John 8:44 - BAIBEL (BSI)

⁴⁴ Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Sümi Tiqhelimi Bible

⁴⁴ Nongu ye nongu papù tüghami’w ke, eno nongu ye nongu papù no shinishiqhiyi achekeqo shi anishi cheni ke. Pa ye abothu lonomu hekiqhimi ke, kuchou papemo ke, kughengu pa lolo kuchou küha ke. Kughou pa no alatsa pìní keno pa ye pano tsau no pi cheni kughengu pa ye alatsa kipimí lakhi ke eno akimikiqo papù ke.

Sumi Naga CL (Re-edited) Bible (BSI)

⁴⁴ Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

John 8:44 ပူးပေါင်းရင်းမြစ်များ

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

KUKAMI ATUGHIU 22:22

‘Kishino shilu nani kya?’ pi AMPEU no inijuju. Aghahwuno khochilepi, ‘Ino wuno Ahab wu tungkupumi kumtsu pelono mikive penie.’ AMPEU no pi, ‘Wulo eno pa pishiqhilo, noye tolu nani.’ ”

YEKIKITHI ATUGHIU 21:1

Satan ye Israilmi gholo akupuna sutsu nishi kumsuve, tighenguno pano David pelo timiqo kihiju penikeu pulovepe.

JOB 1:11

Ikemu o-u chhopuwo pa pighi luvetsulo, tishi aye ogilo musute tsu nani, ogi thepe ghusho nanike.”

MATTHEW 12:34

Nongu apighi lojiqo| Nonguye alhoksake kishi puzu akivi piqhilunikya? Kughengu amlolo kiu kupukunoshi ani keno tipau akichino piphe cheni.

MATTHEW 13:15

Kughengu timi hipaqo mloye tekhoimoke: Panongu kiniye ini kushughivae, Tikumokenapiaye, panongu nhethino michiluve niche, Panongu kinino chilu niche, Panongu mlono ithikuthu nicheke, eno panongu shipivi peniye ilau tsughu ighi nicheke.’

MATTHEW 13:38

alu huye ayeghiqhake; apiti kivi huye Alhou yehkipe qholo akemi timiqoke; alupi huye Alhoksau qholo akemi timiqoke.

John 6:70

Jisu no panoqo khochile, “Ino no chighikini kishelu kekumo kesha? Ikeghi nongu gholo lakhiye tughamie.”

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

John 8:38

IPu no kiu ipiye keno tipau ino pitsu cheni ikemu nongu papuh no nongu vilo kiu pinikeno nonguye tipau shi cheni.”

John 8:41

Nonguye nongu papuh no shikeu shianie.” Panonguno khochile, “Ninguye tuqhanu kumoe. Ninguye Apu lakhi likhi ani, ike tiye Alhou ke.”

John 8:55

Nonguye khilemu pa mtha aphie ikemu niye pa ithi anie. Tsala ino niye pa mthae ipiaye niye nongu hutoi kimkimi lakhiae.

Apostolmi 13:10

“No tughami nu! Akimki eno pishikiqhino chhitoi xapusu noye amikucho jeli kumtsu sasu aghumi shikicheu, noye kushiye Ampeu wu akumzu laghi shichighi pesu kichileu shivetsu niye pukaputsa acheni kya? Momu noye Ampeu wu amikucho laghi suchighi achekeu tavemo nani kesha?

Apostolmi 24:9

Judamiqo ghi Tertullo gholo kuqhaghi hi ngukukeu tsa pikeu kumtsu kuchou kepi pi.”

Apostolmi 5:3

Pitor no pa vilo pi, “Anania, kushiye Satan pelo omlo qhasuluvepe puzu noye Aghungu Kimthe pishiqhi eno olu jekeu lono pisa ithulukeu hami qhipe puave kya?

2 Kor. 11:3

Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

1 Peter 5:8

Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

2 Peter 2:4

Kughengu kungumi axine shivekemiqoye Alhou no khilemu qhichemoe, ikemu inhemokeu milo vesuve cheni eno Kughakutha Tsala kheakelo akuzulo tshupe puave cheni.

1 John 1:8

Ninguye axine kuha kepi ninguno pi aye nilikhi ni pishiqhi ani eno nilolo kuchou kuhae.

1 John 2:21

Tishiaye ino nongu lau hipau yelu akeuye nonguno kuchou mthake ghenguno kumoe ikemu nonguno ti ithi ani kehu eno nonguno ithi akeu toi kuchou lauye akimki khilemu ighi chemoe.

1 John 2:4

Timi khuno,”Niye pa ithitoi ani” ipi puzu pano ahza tsukeu papemoni keno pa ye kimkimi lakhie eno pa lolo kuchou kuhae.

1 John 3:12

Ninguye Kain toikepu kumoe; paye Alhoksau laumike eno pa thikuzuu Abel heqhi pithiveke. Paye kushiye pa thikuzuu heqhipithive kya? Kughengu pa kumlaye alhoksake eno pa thikuzuu kumlaye achipi kehue.

1 John 3:15

Khunono pa thikuzumi mithi cheni keno panoye timi ghikiqhimike, eno nonguno ithi anike, timi ghikiqhimiye panololo lhokta kuxu kuhae.

Jude 1:6

Kungumi khipaqono panono akepualo ngomoveno tipa-a kacheve nikeno , panonguye aqhou zumoikeulo lhokta yikichhe pesu tshuve cheni, eno kughakutha Tsala akijeu ighimoke kutolo qhipua cheni.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Piyeküsü 21:8

Ikemu akumsami, pulukumlami, kitiqevekemi, ghikiqhimi, kusalhami, kuduu shichekemi eno ajulho shisukeu mllakemi eno kimkimi kumtsu ami ngo amichu pitiakeu yizulo anani, tiye akithi akiniuke.”

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.

Piyeküsü 9:11

Aqoh-kutho shou ampi shiakeu kungumi huno panongu shou akukau shiake; Ibrimi tsauno pa jeye Abaddon; Grik tsauno pa je Apolion.