John 5:24 - BAIBEL (BSI)

²⁴ “Kuchouno ino nongu vilo pini, khunono itsa chilu puzu ipuwupuakeu pulu nikeno lhokta kuxu ani. Pa shou kughakutha bemo nani, ikemu paye akithi hechesu akuxulo wuluvae.

Sümi Tiqhelimi Bible

²⁴ “Kuchou no I no nongu vilo pìní, khukhumu I tsa chilu püzü I puwu keu pülüni keno lhokta küxü ithulu nani eno küghathabemo nani ikemu akithí vechesü aküxü lo ikuvae.

Sumi Naga CL (Re-edited) Bible (BSI)

²⁴ Kuchou no I no nongu vilo piani, khunono I tsa chilu no I puwu keu pülüni keno lhokta küxü anani. Pa ye küghakütha lo ilomo nani, ikemu akithi lono aküxü lo wuluvae.

John 5:24 ပူးပေါင်းရင်းမြစ်များ

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

Mark 16:16

Khunoqono pulu puzu baptiz shilu nikeno xalu nani, ikemu khunono pulumo nikeno peve nani.

John 11:26

eno khunono igholo xuani eno ishou pulube ani keno paye khilemu thimo nani, noye hipau pulu anima?”

John 12:44

Jisu no asutsa kumgha lono pi, “Khuuno ipulu ani keno, ilikhi pulu anike kumoe ikemu paye ipuwu keu ghi pulu anie.

John 20:31

Ikemu hile yesupe puakeuye nongu pelo Jisu ye Mesiya, Alhou Nu kepi pululu peniyeke eno tipau kupulu vechewo paje lono akuxupu alupeniyeke.

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 3:18

Khunono Anu pulu nikeno kughakutha bemovae; khunono pulumo nikeno tipano shou kughakutha bevae, kughengu panonguye Alhou Nu lakhi likhi akeu shou pulubemoe.

John 3:36

Khunono Anu shou pulube nikeno lhokta kuxu ani; khunono Anu gholumo nikeno tipanoye akuxupu kuhave nani, ikemu tipano shou Alhou loghu acheuve nani.

John 4:36

Ghilelo huakeu timi huye ajume ithuluvae eno lhokta kuxu ghenguno athi pekutsu ani; tishianguno xusukeu ngo ghile huakeu pama kumtsa alovi kuqhanike.

John 6:40

Kughengu iPuh ghopulouye hike: khunono Anu ithulu puzu pa pulubelu nikeno lhokta kuxupu apeniyeke; eno ashekha tsalalo akuxupushi ino pa xuputhu nani.”

John 6:47

Kuchouno ino nongu vilo pini: timi khuno pulu ani keno lhokta kuxupu ani.

John 6:50

Ikemu asho khipau kungugha lono hi iqighikeu khunono ti chuni keno panoye thimoe.

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

John 6:58

Tishiaye kungugha lono iqighikeu shoye hike, tiye nongu puasu qono chu puzu thive keu sho toi moe. Timi khuno asho hipau chuni keno alhokupuju xulu nani.”

John 8:51

Kuchouno ino nongu vilo pini, timi khunono itsa peluni keno paye khilemu thimo nani.”

Rommi 8:1

Tighenguno khunoqono Jisu Khristo gholo xuani keno itehi panonguye Alhou no levemoe.

1 Thes. 5:9

Kughengu Alhou ye pa ngusupu ghenguno aza polono ningu iniveke kumoe, ikemu ningu Mpeu Jisu Khristo vechewo xakulupu alupeniyeke.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

1 John 3:14

Nino ithi akeuno ninguye akithi hechesu akuxulo ipevae, kughengu nino athikuzumi kimiye achenike. Khunono kimiyekile chemo keno itehi kutolo akithilo achephike.

1 John 5:1

Khunono Jisu ye Mesiya kepi pulube cheni keno paye Alhou nulike; eno khunono apu aza kimiye cheni keno ati anuli ghi kimiye cheni.