John 9:39 - BAIBEL (BSI)

³⁹ Jisu no pi, “Kughakuthapu ghenguno niye ayeghi hipaulo ighie, tishianguno anhethi kighichemi pelo ithulupe eno ithulu akemiqo pelo anhethi icheve peni kehue.”

Sümi Tiqhelimi Bible

³⁹ Jisü no pi, “Küghatha nike ghenguno ni ye ayeghi hipau lo ighike, tishianguno anhethi kighichemi pelo ithulu pe eno ithulu akemi pelo anhethi kighichemi shive peniye ke.”

Sumi Naga CL (Re-edited) Bible (BSI)

³⁹ Jisü no pi, “Küghakütha ghenguno ni ye hipa yeghi lo ighi, tishianguno ithumla no akemi pelo ithulupe eno ithulu akemi pelo anhethi icheve peniye ke.”

John 9:39 ပူးပေါင်းရင်းမြစ်များ

ISAIAH 29:10

AMPEU no nongu pelo ingufufuyi anipeke eno cheyi zuhuve peniye kuto anipeke. Tungkupmiye kutami nhethi shikepushi ake ikemu Alhou no panoqo nhethi kighicheve tsuake.

ISAIAH 44:18

Timi tipaqoye panono kiu shiani keno mthae eno vethalu chemoe; kughengu panongu nhethi nhavetsu kehu ithumla eno panongu kukumsu nhavetsu kehu kuchou mthake.

ISAIAH 6:9

Pano pi, “Wuno timi hipaqo vilo hitoi pilo: ‘Nonguno chilulu achenimu vethalu chemo. Nonguno ithululu achenimu ithilu chemoe.’

EZEKEL 12:2

“Thinikuau timio, noye hekibidemi gholo xuache nike. Panonguye anhethi puani ikemu kiumu ithulu chemoe; panonguye akini puani ikemu kiumu chilu chemoe, kughengu panonguye hebideche kemiqoke.

MATTHEW 11:5

anhethi kighichemino ithulu ani, apukhu kighichemino ala chelu ani, apugha kupumi shikimithevetsu ani, akini kughupomino chilu ani, kithimi xuputhuvetsu ani eno kumlhomi vilo lokivipu sutsa pikulhavetsu ani.

MATTHEW 15:14

Panongu lokutovelo! Panonguye sakiphemi anhethi kighichemiqoke, eno anhethi kighichemi lakhino anhethi kighichemi kutami saphe aye, pama kinikujo azulakilo ilulove cheni.”

MATTHEW 6:23

Ikemu onhethino vimo aye, ophimpi kuchopu akuzuno chhitoi nani. Tishiaye akuvu nongu lolo akeu huno akuzu shive aye tiye kiutoi zumoyive nani kela!.

Luke 1:79

Pano xakulu kuvu ni shou ipeghipe, Akithi yekukhu kuzulo akemi shou atsutsu lono yepuvutsu, Hi aloinokeu laghilo ni la mijetsu penike.”

Luke 13:30

Tithiuye itehi khunoqo athiu ani keno atughu shive nani eno itehi khunoqono atughu shiani keno athiu shive nani.”

Luke 2:34

Simon no panongu kumghatsu eno pa za Maria vilo pi; “Julo, anu hipauye Israil lo timi kutomo sunhepuku eno sunheqhi nike qhipuatsu ani. Paye Alhou kudauno amchi lakhi shiamu timi kutomono phimokeu shi nani,

Luke 4:18

“Ampeu Ghungu ishou ani, Asutsa kiviu kumlhomi lau asheshu penike pano teli pe ni nukishetsue, Akughumi lau khakiqhi kutughu penike, eno anhethi ichekemi lau ithukulupu sughi penike ipuwue. Nedaqoda puakeqo phepuwu penike ipuwue.

Luke 7:21

Tipa tuqhudolo kusukini, ghicheghime eno tughakusa akeqo kutomo shipivitsu, eno anhechemi kutomo ithukulupu tsue.

John 12:31

Itehiye ayeghiqha shou kughakutha ghulokike; itehiye ayeghiqha hipau shou ayehkipeu hu halepheniake.

John 12:46

Niye akuvu shi-ghi ayeghiqhalo ighivae, ike khunono ipulu nikeno tipaqoye akuzulo akepu kumoe.

John 3:17

Alhou ye ayeghilo akemi shou kughatha keu betsu nike ghenguno pa Nu puwuke kumoe, ikemu pa vechewo ayeghilo akemi xaluniye ke.

John 3:19

Kughakutha ye hike: ayeghiqhalo akuvu ighivae, ikemu timiqono akuvu kimiyekepuno akuzu kimiyeve, kughengu panonguno kusakugha kumla shikehue.

John 8:12

Jisu no itaghi timiqo vilo pi, “Niye ayeghilomi kuvue. Timi khuuno ipapeni keno akuzulo chechemo nani ikemu akuxupu kuvu anani.”

John 8:15

Nonguye timi lhoaye kiqi lono kugha kutha shi cheni, niye khuu shoumu kughatha chemoe.

John 9:25

Anhethi iche achekeuno pi, “Paye axinemi lakhi keo mokela niye mthae. Thime lakhi ino ithi anie: ike niye anhethi iche achekemu itehi niye tsukholuvae.”

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

2 Kor. 2:16

Khunoqomi puhaveno anikeno hiye pithive nikeu xokutsungu lakhi ke; khunoqomi xaluveakeno hiye akuxupu saghitsu keu xokutsungu lakhike. Khuno hipaqo thime shikulupu kupukulayi ani kya?

Ephesiami 5:14

eno kiu kiu namu ithuluvepe aye akuvu shiluve cheni. Tighenguno ishi pipuanike, “Ithuvelo, O zuakeu Kithimi gholono ithughivelo, Eno Khristo no oshou yepuvu tsu nani.”

2 Thes. 2:10

eno alhoksa pishikiqhi jeli kutomo pesu puhavenikemiqo shou shipiye nani kughengu panongu xaluve kepushi akeu kuchou hu ikhilumo eno kimiyemoe.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

1 John 2:11

Ikemu khunono pa thikuzumi mithi cheni keno paye akuzulo ani akuzulo checheni eno paye khilau wucheni keno tipau mthae kughengu akuzuno pa nhethi kighichevetsu ake.