John 5:10 - BAIBEL (BSI)

¹⁰ Ikehu Judamino timi viluvekeu vilo pi, “Ishiye Sabat tsala ke ghenguno noye ozua pesu wunikeu ni yezahlo kuhae.”

Sümi Tiqhelimi Bible

¹⁰ ikehu Jewmi sakiphemiqo no viluve keu vilo ishi pi, “Ishi ye Sabbath tsalà ke; ayeza kiqi lo no ye O züa pewu müla nanie.”

Sumi Naga CL (Re-edited) Bible (BSI)

¹⁰ Ikehu Jewmi no timi viluve keu vilo pi, “Ishi ye Sabbath ke o züaphi pesü chekeu ye ayezah lo kühae.”

John 5:10 ပူးပေါင်းရင်းမြစ်များ

ISAIAH 58:13

AMPEU no pi, “Nonguno Sabat akimtheshi peitha puzu tipa tsalalo nonguno pulokeu papewumo aye; nonguno ikimthe tsla ame kuapushi eno tipau tsala ikhilu izuwumo, mlamo momu adou tsa kughamo aye

JEREMIYA 17:21

Panoqo vilo pilo, ike pano likhi pano kuxu kimiye cheni napiaye panonguye Sabat pinyenilo akho pukepu kumoe,

JEREMIYA 17:27

Ikemu panonguye ighokulu shi masake eno Sabat ye akimthe tsala lakhi shi ikhilu masake. Tipa tsalaniye panonguye kiu khomu xapusu Jerusalem kikhaqo vechesu wumoni, kughengu panonguno tishiaye, ino Jerusalem kikhaqolo ami suvetsu nani. Amino Jerusalem lo akighikiqo pitileqhive nani eno khunomu tipau ghapinhemla nanike.”

MATTHEW 12:10

Timi lakhi a-u thivekemi tile a. Tile akeqo gholo khamino Jisu no akumou shikeu ngukuni kehu panonguno pa vilo ishi iniju, “Sabat tsala lo shipivi kepu ayezahlo anima?”

Mark 2:24

Farisimino Jisu vilo pi, “Julepi, ayezahlo kuhakeu panonguye kushiye Sabat tsala lono shiani kya?”

Mark 3:4

Tishino pano timiqo vilo iniju, “Sabat pinyeni ni Yezahlo ninguye kiu shikepu kya? Kuphu kepu keo, ghime kepu kya? Timi kuxu xalu kepu keo, ti kutsave kepu kya?” Ikemu panonguye kiumu pimono inaqhoive.

Luke 13:14

Sinagog lo sakipheuye Jisu no apinenino shipivi kehu axu ideve; ikehu paye timiqo vilo pithu: “Atsala tsugho lono akumla mla itha kepue, ike tipaqo tsala lono ighino shipivi lukhalo, ikemu apineni tsala loye tishi kevilo!”

Luke 23:56

Panonguye asukumo ghenguno axokutsungu eno nupeqhikepu kutonike akilo wove. Tupulani loye Ayezah lono Sabat pinilo pipuakeu toi panonguye akulhoqhie.

Luke 6:2

Farisimi khamino pi, “Apinyenilo shikevilo pi Ayezah lo akeu nonguye kushiye shi ani kya?”

John 1:19

Kughou Jerusalem lo Judamino achinemi ngo Levi laghami puwu puzu Johan vilo “Noye khuu kya?” ipi inijukeno pano hitoi ashepe shie.

John 5:11

Pano khochile, “Timi ishipivivekeu huno ivilo ‘Ozua ikhi pesu chevelo’ ipi vae.”

John 5:15

Tileno timi huno wupuzu Judami vilo Jisu no pa shipivitsu kepi pi.

John 5:16

Hipau jeku lono Judamino Jisu thoghakeu huthuve, kughengu pano Sabat tsala lono shipivitsu kehu.

John 7:23

Muse yezah hexatsumoniaye Sabat tsala lono anu phighu yiko gha cheni aye, kushiye Sabat tsala lono ino timi lakhi vithayi shipivike ghenguno nonguye ishou amlo ide ani kya?

John 9:16

Farisimi khamino pi, “Timi khuno hipau shikeno paye Alhou launo ighikemi kumoe kughengu paye Sabat yezah hebideke.” Tishimu khamiye ishipi, “Timi axinemi lakhiye kishi puzu amchipu hipaqo shiluni kya?” Tilehi panoqo gholo kuqhakumla ipeghive.