John 7:39 - BAIBEL (BSI)

³⁹ Jisu no hipau pikeuye timi khunoqono pa pulu nikeno tipaqono Aghungu Kimthe ithuluniye akeu ghili piake. Tikutolo Aghungu Kimthe ye tsumphike kughengu Jisu ye xuputhu pesu akimthejukuvu shive tsumphi kehu.

Sümi Tiqhelimi Bible

³⁹ Pa no hipau pikeu kiqi ye kutou pa pülü kemiqo no Aghungu ithulu niye shi akeu tsa ke. Jisü ye ajuküvü lono xüputhumo no ake ghenguno tipau do kutólo ye Aghungu tsümo no ae.

Sumi Naga CL (Re-edited) Bible (BSI)

³⁹ Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

John 7:39 ပူးပေါင်းရင်းမြစ်များ

LESHELE 68:18

Pano aghumi leluvekeqo pa gholo no sasu qhemghaikeu-alo ikuke; pano hekibidemi launo mllakeu gho ikhilue. AMPEU Alhou no tile ngoche nani.

AHOLE 1:23

Kughou ino nongu pelo shikithelupe niye sakiyini keno niye akukutsu kivi nongu tsu nani eno ikighithi nongu sasu kusaje nani.

ISAIAH 12:3

Azu kuxuno tughuthi akemi lo vepiqitsuke toi, Alhou wu timiqono alovike pano panoqo xalukelo.”

ISAIAH 32:15

Ikemu itaghi ghuthu lakhi Alhou no pa Ghungu puwu nani. Lumovekeu yeghiye aghuma yeghi shive nani, eno aluqalo axa kinikulushi pithi nani.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

JOYIL 2:28

‘Hithiu timi kumtsu shou ino ighungu lepukutsu nani Nongu nu-noqo eno angano-qono itsape pesu asheshu nani; Nowu muchomiqono asamo pumo nani, eno nowu lhothemino kungunhetsu qo ithulu nani.

MATTHEW 16:14

Ikelo panonguno ishipi, “Timi khamino noye Johan Baptist kepi picheni, kutami khamino noye Elija kepi picheni, itaghi khamino noye Jeremiya momu tungkupu kutau lakhi kepi picheni.”

MATTHEW 21:11

Timi tile chekeqono ishi khochile, “Huye Galil bocholo Nazaret noghami tungkupu Jisu huke.”

Luke 24:49

Julo, ipuno kiu piqhi puani keno ino nongu shou puwuni. Ikemu kunguuno akuka nongu shou ighi mphi kutolo nonguye aphughilo ngokhe aghilo.”

Luke 3:16

Tighenguno Johan no panongu vilo pi: “Ino azu lono nongu baptiz shitsu cheni,ikemu inguno akijeu milakhi cheni, eno niye pa pukhukuqho kutsugha kighi ghi kuqho mzae, paye Aghungu Kimthe eno ami pesu nongu baptiz shitsu nani.

Luke 7:16

Panongu kumtsu akuighuno chhitoive, eno panonguno Alhou sheqhe gh0i pi: “Tungkupu kije lakhi ningu gholo ipeghivae!” eno “Alhou no pawu timi xalunike ighi anie!”

John 1:21

“Tishiaye noye khuu kya? Noye Elija kesha?” ipi panonguno pa iniju. Pano pi. “Niye tikumoe.” “Noye tungkupu hu kesha?” ipi panonguno iniju. “Moe” ipi pano khochile.

John 1:25

Panonguno Johan vilopi, “Noye Khristo mu kumo, Elija mu kumo, momu tungkupu mu kumo aye noye kushiye baptiz shitsu cheni kya?”

John 1:33

Niye pa mthano ake, ikemu ivilo azu pesu baptiz shitsupe nike Alhou no ivilo ishipi, ‘Aghungu Kimthe no khuu shou iqighi puzu ngokeu nono ithulu nikeno tipauno Aghungu Kimthe pesu baptiz shitsu nikeu ke.’

John 12:16

Tishiake ghulokilo pa khopemiye hipau ithikuthumono ae, ikemu kughou Jisu ye ajukuvupulo xuputhuve keno, kuchoyesulo hipau pipuakeu eno panonguno pa ghenguno hipau shitsukeu akhopemino kumsuchilelu.

John 12:23

Jisu no panoqo vilo pi, “Itehiye Timi Nu jekipipu shinikeu tuqhudo ighivae.

John 14:13

Nonguno ijeku puzu kiu kiumu khuni keno ino shitsuni, tishikeu lono Anu vechewo Apu jepipilu penike.

John 14:26

Ikemu Shikumtokutsuu, Aghungu Kimthe hu Apu no ije lono puwunikeu huno thwokha nongu shika nani, ino nongu vilo pivekeu kumtsu pano nongu pelo kumsuchilelu pe nani.

John 16:14

Pano ijepipitsu nani, kughengu ino kiu pikepu ani keno pano tipau pesu nongu vilo pi nani.

John 16:7

Tishiepimu ino nongu vilo kuchou tsa pini: nongu ghenguno ino wuvekeu pavi kughengu ino wuvemo aye Shikumtokutsuu ye nongu lau ighimo nani. Ikemu ino wuve aye nongu lau ino pa puwuni.

John 17:1

Jisu no hipaqo pitave kethiu pa gi peqhepe kungughalo juno pi, “Apuo, atuqhudo hu ighivae, oNu jepipi tsulo tishianguno Anu pelo ojepipi tsupenike.

John 17:5

Apuo! ayeghiqha lhophe mphilo ino ogholo achekeu jekipi hu pesu itehino ogholono ijepipi tsulo.

John 20:22

Pano hipau pive puzu panoqo shou atuthushepukuno pi, “Aghungu Kimthe sasu lulo.

John 6:14

Jisu no amchipu kumla hipau shikeu timiqono ithulu puzu panonguno pi, “Kuchouno ayeghiqhalo tungkupu ighiniepi chekeu hu hike!”

John 7:12

Eno timi aqokitikhi gholo pa ghili ishi kughae. Khamino, “Paye timi kivimi lakhi,” ipiaye kutamino, “Tikumoe, pano timi sakughuzu chenie,” ipi piae.

John 8:54

Jisu no khochile, “Ino ilikhi ijekipipu tsa piaye ijekipiye kiumu kuhae, iPuh no ijekipipu shichenie, paye nongu Lhou kepi nonguno pichekeu hu panoke.

Apostolmi 19:2

Panongu vilo ishi iniju, “Kughou nonguno pululu keno nonguye Aghungu Kimthe ithulu kema?” Panonguno khochile pi, “Aghungu Kimthe anie pikeu ghi ninguye khilemu chimla aphie.”

Apostolmi 2:17

‘Ashekhalau tsalalo hitoi shi nanie pi Alhou no pie: Ino timi kumtsu shou iGhungu lepukuni. Nongu nu ngo nongu ngaqono tungkuptsa pi nani; nongu pumiqono kungu nhetsu ithulu nani, eno nongu wu muchomiqono asamo pumo nani.

Apostolmi 2:33

Pa xuputhu pesu Alhou-u ajeu qhieno ajepipi tsue. Apu launo tushoqhi puakeu hutoi Aghungu Kimthe ithulu puzu khikhi nonguno ithulu eno chilu anikeno hiye pano ningu shou lepukutsukeu ke.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Apostolmi 2:4

Panongu kumtsu Aghungu Kimthe no chhitoive eno Aghungu no panoqo pelo pilupe kehu kutami tsauno pithuve.

Apostolmi 3:13

Abraham, Isak eno Jakob Lhou, nipu-asu Lhou huno pa qeu Jisu akimthe jekipipu shive tsuae. Nonguno ayehkipemi ulo pa phesuvetsue, Pilat no pa phepuwuveniye kughathave kemu nonguno Pilat zulono pa miliveke.

Apostolmi 4:31

Panonguno inikhu tavekelo, panonguno kuho akeu-a sukinie. Panongu kumtsu Aghungu Kimthe no chhilu eno amlo kuloghi shi Alhou tsape shie.

Rommi 8:9

Kuchouno Alhou Ghungu nongu lolo ani aye, nonguye timi lhoaye nongu lolo akeuno pikeu toi xuamoe, nonguye Aghungu no pikeu toi xuanie. Khuu khumu Khristo Ghungu aghimo aye tipaqoye pawu kumoe.

2 Kor. 3:8

Aghungu no peithatsukeu loye tinguno alau mlapuyikeu jukuvu gholono ighimoni kesha?

Ephesiami 4:30

Alhou Ghungu Kimthe Shikulosu kevilo, kughengu xakulu Tsalalo nonguye pawu kepi aghungu nongu shou amichishipe qhivae.