John 7:17 - BAIBEL (BSI)

¹⁷ Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

Sümi Tiqhelimi Bible

¹⁷ Khukhumu Alhou pulou shini ke kisheluve kemi ye I kükütsü ye Alhou lau no ighi keo I likhi I tsapi keno phupheluve nani.

Sumi Naga CL (Re-edited) Bible (BSI)

¹⁷ Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

John 7:17 ပူးပေါင်းရင်းမြစ်များ

LESHELE 119:10

Imlo kuchopu pesu ino oqenishi; oyezah hebidelu nosake isasu alo.

LESHELE 25:12

Timi khunono AMPEU sumsa cheni keno pano panonguno pula kepu laghi kishetsu cheni.

LESHELE 25:14

Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

AHOLE 28:5

Alhoksamiye kuchou xakutha kiukela mthake, ikemu khunono AMPEU mlla cheni keno kuchou xakutha akivishi ithitoi ani.

AHOLE 3:32

kughengu alhoksa shiche kemiye AMPEU no mithi cheni ikemu akumzumi ye pano pulube acheni.

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

DANIEL 12:10

Timi kutomono shikimthe luve nani. Timi lhoksami ye hipau vehu mtha nani. Ikemu alhoksa shikithe auve nani, alokutsumi likhino tipau ithi nani.”

HOSIYA 6:3

Ningu AMPEU ithinike pukaputsa juni nolo. Paye kuchouno inaqhe vuipeghi keshi ighi nani, ghixu tsalalo tsutsughuno ayeghi shou ghupuku keshi paye kuchouno ighi nani.”

MICAH 4:2

“Ningu AMPEU wu naghutolo Israil Lhou chinekilo wunie. Kughengu pano ningu pelo kiu shipe nishi ani keno ningu shikapiye nani; ninguye pano kishetsukeu laghi pulani. Kughengu AMPEU no kutsupiye keuye Jerusalem lono ighi cheni; Zion lono pano pawu timiqo putsa cheni.”

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

MATTHEW 6:22

“Anhethino aphi mpi kuvuke. Ikehu onhethino tsughukhuyi aye, ophi mpi kuchopu akuvuno chhitoi nani;

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

John 3:21

Ikemu khunono kuchou shi cheni keno akuvu lau ighi cheni, tishianguno panongu kumlaye Alhou pukhubekeu lono mlapuani kepi akuvu pephe piyeniyeke.

John 8:43

Nonguye kushiye ino pikeu ithikuthumla kya? Hiye kutau ghenguno kumono nonguno ino pikeu tsa ininishimoe.

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

John 8:47

Khuuno Alhou laumi keno pano Alhou tsa initsu cheni. Nonguno initsumokeu kiqiye nonguye Alhou laumi kumoe.”

Apostolmi 17:11

Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.