John 9:7 - BAIBEL (BSI)

⁷ ishipi, “Wulo eno Silom Zukucho lono qhuvelo.” (Silom kiqiye “Puwukeu.”) Ike timi huno wuve puzu pa nhethi qhu eno pa nhethi tsukholu-ghi ideighi.

Sümi Tiqhelimi Bible

⁷ Jisü no pa vilo pi, “Wulo eno Siloam zükhe lono mitheve lo!” (Siloam kiqi ye puwu keu). Ikehu timi hu no wu püzü pa gi phave, eno aki lo ideighi kelo pa ye ithuluve.

Sumi Naga CL (Re-edited) Bible (BSI)

⁷ eno pa vilo pi, “Wulo, Siloam zükucho lono qhuvelo.” (Siloam kiqi ye Puwu). Timi huno wu püzü pa nhethi qhuve no ithulu ghi ideighi.

John 9:7 ပူးပေါင်းရင်းမြစ်များ

NEHEMIA 3:15

Kolhoze nu Shalum, Mizpa distrik lo ayehpeuno Azupuki Khagho mlave. Pano khagho la ghakhave eno khaghoqo thosu alo mlasu eno boltu ngo akhaduqo mlasuve. Shela Zukikhelo pano kukami ghutu kutolo akupuwu mlave, tiye David phughi lono anepa iqi akeu kutolo mlaveke.

LESHELE 146:8

anhethi kighichemi ithukulupu tsucheni. Khunoqo veqhiveno ani keno pano xaqhe; pawu amikuchomi kimiye cheni.

IPEKULU 4:11

Tile AMPEU no pavilo pi, “Khuuno timi kichi shipuatsu kya? Khuuno timi pelo akini ipo, atsa piphemla momu ithulupe cheni momu anhethi kighicheve tsu cheni kya? Ni, AMPEU no ke.

ISAIAH 32:3

Panoqo nhethi eno akiniye timiqono avehupu shiakeu kudau kughopuwu nani.

ISAIAH 35:5

Anhethi kighichemino ithikulupu shi nani, eno akini kughupomino chilu nani!

ISAIAH 42:7

Nono anhethi kighichemi nhethi lhaphe tsu nani eno akuzu kughukilo ngo akemi khaqhiphe nani.”

ISAIAH 43:8

Alhou no pike, ‘Iwu timiqo kughakutha-alo kusaghilo, Panonguye anhethi puani ikemu anhechemike; Panonguye akini puani kemu akini kughupomi ke!

ISAIAH 8:6

“Timi hipaqono Shiloa ghokitilo azu mutshaminhei qowu akeu miliveke ghenguno eno Akukau Rezin ngo Akukau Peka zulo musa khokhoshi keghenguno,

MATTHEW 11:5

anhethi kighichemino ithulu ani, apukhu kighichemino ala chelu ani, apugha kupumi shikimithevetsu ani, akini kughupomino chilu ani, kithimi xuputhuvetsu ani eno kumlhomi vilo lokivipu sutsa pikulhavetsu ani.

Luke 13:4

Imaye Silom lo pano chighi tache aliwono panongu shou ilaiqiku kelono thivekeqo huye? Nonguno kumsukeuye panonguye Jerusalem lo kutami xuakeqo nguno alhoksau kepi hino amchie ipi ani kesha?

Luke 2:32

Akuvu lakhi hi Judakumomi pephepiye anike, Eno ajukuvu owu Israilmi tsunike.”

John 10:36

Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

John 11:37

Ikemu panongu khamiye ishipi, “Paye anhethi kighichemi nhethi tsukholuvepe chenike kumo kesha? Paye Lazar puxuluvemoni kesha?”

John 9:11

Timi huno khochile, “Timi lakhi Jisu ipichekeu huno aniba kunu puzu inhethilo nutsuno ivilo, ‘Silom lo wuno qhuvelo’ ipike. Ike ino wu puzu qhukelauye inhethi tsukholuvae.”

John 9:39

Jisu no pi, “Kughakuthapu ghenguno niye ayeghi hipaulo ighie, tishianguno anhethi kighichemi pelo ithulupe eno ithulu akemiqo pelo anhethi icheve peni kehue.”

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Rommi 8:3

Timi lhoaye no tomo chhimo keghenguno Ayezah no shimlano achekeu hu, Alhou no shivetsuae. Axine shipuhavenike ghenguno Alhou no paNu kuchou, timi xine lhoaye kimihi lono pa puwu puzu timi lhoaye gholono axine kilevetsu.

Galatiami 4:4

Ikemu kughou ado kupukulai ighivekeno Alhou no pa Nu puwu, totimi pelo punupe, Judami yezah qholo xupe,