John 5:19 - BAIBEL (BSI)

¹⁹ Jisu no panoqo khochile: “Kuchouno ino nongu vilo pini, Anu ye pa kutoshiye kiumu shimlae,papuhno shiaghikeu pano kiu ithulu nikeno ti likhi pano shi cheni. Apuh no kiukiu shini keno Anu ghi tishi cheni.

Sümi Tiqhelimi Bible

¹⁹ Jisü no hitoi khokichile panongu tsü: “Kuchou no I no nongu vilo pìní, Anu ye pa likhi pa kutoshi kiumu shimlae; pa ye Papù no mülà keu kiu ithulu keno tilikhi shilu nani, kughengu Apù no kiu shi keno Anu ghí tipau shi cheni.

Sumi Naga CL (Re-edited) Bible (BSI)

¹⁹ Ikehu Jisü no panoqo vilo pi, “Kuchou no I no nongu vilo piani, Anu ye pa kutoshino kiumu shimlae, ikemu Apu no shiaghi keu pa no ithulu keu likhi shicheni. Apu no kiu shi keno Anu ghi tishi cheni.

John 5:19 ပူးပေါင်းရင်းမြစ်များ

BOTHUBO 1:1

Abothu lono Alhou no atsutsu ngo ayeghi lhoe.

BOTHUBO 1:26

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

LESHELE 138:3

Ino okuke tsalalo nono ikhochile tsuke, okumto pesu ingulho kumtopu shitsuke.

LESHELE 27:14

AMPEU pukhulo, mutotoi alo eno amlo kuloghi shilo. Iye, AMPEU pukhulo.

LESHELE 50:6

Kungughano Alhou ye amikucho kepi asheshu, kughengu pa ampino kughakuthauke!

IPEKULU 4:11

Tile AMPEU no pavilo pi, “Khuuno timi kichi shipuatsu kya? Khuuno timi pelo akini ipo, atsa piphemla momu ithulupe cheni momu anhethi kighicheve tsu cheni kya? Ni, AMPEU no ke.

AHOLE 2:6

Kughengu AMPEU no alokutsu tsucheni eno pa kichi no akighithi ngo vethakulu ighi cheni.

ISAIAH 44:24

“Niye AMPEU, nongu xakuluu; nongu lhophekeu huye nike. Niye AMPEU, thwokha kumtsu lhokipheu ke. Ilikhino kungugha sukhope qhike; Ino ayeghi lhokelo, kutami khuu nomu ikuphu puamoe.

ISAIAH 45:24

“Panonguno pinanike ilau likhino tokulu ngo akumto phulu cheni; ikemu imthi chekemi kumtsu kujo mza keu sholu nani.

JEREMIYA 17:10

Ni, AMPEU no timi kukumsu lheju eno timi mulo ijoju cheni. Pututano mlachekeu kiqi lono ino milakhikhi peithaju cheni.’

MATTHEW 26:39

Pano azuu kitila wupuzu agi pishiqho itsaqi ishi inikhu, “O iPuh, hi shivekulupu shi aghiaye, ajukhu hipau ilauno ikhisuwuvelo! Tishiepimu, igho kumono ogho shilo.”

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

John 10:18

Khunomu ilauno ikuxu ikhilu mlae; ino ilikhi igho shi puzu ikuxu pephetsuve. Tipau pephetsuni kepu kuka ino ani, eno tipau ikhichile luvenikepu kuka ino anie. Ahza hipauye iPuh launo sughike.”

John 12:49

Kughengu niye igho lono pianike kumoe ikemu niye kiu pimasa eno kiutsa pimasakeno Apuh ipuwukeu huno ahza itsupuanie.

John 12:50

Ino ithi akeuno pano ahza tsukeu huno lhokta kuxu sughi cheni. Tighenguno ino kiu pikeno tiye Apuh no ivilo pilopikeu ke.”

John 14:10

Niye Apu lolo ani eno Apuh ye ilolo ani kepi noye pulu chemo kesha? Ino nongu vilo kiu picheni keno tiye igho-apulou lono kumo ikemu Apu ilolo achekeu huno pa kumla shichenie.

John 2:19

Jisu no khochile: “Achineki hipau xavelo eno ghulo kuthu dolono ino shipuku kitheve nike.”

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 5:21

Kughengu Apuh no kithimi xaputhupe puxu ketoi Anu ghi pano khunoqo puxu nishi keno tipaqo puxutsu nani.

John 6:38

kughengu niye ighopulou shiniye kungugha lono iqighike kumoe, ikemu ipuwu puakeu ghopulou shiniye ke.

John 8:28

Ikehu Jisu no pi, “Kughou nonguno ni Timi Nu ikhiqheni keno nonguno ‘Niye nike’ ipikeu ithi nani; eno niye kiumu ikutoshino shichemo puzu Apuh no kiu ishika keno tipau likhi pichekeu nonguno ithi nani.

John 9:4

Atsala kua lono ninguye khuno ipuwukeno pa kumlaqo mla amasae, putho shive aye khunomu mlalu chemoe.

Apostolmi 2:24

Ikemu Alhou no akithi lono pa xuputhuve eno akithino ghimeqhikeu lono pa kuqhopheve, kughengu akithino pa kughape akughu shipe puamlave.

Rommi 6:4

Ningu ye baptiz lukeu lono akithilo pa gholo qhovae, tishikehu Apu kimthe jukuvu kuka huno akithi lono Khristo xuputhuve, tishikeuno ningu pelo akuxu kithelo xuchepeniyeke.

Rommi 8:11

Akithi lono Jisu xuputhuvekeu Ghungu no nongu lolo acheni aye, khuno akithi lono Khristo xuputhuve keno, pa Ghungu nongu lolo achepe keu vechewo nongu thive nikuau phimpi loghi akuxupu tsu nani.

1 Kor. 15:12

Khristo akithi lono xuputhuvekeu sutsa pesu asheshu cheni aye, nongu gholo khamiye kishino kithimi xuputhu mla kepi picheni kya?

2 Kor. 4:14

Ninguno ithi akeuno Alhou no Ampeu Jisu xuputhu kehu pano Jisu gholono ningu ghi xuputhu nani, eno ningu kumtsa pa zulo saghi nani.

2 Kor. 5:10

Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

Ephesiami 2:5

ninguno pimichekeulo thi acheke lono Khristo gholo akuxupu akeu kudau pano ningu sasu ighiluke, Alhou wu kupukinino nongu xaluveake.

Ephesiami 3:16

Ike nongu lolo akeu ampi mutotoi penike, pa kimthe jukuvu kinikulushi akeu pesu pa Ghungu no akuka nongu tsupenike ino Alhou vilo khu ani,

FILIPIAMI 3:21

Pano ningu phimpi hi thivenikuau pesu pa phimpi akimthe jukuvupu kimihi toi kilivetsu nani, tiye pano thwokha pa yehkipe qholo saghilukeu kuka hu peithano shitsu nani.

FILIPIAMI 4:13

Khristo no ishikumtokeu vechewono niye thwokha shikulupu kuka anie.

Kolosiami 1:11

Pa kimthe jukuvupu kumto launo ighikeu kuka kumto kumtsu pesu nonguno mutotoilu peni, tishianguno nonguye kheakulushi thwokha puqhelu penike.

Kolosiami 1:16

Kughengu pa su-puzu kungughalo, ithukulu, ithukumla, akuka lakhu, ayehkipe qha, ayehkipemi eno ayehkipeqo namu kumtsu Alhou no lhopheke. Thwokha pano lho eno pa vehupu ghenguno lhopheke.

1 Thes. 4:14

Jisu thive eno xuithuvekepi ninguno pulu cheni; titoi khunoqono Jisu pulucheno thive nikeno Alhou no Jisu gholono panongu saghi nani kepi ninguno pulu cheni.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.