John 6:40 - BAIBEL (BSI)

⁴⁰ Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

Sümi Tiqhelimi Bible

⁴⁰ Kughengu I pù pulou ye Anu lau jupuku no pa pülülu kemi kümtsü lhokta küxü alu pe nikeu ke, eno I no ashekha tsalà lono panongu xüputhu nani.”

Sumi Naga CL (Re-edited) Bible (BSI)

⁴⁰ Kughengu I Pu pulou ye hike: khunono Anu shou jupuku no pa pülübeni keno kümtsü pelo lhokta küxü apeniye ke, eno I no ashekha tsala lo pa xüputhu nani.”

John 6:40 ပူးပေါင်းရင်းမြစ်များ

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

ISAIAH 53:2

Hiye AMPEU pulou shiaghive ike pa qeuye ayeghi qhaikeulo asubo lakhino akuhu qusu pesu thuwu akeu kimihi shiaghi kepu shive. Paye ningu pelo paju michilu penike athinibei keu momu jukivipu kuhae Kiu lonomu paye koghe kughu kivi kuhae, pa kudau nimusu sawukepu kiumu kuhake.

AKIKIHI 21:9

Titoi Muse no alazayi pesu apighi lakhi kughulhono aqhaqhi lakhi shou bepe qhi. Khuu khumu mighi puaghikemiye alazayino shikeu pighi shou jupukuno viluve cheke.

MATTHEW 10:15

Kuchouno ino nongu vilo pini, kughakutha tsalalo Alhou ye tipano ghami nguno alau Sodom ngo Gomora shou kimiyeqhiyi keu akijeu shi nani|

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

Mark 16:16

Khunoqono pulu puzu baptiz shilu nikeno xalu nani, ikemu khunono pulumo nikeno peve nani.

Luke 2:30

Kughengu inhethino ow xakulu ithuluvea;

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

John 10:28

Ino lhokta kuxu panoqo tsucheni eno panonguye khilemu hauvemo nani; eno khunomu i-u lono panoqo suxasuwuvemla nani.

John 11:24

Lino ishi pa vilo pi: “Ino ithi anike ashekha tsalalo paye xuputhuve nani.”

John 11:25

Jisu no li vilo pi, “Niye xuchilethughikeu eno akuxupue, khunono ishou pulubeni keno paye thive namu xuluve nani;

John 12:45

Khunono ni ithulu ani keno paye ipuwu puakeu ghi ithulu anie.

John 12:50

Ino ithi akeuno pano ahza tsukeu huno lhokta kuxu sughi cheni. Tighenguno ino kiu pikeno tiye Apuh no ivilo pilopikeu ke.”

John 14:17

Ayeghilomiye pa ikhilumla, kughengu panonguno pa ithuluni chemoe momu pa ithini chemoe; ikemu nonguye pa ithi ani, kughengu paye nongu sasu acheni eno nongu lolo acheni.

John 14:19

Ado kitila apuzu ayeghilomino ijuthumlave nani ikemu nonguno ijuthulu nani; ino xu anike ghenguno nongu ghi xu nani.

John 17:2

Kughengu nono khunoqo pesu pa tsukeno tipanoqo lau lhokta kuxu tsupeni kehu lhoxu kumtsu shou nono akuka pa tsuvae.

John 3:36

Khunono Anu shou pulube nikeno lhokta kuxu ani; khunono Anu gholumo nikeno tipanoye akuxupu kuhave nani, ikemu tipano shou Alhou loghu acheuve nani.

John 4:14

ikemu khunono ino tsukeu zu shoni keno paye khilemu tughuthi kithemo nani. Ino azu pa tsukeu huno pa lolo lhokta kuxu zupuki lakhi shi qoipeghi ache nani.”

John 5:24

“Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

John 6:27

Puhavekepu chuqupu ghenguno ime mla kevilo, ikemu lhokta kuxupu kutolo achekepu chuqupu ghenguno ime mlalo. Achuqupu tiye Timi Nu no nongu tsu nani, kughengu Apu Alhou no pa shou pa ghaqikeu michipu bevae.”

John 6:39

Ipuwu puakeu ghopulouye hike: pano khunoqomi itsuveakeno niye tipaqo lakhimu puhavepemo niyeke, eno ashekha tsalalo niye tipaqo kumtsu akuxupu shi xuputhu peniyeke.

John 6:44

IPuh ipuwu puakeuno ilau pa sunhesaghi moke loye khumu ilau ighimlae; eno ashekha tsalani ino pa xuputhuve nani.

John 6:54

Khunono ishi aji chuni eno shoni keno lhokta kuxupu ani eno ashekha tsalani ino pa xuputhu nani.

John 8:56

Nongu papuh Abraham ye itsala ithuluni cheni kepi alokivishi cheke, eno pano tipau ithulu puzu alokivishie.”

Rommi 5:21

Ikemu, axineno akithi peitha puzu qhasuke toi, Alhou kupukinino achipikalu keu peitha puzu qhasupe lhokta kuxulo ni Mpeu Jisu Khristo vechewo nisasu wu cheni.

Rommi 6:23

Kughengu axine jumeye akithi ke, ikemu Alhou no niMpeu Jisu Khristo vechewo agho tsukeuye lhokta kuxu ani.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

IBRIMI 11:1

Akupuluye ninguno laju achekeu mutsuqheyi shilukeuke, ninguno ithumlano achekeu thime aniputsakepi mutsumisheyi shilu keuke.

IBRIMI 11:27

Akupulu lono paye akukau mlo kighide msamono Ijip yeghi qhiveno wuve; paye ithumlakeu Lhou ithulu akeshi igho ideghive moe.

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

1 John 2:25

Khristo no ningu tsunike piqhipua keu huye lhokta kuxuke.

Jude 1:21

nonguye Alhou kikimiyelo alo; lhokta kuxu kutolo niMpeu Jisu Khristo no nongu lau kupuqhiyi penikeu huqhe alo.