John 7:37 - BAIBEL (BSI)

³⁷ Aghulhu shiakeulo atsala ashekhauno kumtsu nguno akhotou tsalake. Tipani Jisu no puthugho puzu ighamuku asheshu ghi pi: “Khukhumu tughuthi aghiaye, ilau ighieno yelulo.

Sümi Tiqhelimi Bible

³⁷ Tiqhitini pinedo ashekhau eno ajekipi tsalà lo, Jisü no puthugho no ighamuku pi, “Khukhumu tüghüthi kemi ye I lau ighino yelu pelo.

Sumi Naga CL (Re-edited) Bible (BSI)

³⁷ Aghulhu tsala ashekhau, kümtsü nguno akhotou tsala lo Jisü no puthugho no ighamku pi, “Khukhumu tüghüthi aghi aye, I lau ighi no yelulo.

John 7:37 ပူးပေါင်းရင်းမြစ်များ

NEHEMIA 8:18

Apinye huthukeu tsala lono ashekha kutolo panonguno ghulo atsu-tsu Alhou Yezah amqo lakhikhi phisue. Panonguno atsala tsuni kutolo pinyike eno akutacheni loye Ayezahlo shilo pikeu toi kishekhakeu pinye shike.

LESHELE 143:6

Ino i-u peqhepe ovilo akighinishi; qhaikeu yeghi toi ingulho no tughuthi ophu cheni.

LESHELE 42:2

Niye tughuthi keshi akuxupu Lhou phucheni, niye kughono Alhou zulo wuno pa mlla ngolu nani kya pilae?

LESHELE 63:1

O Alhou, noye iLhou ke, ino ophu cheni. Ingulhono tughuthi akeshi muamzu ophucheni;

AHOLE 1:20

Inijulo! Alokutsuno alaghilalo ngo alhikishia lono kuani,

AHOLE 8:1

Inilo! Alokutsuno kuani, kiqikuluno li sutsa chilupeniye igha ani!

AHOLE 8:17

Khunono ikimiye cheni keno ino tipaqo kimiye, khunono iphu cheni keno iphulu nani.

AHOLE 8:3

Aphughi ikulolalo, ahukikha ijeh pesu lino kuani:

AHOLE 9:3

Lino aphughilo atoghi akiqheu lono ighamuku kupeniye li qelimi puwu.

ALE KIMCHI 5:1

Imlokuchuu, iwu kulaliu, niye ighutulo iloghiluvae. Niye vekuju mukhu ngo musughuta pekutsu ani; niye akhingozu ngo akhi kutsu chu ani. Niye atsayiji ngo akichhizu ye ani! Akusamiqo, kikimiye shomzumoke kutolo chu-sho alo!

ISAIAH 12:3

Azu kuxuno tughuthi akemi lo vepiqitsuke toi, Alhou wu timiqono alovike pano panoqo xalukelo.”

ISAIAH 40:2

Jerusalem lo akemiqo mukhano putsatsulo. Panoqo vilo panonguye adoku shuwa aghime shivea eno itehiye panoqo xine pevetsuake.”

ISAIAH 40:6

Asutsa lakhino igha piani, “Atsape lakhi pesu asheshulo!” “Ivilo kiu tsape asheshulo pikya?” ipi ino iniju. “Asheshulo, tiye timi kumtsu atsuni toike; panonguye aghalo xamunu tohimu ngo chemoe.

ISAIAH 44:3

“Tughuthi akeu yeghi ino azu leqhi tsu nani eno qhaike yeghi shou aghoki qowupe nani. Otianuliqo shou ino ikuka lepuku nani eno olaghamiqo shou ikukumgha lepuku nani.

ISAIAH 55:1

AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

ISAIAH 58:1

AMPEU no pi, “Nono toluke thaqhu asheshulo! Iwu timi Israilmi vilo panoqo xine pilo!

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

EZEKEL 47:9

Aghokitino khilekhile qowunikeno, tilehi ashi aghau jeli kumtsu anani. Aghokiti huno Amiti Zughi zu akuxu shivetsu nani eno tipauno khile khile qowuni keno akuxupu sughi nani.

ACHINE 23:36

Tsalakipetsu atsala tsuni ghenguno nongu ye piti pesu tsukeu kumllagho lakhi shilo. Atsala akutacheulo mlla nike ghenguno itaghi kuho kumqolo eno piti pesu tsukeu kumllagho lakhi pesu tsulo. Tipa tsalaye mlla nike ghenguno akumla kutau kiumu shikevilo.

ACHINE 23:39

Kughou nonguno alulo ghile huni keno tiqhetini hipau atsala tsuni pinyilo, tiye aqhi akutsuniu atsala chighi apunguu lono huthulo. Tipa tsala atughiuye akulho qhikeu tsala pakutakeu shilo.

MICAH 6:9

AMPEU sumsakeuye alokutsu achipiuke. Pano aphughi vilo picheni, “Nongu aphughilo kuhokumqo akeqo, hi inilo!

ZEKHARIA 9:15

Aqokitikhi MPEU no pawu timi susho nani, panonguno aghumi kutsaleve nani. Panonguno shomkuzumi toi aghushi akelo igha nani eno pano ghumiqo ji pele nani; Tiye akumllagho khachelo akhu lono aghashikeu ji pelekelo toi tipaqo ji qowu nani.

AKIKIHI 29:35

Atsala akutacheu lo akumlla hoho shikepu shi kumqolo eno akumla kiumu shikevilo.

MATTHEW 11:28

“Nongu akhokimshi xapu lhovekemiqo kumtsu ilau ighilo, ino nongu kulho qhitsu nike.

MATTHEW 3:3

Isaya tungkupuno puzuuno ishi pipuakeu huye Johan vehu pipuanike: “Khukelano timi kughunamo keu-a lono ishi asheshu anie, ‘Ampeu laghi kutope qhilo, pano wuniye akeu laghi mzuchoyi shitsulo.’ ”

MATTHEW 5:6

‘Achipiu-mikucho shi nishikeuno apulou akiqheu shi chekemi kumghae, kughengu Alhou no panoqo lopiqitsu nani!

John 1:23

Johan no Isaya tungkupuno pipua keutsa lono hitoi khochile, “‘Timi kughunamokeu-a lono milakhino ishi ighamuku keu sutsa huke: AMPEU no wukepu laghi lakhi mzuchoyi shilo!’ ”

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 4:10

Jisu no khochile, “Alhou no agho tsukeu nono ithi aghike aye eno ovilo azu piyelopi khuakeu ithiaghike aye, noye pa vilo akuxupu zu khunicheke eno pano tipau otsunicheke.”

John 4:11

Totimi huno pa vilo pi, “Akijeu, noye shophelukepu kiumu kuha eno azukikheye thonheyi ishike, noye kishi shino akuxupu zu aghini kya?

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

John 5:40

ikeghi nonguye akuxupu alunike ilau ighinishi chemoe.

John 6:35

Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

John 6:37

IPuh no itsukemiqo kumtsu ilau ighi nani, eno ilau ighikemiye khilemu hapheve moe,

John 6:55

Kughengu ishi ajiye kuchou chuqupuke eno ihjiye sho kepu kuchouke.

John 7:28

Ike pano achinekilo kutsukelo asheshu ghi pi: “Nonguye kuchouno niithi ani eno niye khilano ighikeno ithi ani kesha? Ikemu niye ighopulou shi ighi anike kumoe. Khuno ipuwukeno paye kuchouke eno nonguye pa mthae,

1 Kor. 10:21

Nonguye Ampeu jukhulo shopuzu tughami jukhulo ghi shomlae; nonguye Ampeu ghulhu alo chupuzu tughami ghulhu alo ghi chumlae.

1 Kor. 10:4

kumtsuno angu-agha kuxupu zu yeke. Kughengu panonguno panoqo gholo chechekeu angu-gha kuxupu tuqu lono ipeghikeu zu yeke eno atuqu tipauye Khristo ke.

1 Kor. 11:25

Tipaphi lono, aghulhu thiu pano ajukhu ikhilu, eno ishipi, “Hiye Alhou wu puloshoqhi akitheu ihji pesu shikeu ke. Nonguno kughou hi sho nikeno tijehilo ikumsuchilelu ghi hi sho chelo.”

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

Ephesiami 5:18

Aji shomzu kevilo, kughengu tiye oshipusa nanike; ikemu Aghungu Kimthe pesu nongu hupitelulo.

Piyeküsü 21:6

Pano pi, “Hiye tavae! Niye Alfa eno Omega ke, abothu eno kishekhakeuke. Khunono tughuthi anikeno akuxupu zupuki lono azu sholu kepushi ino kumsano tsu nani.

Piyeküsü 22:1

Kungumi huno akuxupuzu akeu ghoki ghi ipiye, tiye mlapuyi mulla- ide ae, eno Alhou ngo Bheriti kuka lakhu lono qoipeghi puzu

Piyeküsü 22:17

Aghungu eno kulaliuno piani, “Ighilo!” Khunono “Ighilo” ipikeu sutsa chilu keno tipaqo pelo ighi pelo. Khunono tughuthi anikeno ighilo, khunono lunishi ani keno akuxupuzu kumsagho shighi ikhilulo.