mlalei keu lono nono Midiyami mukhumuno shive tsu nani.”

SAMUEL ATUGHIU 10:7

Kughouno hipaqo sholu nikeno, Alhou no omijesutsu keu kiqi lono kiu kiumu shilo.