John 7:28 - BAIBEL (BSI)

²⁸ Ike pano achinekilo kutsukelo asheshu ghi pi: “Nonguye kuchouno niithi ani eno niye khilano ighikeno ithi ani kesha? Ikemu niye ighopulou shi ighi anike kumoe. Khuno ipuwukeno paye kuchouke eno nonguye pa mthae,

Sümi Tiqhelimi Bible

²⁸ Jisü ye hi kutólo achineki khalau kütsü ake, ike pa no ighamuku pi, “Iyei! Nongu ye ni ithi anie, eno nongu ye I no khilau no ighi keno ithi anie. Ni ye I likhi iw kükagha lono hilehi ighiamoe, ikemu khuu I puwu keno pa ye kuchou ke. Nongu ye pa mthae,

Sumi Naga CL (Re-edited) Bible (BSI)

²⁸ Ikehu Jisü no achineki lo shika akelono asheshu, “Nongu ye ni ithi ani eno I no khilano ighi keno ithi ani. Ikemu ni ye I gho-apulou lono ighi anike kumoe. Khuu no I puwu keno Pa ye kuchou eno nongu ye Pa mthae.

John 7:28 ပူးပေါင်းရင်းမြစ်များ

LESHELE 9:10

Eno khunono oje ithiani keno tipa qoye oshou pukhube cheni, kughengu khunono ophuju cheni keno noye tipaqo pheve chemo.

JEREMIYA 31:34

Panoqo gholo khunomu pano ghakhumi vilo AMPEU ithilo ipi shikapiyeni chemoke, kughengu kumtsuno ni ithi nani, aku-amighiu lono akijeu kushu kutolo. Ino panoqo xineqo pevetsuni eno niye, khilemu panoqou kivikumo kumsupu ache move nanike. Ni, AMPEU no piveake.”

JEREMIYA 9:6

Panonguye heqhi buqhikeu lakhino lakhi papesu shi acheni, eno pishikiqhi lakhino lakhi papesu shi acheni.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 5:4

Timiqono alhoksa shivekeuno panoqo Lhou lau ideighi nikeu lakha auve cheni. Ajulho shikeu mllakeuno akumto shi panoqo tsuqupe auve cheni eno panonguye AMPEU ikhilumove cheni.

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

MATTHEW 2:23

eno Nazaret taun ipi chekeulo wupuzu tila acheuve. Tiye tungkupmino, “Paye Nazorio lakhi ipi kunanie.” ipi puakeu shikupu niyeke.

MATTHEW 26:55

Tilehino timi kumzapu ighikeqo vilo Jisu no ishipi, “Niye heqhi- buqhi chekemi toi nonguye azutakihi ngo asulu pesu ikughaniye ighi ani kesha? Ghulo atsu-tsu ino achinekilo iqano kutsuche mu nonguye ikughamoe.

Luke 10:22

Ipuno thime kumtsu pesu itsuvae; Apu likhino thono Anu ye khuu kela khunomu mthae,eno Anu likhino thono Apuye khu kela eno Anu no khuno lau pephepiye niye kishelu keno tipano likhino thono khunomu mthae.”

Luke 2:11

kughengu David phughilo itijino nongu lau xakuluu lakhi punu ani, tiye Khristo Ampeu!

Luke 2:39

Ampeu yezah lo akeu kiqi lono panonguno thwokha shikupuve kethiu Galil lo pano phu Nazaret lo idewove.

Luke 2:4

Josef ghi Galil yeghilo Nazaret phu lono Judia lo David phughi Bethlehem lo wu. Josef ghi David laghalomi kehu tilewue.

Luke 2:51

Pano pama sasu Nazaret lo iqighi,Pano pama gholu eno pazano hi kumtsu li mlolo qhiluve.

John 1:46

Tile Nathana-el no pa vilo ishi iniju, “Nazaret phu lono kiu akivi ipeghi kulupu ani kya?” “Ighi puzu julo” ipi Filip no pa khochile.

John 10:36

Ino ‘Niye Alhou Nu ke’ ipi keghenguno Apu no kishepheno ayeghiqhalo puwukeu vilo nonguye, ‘Niye Alhou thaigha anie!’ ipini kesha?

John 12:49

Kughengu niye igho lono pianike kumoe ikemu niye kiu pimasa eno kiutsa pimasakeno Apuh ipuwukeu huno ahza itsupuanie.

John 14:10

Niye Apu lolo ani eno Apuh ye ilolo ani kepi noye pulu chemo kesha? Ino nongu vilo kiu picheni keno tiye igho-apulou lono kumo ikemu Apu ilolo achekeu huno pa kumla shichenie.

John 14:31

ikemu Apu no ivilo shilo pikeu ino shicheni, tishianguno ayeghilomi pelo niye Apu kimiye cheni kepi ithipenike. Ithulo, ningu hileno wuveni shilo.”

John 16:3

Panonguno Apu mu ni mu mtha ke ghenguno panonguye nongu shou hipaqo shi nani.

John 17:25

Apu Amikuchou! ayeghiqhaye omtha ikemu niye no ithi ani, eno nono ipuwukepi hipaqono ithi ani.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 3:2

Pano putho lono Jisu lau ighieno pa vilo pi: “Rabi, nino ithianike noye Alhou launo ighikemi akukutsuu lakhie. Alhou no timi lakhi gholo aghimokeloye timi khunomu nono amchipu kumla shilu akeqo shiluni chemoe.”

John 3:33

Pano atsape shikeu ikhilukemiye Alhou ye kuchou kepi mutsuqheyi shiluvae.

John 5:32

Ikemu ishepe shiakemi kutami ani, eno pano kiu ishepe shikeno tiye kuchou kepi ino ithi ani.

John 5:43

Niye iPuh je lono ighi ani, ikemu nonguno niikhilumoe. Kutamino pututa alikhi ampi ka-agha lono ighi aye nonguno ikhilu cheni.

John 6:42

ishipi, “Timi hipauye Josef nu Jisu ke kumo kesha? Nino papuh aza ithi anino paye kishi puzu kungugha lono iqighi kepi ani kya?”

John 7:14

Aghulhu shikeu tsalaqo tuxa shivekethiu Jisu no achinekilo wu eno timiqo kutsuthuve.

John 8:14

Jisu no panongu khochile, “Ino ilikhi ighenguno ashepe shi ani kemu ishepeye kuchouke, kughengu niye khilano ighi eno niye khila wucheni keno ino ithi ani. Niye khilano ighi momu niye khila wucheni keno nonguye mthae.

John 8:16

Ikemu ino kughakutha shikepu shive aye ino kughakutha shi keuye achipiu shi nani, kughengu tiye ilikhino kughatha chemoe, ikemu ni eno Apu ipuwukeu huno igholo ani.

John 8:19

Panonguno pa vilo iniju, “Opu ye khile ani kya?” Tile Jisu no khochile, “Nonguye ni mu mtha momu iPu mu mthae. Nonguno ni ithike aye nonguye iPuh ghi ithini cheke.”

John 8:26

Niye nongu shou pikepu eno kughakepu thime kutomo anie, tishiepimu khuno ipuwukeno paye kuchouke, eno pa launo kiu chilu keno tipaqo likhi pesu ayeghiqha vilo ino picheni.”

John 8:42

Jisu no panoqo vilo pi, “Alhou no nongu pa puh keaye nonguye ikupuni cheke kughengu niye Alhou launo ipeghi puzu hi ighi. Niye ikutoshino ighike kumoe ikemu pano ipuwuke.

John 9:29

Ninguno ithi akeuno Alhou no Muse putsae, ikemu timi hupauye pano khilauno ighikeno ninguye mthae.”

Apostolmi 17:23

Kughengu ino iqho-iqi puzu nonguno chini chekeu-a jukelo ashikimthe kipti-a lakhilo ishi yepuku puakeu ino ithulue. ‘Ithiwo tomlakeu Lhou salla.’ Tishiaye, ti khikhi nonguno mlla cheni kemu, nonguno mthano acheni keno, nongu vilo tihu ino asheshu ani.

Rommi 1:28

Timiqono Alhou kuchou ghili amlolo supunikeu miliveke ghenguno, pa ghi panongu pesu kusakugha kukumsulo suvetsu, panonguye shimo kepuqo shive cheni.

Rommi 3:4

Khilemu tishimo nani! Timi kumtsuno kimkimi shive namu Alhou ye kuchou shi ani putsae. Kuchoyesulo ishi pipuakeu toi: “Kughou nono atsa pini keno noye achipie pi piye masae, Kughou oshou kughathabeni keno noye tipaulo tolu masae.”

2 Kor. 1:18

Alhou ye pukhubekulu kehu ninguye nongu vilo “Iye” “Moe” ipikeu tsa piqhimoe.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Titus 1:2

Alhou ye mikichemoke, hiye aghuloki huthumphi lono pano piqhivae,

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

1 John 5:10

Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.

SAMUEL ATUGHIU 2:12

Eli nuliqo ye ighono timi lhoksami shive. Panonguye AMPEU lau kumu amlo tsumove.