John 8:29 - BAIBEL (BSI)

²⁹ Khuuno ipuwu keno pano igholo ani, paye ilikhi qhivemoke kughengu ino pulhapuju pa lokiqipu shi cheni.”

Sümi Tiqhelimi Bible

²⁹ Khuu I puwu keno pa ye I gholo ani; pa ye I likhi qhive mphi, kughengu ni ye alhokuthu kiu no pa pulou keno tipau shi cheni.”

Sumi Naga CL (Re-edited) Bible (BSI)

²⁹ Khuu I puwu keno Pa no I gholo ani, Pa ye I likhi qhive mphie kughengu I no alhokuthu pa lokiqipu shi acheni.”

John 8:29 ပူးပေါင်းရင်းမြစ်များ

ISAIAH 42:1

AMPEU no pi, “Iqeu hi anike julo, ino sunheqhe chekeuke, Ino pa kisheluve keuke, imlo kiqishi chekeuke. Ino iGhungu pesu pa shepichhive ake eno pano ashiayeh kumtsu lau achipi xakutha sughi nani.

ISAIAH 42:21

AMPEU ye xalunike khekulhoshi achekeu Lhou ke, ikehu pano pa yezahqo ngo akukutsuqo xaqhe pukuke, eno pawu timiqo pelo tipaqo gihu penishike.

ISAIAH 42:6

“Ni AMPEU no okuluvae eno akuka otsuvae, ayeghilo kuchou xakutha shikeu jupenike. Ovechewo ino timi jeli kumtsu sasu puloshoqhi lakhi shinike; ovechewo ino ashiayehqo lau akuvu sughi tsu nanike.

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

MATTHEW 3:15

Ikemu Jisu no pa khochile. “Itehiye hitoi shive aghi pelo, kughengu ishi shikeu lono Alhou no amikucho kiu avehupu shiani keno kumtsu ninguno shikupuluni chenie.” Tileno Johan no pulovetsu.

MATTHEW 3:17

Tile kungugha launo asutsa lakhino ishipi. “Hiye iNu ino qhuyivulayi chekeuke, pa shou imlokiqi acheni.”

John 14:31

ikemu Apu no ivilo shilo pikeu ino shicheni, tishianguno ayeghilomi pelo niye Apu kimiye cheni kepi ithipenike. Ithulo, ningu hileno wuveni shilo.”

John 15:10

Ino iPuhno ahzatsukeu papelu puzu pawu kikimiyelo kimepe acheke toi, ino ahzatsukeu nonguno papelu aye nonguye iwu kikimiyelo kimepe anani.

John 16:32

Nongu kumtsu pututa shelo pututa kilo apanagha halesuveno ilikhi qhivenikeu tuqhudo hu cheni eno hi cheae. Ikemu niye ilikhi ani chemoe kughengu Apuh no igholo ani.

John 17:4

Nono puwukeu kumla shikupu keuno ayeghilo ino okimthe jukuvu piyeke.

John 4:34

Jisu no panongu vilo pi, “Ichuqupuye khuno ipuwukeno tipau gho apulou shinikeuke eno pa kumla shiqhivetsu nikeu ke.

John 5:30

“Ika-agho loye niye kiumu shimla; Apuh no ivilo pikeulo likhino ino kughathatsu cheni, ikehu ino kughatha keuye achipi, kughengu niye ighoapulou kumono ipuwupuakeu gho apulou shiniyeke.

John 6:38

kughengu niye ighopulou shiniye kungugha lono iqighike kumoe, ikemu ipuwu puakeu ghopulou shiniye ke.

John 8:16

Ikemu ino kughakutha shikepu shive aye ino kughakutha shi keuye achipiu shi nani, kughengu tiye ilikhino kughatha chemoe, ikemu ni eno Apu ipuwukeu huno igholo ani.

2 Tim. 4:17

Ikemu Ampeu no igholo ake eno Alhou tsape hu pesu Judakumomi kumtsu vilo chixechileyi pikulhalu kepushi ishikumto tsuke; ikehu abongushu baxa lono ixapheluveke.

2 Tim. 4:22

Ampeu no ongu-gha gholo achelo. Alhou wu kupukini nongu kumtsu gholo achelo.

IBRIMI 4:15

Ningu chinetouye nino tomochhimo keulo amlo imekuqha tsumla keu kumoe, ni chinetouye alaghi thwokha lono ningu ghukeju cheketoi pa ghujupe puani, ikemu paye axine shipuamoe.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

1 John 2:1

Itianuliqo,ino hipau nongu lau yepuwu ani, tishianguno nongu pelo axine shipemo niyeke, ikemu nongu gholo khualano axine shiaye, Apu vilo nizuqhushi qhuinijutsu nikemi milakhi ani, pa ye amikuchou Jisu Khristo ke.

1 John 3:22

Ninguno pa vilo kiukiumu khukeu ninguno ithulu cheni, kughengu ninguno pano ahza tsukeu pelu cheni eno pa pulou shi cheni.