John 5:39 - BAIBEL (BSI)

³⁹ Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

Sümi Tiqhelimi Bible

³⁹ Nongu no azükini shi Kuchoyesüqo phi cheni kughengu nongu no tilehi no lhokta küxü ani pi kümsü cheni ke. Kuchoyesü hipaqo no I shepe shitsü ani,

Sumi Naga CL (Re-edited) Bible (BSI)

³⁹ Nongu no Kuchoyesü phuju cheni, kughengu nongu no tipau lono lhokta küxü ani kepi kümsü cheni. Kuchoyesü tino Iw thopi shicheni,

John 5:39 ပူးပေါင်းရင်းမြစ်များ

LESHELE 1:2

Paye AMPEU yezahlo aghokulu shini keuno pa zukuvue, paye putho pucho tipaulo kumsukutoju acheni.

LESHELE 119:11

Ohekibide xine shimonike ino otsa imlolo kusuluvae.

LESHELE 133:3

Hiye Hermon Naghuto tsuzuno Zion toghilo qipuku akeu toike; Tileno AMPEU no pawu kukumgha tsunike, ti akuxu ashekha kuha keu shoqhi shike.

LESHELE 16:11

Nono akuxupu laghi ipiye; Ogholo aye alokivino chhitoike, eno o-u ajeu kudauye alhokupujulo alokivipu acheni.”

LESHELE 21:4

Pano ovilo akuxupu khu, nono tipau pa tsue, axukushu alhopushu tsue.

LESHELE 36:9

Nono akuxu jeli pukike eno okuvu lono ningu pelo akuvu ithulupe ke.

AHOLE 6:23

Panoqo zahkutsuye yevuqai keu kuvu lakhike; panoqono shikithetsu keuye kishi xuamasa keno oshika nani.

ISAIAH 34:16

AMPEU wu lhoxu xuakemi kakulo lhejulo eno tipauno kiu piani keno phijulo. Lhoxu hipaqo lakhimu kuhavekeu shimo nani eno tipaqo lakhimu pututa kusau kuhakeu shimo nani. AMPEU no titoi shipenikeu shi ahza tsupuani, pa ampino tipaqo sawo kumqo nani.

ISAIAH 8:20

Nonguye panoqo vilo ishi khochilelo, “AMPEU no kiu pesu nongu shikapiye keno inilo! Tumumi tsa ini kevilo, panonguno nongu vilo kiu pinikeno tiye akivipu shimlake.”

JEREMIYA 8:9

Nogholo alokutsumi shikukujove ani; panoqoye avehu kughuzu shivepe eno meluve cheni. Panonguno itsaqo peveke itehiye kiu lokutsu anani kya?

DANIEL 12:2

Azuuno thivekeqo ghi xu ithughive nani: khami lhokta kuxu ithuluno alovini eno khamino lhokta ghime ithuluno imeve nani.

MATTHEW 22:29

Ikemu Jisu no ishi panongu khochile, “Nonguye ighono pimi achenie! Nonguye kuchoyesu ghi mtha eno Alhou kuka ghi mthae.

Mark 10:3

Jisu no ti khochilekeu shi-ghi panongu vilo avehu lakhi iniju: “Muse ye nongu lau kiu ahza tsu puani kya?”

Mark 12:10

Kuchouno nonguye kuchoyesulo ishi yepuakeu philuvea: ‘Aki kishimino atu khipau kileqhive keno tipauno kumtsu nguno akhotou tuqu shiaghive.

Luke 16:29

Ikemu Abraham no pi, ‘Othikuzumi ye Muse kaku eno Tungkupmi kaku ani, panongu pelo tipaqo tsa ini pelo.’

Luke 16:31

Abraham no pa vilo pi, ‘Panonguno Muse kaku eno Tungkupmi kaku inimo aye, akithi lono timi ithughi namu panongu mlo ithani chemoe.’ ”

Luke 24:25

Tileno Jisu no panongu vilo pi: “Nonguye kiutoi mbomzu kela; tungkupmi kumtsuno pivekeghi nonguno pulu lunikeu kiutoi qei kela!

Luke 24:27

Muse kakuqolo eno tungkupmino yehpe puakeqo kumtsu lono huthu susu Kuchoyesu kumtsulo pa ghili pi puakeu Jisu no chixechilei pama vilo pi.

Luke 24:44

Tishino pano panongu vilo pi, “Ino nongu gholo aphi lono hipaqo kumtsu nongu vilo pivae!Muse yezahlo,Tungkupmino yehpe puakeulo,eno Leshele lo Ighili yehpe puakeu kumtsu shikupu masae.”

John 1:45

Filip no Nathana-el sasu kusho eno pa vilo ishipi, “Muse no Ayezah kakulo khuu ghili yepuakeno eno tungkupumino khuu ghili yeh ishikeno timi tipau ninguno phuluvae. Paye Nazaret noghami Josef nu Jisu ke.”

John 5:32

Ikemu ishepe shiakemi kutami ani, eno pano kiu ishepe shikeno tiye kuchou kepi ino ithi ani.

John 5:36

Ikemu Johan no thopi tsukeu nguno akiqheu ilau thopi shitsupe nikeu anie, iPuh no ipelo shikupupeniye akumla kiu itsukeno, ti khipau kumla ino shiani keno, tipaqono Apuh no ipuwu kepi thopi shi ani.

John 5:40

ikeghi nonguye akuxupu alunike ilau ighinishi chemoe.

John 5:46

Nonguno Muse pulu keaye nonguye ipulu nicheke, kughengu pano ighili yehke.

John 7:52

Panonguno pa khochile, “Noghi Galil lono ighikemi kesha? Kuchoyesu phukide kudajulo, Galil lono tungkupu ighi puaghikeu noye ithulumo nani ke.”

Apostolmi 13:27

Kughengu Jerusalem lo kughunakuami eno panongu shou ayehkipemino paye khuukeno michimlave, eno Sabat atsutsu tungkupmi tsa phichekeu panonguno ithikuthumo kehu Jisu kilevekeu lono ti shikupuve.

Apostolmi 17:11

Judami tile aghikeqoye Thesalonia lo akeqo nguno inapugha kotha- lethakeu kuha. Panonguno khekulhoshi atsa hu ikhilutsu, eno Paul ngo Sila pama no pikeu tsaqo hu kuchou kemo kelaye tsalakipetsu kuchoyesu phukide kudajue.

Apostolmi 26:27

Akukau Agripa! Noye tungkupmi pulu chenima? Ino ithi anike noye pulu cheghi nani!”

Rommi 1:2

Atsakiviuye Alhou no tungkupmi vechewo kha-ghino piqhipuache eno Akimthe yesulo yepua.

Rommi 3:2

Ala thwokha lono heshekulu ani. Atughiu no, Alhou no pa sutsa pesu Judamiqo lau pichetsue.

ZAKINIU 18:15

Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

ZAKINIU 18:18

Ino panoqo lau otoikeu tungkupu lakhi notimi gholono ipeghipe nani; kiu pikepu keno ino pa vilo pinani eno pano timiqo vilo ino ahza tsukeu thwokha pitsu nani.

ZAKINIU 29:29

“AMPEU ningu Lhou no kusupe puakeu thime hami anike; ikemu paye pa yezah pephepiyevae eno ningu eno nipolo kughukomiqoye alhokupujulo tipau gholu masake.”

ZAKINIU 32:47

Akukutsu tsa hipaqoye abokumsa tsa kumoke; hipaqoye nokuxupu kuchouke. Hipaqo gholulo eno nonguye Jordan katha ikukelo ayeghi nonguno ngolu niye akeulo axu shulu nanike.”

Kolosiami 3:16

Khristo tsa pelo nongu lolo kinikulushi achepelo. Alokutsu kighithi kumtsu pesu lakhino lakhi kutsupiyekile eno aloshiputsukilelo. Nongu mlolo Alhou shikimthi keu xapusu leshele, akishele eno aghungulo le phelo.

IBRIMI 11:16

Tishinike zuqhulo, panonguye ayeghi akiviu, ti kungughalo akeu kumsukutu cheke. Tighenguno panonguno Alhou ye pano Lhou kepi pikeulo Alhou ye kujomzavemoe kughengu panoqo ghenguno pano aphughi lakhi kutopuanike.

IBRIMI 11:35

Akupulu vechewo kithimi xuchile puthuvetsukeu totimiqo pelo ithulupe. Khamiye akuxu akiviulo xuputhu peniaye, kuqhopheve nikeu ghi milive puzu panoqo shikighime qhipeke.

JOSHUA 1:8

Okighinilo alhokuthu ayezah kakuhu philo. Putho pucho philo eno tile yepuakeu kuchopu thebei pelulo. Tishikeuno okuxulo kinikulu eno tokulu shi nani.

Piyeküsü 19:10

Tileno ino pa pukhu phivilo mllaniye iluiqive, ikemu pano ivilo ishipi, “Tishikevilo! niye no eno othikuzumi khunoqono Jisu no kuchou shepe shikeu ikhilu cheni keno tipaqo kumtsu gholo akusami aqemi lakhike. Alhou mllalo!” Kughengu Jisu no kuchou shepe shikeuno tungkuptsa pinikeu nguaghapuke.