John 8:14 - BAIBEL (BSI)

¹⁴ Jisu no panongu khochile, “Ino ilikhi ighenguno ashepe shi ani kemu ishepeye kuchouke, kughengu niye khilano ighi eno niye khila wucheni keno ino ithi ani. Niye khilano ighi momu niye khila wucheni keno nonguye mthae.

Sümi Tiqhelimi Bible

¹⁴ Jisü no khochile, “I no I likhi I züqhu shi thopi shi aghimu iw thopi ye peithakulupu ke, kughengu ni ye khilau no ighi eno khila wu niye shi ani keno I no ithi anie. Ikemu ni ye khilau no ighi momu khila wucheni keno nongu ye khumu mthae.

Sumi Naga CL (Re-edited) Bible (BSI)

¹⁴ Jisü no khochile, “I no ni ampi shepe shi aghi namu, I shepe ye kuchoue, kughengu ni ye khilano ighi eno khila wucheni keno I no ithi ani. Ikemu ni ye khilano ighi momu khila wucheni keno nongu ye mthae.

John 8:14 ပူးပေါင်းရင်းမြစ်များ

AHOLE 8:7

Ino kiu piani keno tipaqoye kuchouke; akimkiye ino mithicheni.

AKIKIHI 12:3

(Muse ye akumtsami lakhi, ayeghilomi kumtsu nguno ivunhei kemike.)

John 10:36

Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

John 13:3

Apuh no akuka kumtsu Jisu ulo suvetsukeu Jisu no ithi ae eno paye Alhou launo ighi eno Alhou lau wuveni cheni kepi pano ithi ae.

John 14:10

Niye Apu lolo ani eno Apuh ye ilolo ani kepi noye pulu chemo kesha? Ino nongu vilo kiu picheni keno tiye igho-apulou lono kumo ikemu Apu ilolo achekeu huno pa kumla shichenie.

John 16:28

Niye Apu launo ighike eno ayeghilo ighivae; eno itaghi ayeghiqha qhiveno Apuh lau wuveni cheni.”

John 17:8

Kughengu nono atsa khipaqo itsu keno ino panoqo tsuvae, eno panonguye tipaqo ikhiluvae; kuchouno niye olauno ighi kepi panonguno ithi ani eno nono ipuwu kepi panonguno pululuvae.

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

John 5:31

Tsala ino ilikhi ishepe shiaye ishepeye kuchou kepi ikhilutsu kevilo.

John 8:42

Jisu no panoqo vilo pi, “Alhou no nongu pa puh keaye nonguye ikupuni cheke kughengu niye Alhou launo ipeghi puzu hi ighi. Niye ikutoshino ighike kumoe ikemu pano ipuwuke.

2 Kor. 11:31

Ampeu Jisu paPuh eno Alhou, paye alhokupujulo sheqhe akepu likhike, pano ithianike niye mikiamoe.

2 Kor. 12:11

Niye kughuzumi lakhi shiauvae! Nonguye ikughape peqhepuku akepu kelauye nonguno anguka lono ipelo aghuzuu shi anipeke. Kughengu niye kiumu kumokemu, niye kiu laghi lonomu ti “Apostolmi” akhotomi ipichekeqo nguno aqhokigheu kumoe.

2 Kor. 12:19

Ishiake, itehi kutolo nonguno kumsukeuye ninguye nongu zulo nilikhi ningu shokhaniye pukaputsa ani kughashi ani kesha? Tishiamoe! Alhou zulono ke ninguye Khristo no ningu pelo kishi pipenishi keno titoi pianike, ino kimiyechekeqo ninguno mla ithakeu kumtsu nongu kuphunikeu ghengunoke.

Piyeküsü 1:5

eno Jisu Khristo no amikuchoshi ashepe shichekeu, kithimi gholono xuputhu tughiu, ayeghilo kukami shou ayehkipeu launo kupukini eno aloinokeu nongu wu shilupeniu. Khuno ningu kimiye eno pa jih vechewo axine lono ningu xaphelu,

Piyeküsü 3:14

“Laodikia kukuhoulo kungumi akeu lau yelu ani: “Atsape hipauye Amen launoke, pukhukuluu eno ashepeu kuchou; Alhou no lhophe puakeqo shou atughiu launoke.