John 4:19 - BAIBEL (BSI)

¹⁹ Tileno totimi huno pi, “Akijeu, ino juakelo noye tungkupmi lakhie.

Sümi Tiqhelimi Bible

¹⁹ Totimi hu no pi, “Akijeu, no ye tungkupumi lakhi kepi I no ithivae.

Sumi Naga CL (Re-edited) Bible (BSI)

¹⁹ Totimi huno pa vilo pi, “Akijeu, I no kümsüju kelo no ye tungkupue.

John 4:19 ပူးပေါင်းရင်းမြစ်များ

KUKAMI AKINIU 5:26

Ikemu Elisha no pi, “Niye kughou timi huno pawu khurkulu lono iqighino osasu kusholu ake ghulokilo hu aghungu lono ogholo ake kumosheo? Hiye pisa eno tiphimini, oliv xathi, atsaithi, bheri eno amshi momu aqemi mu luakepu ghuloki kumoe!

KUKAMI AKINIU 6:12

Panongu gholo milakhino khochile, “Ningu khuunomu kumoe, akijeu, ikemu Elisha tungkupuu khuu Israil lo acheni keno pano nono tuqhouno ozuabo lono pikeu tsaghi pe akukau vilo piluve cheni,” ipi.

MATTHEW 21:11

Timi tile chekeqono ishi khochile, “Huye Galil bocholo Nazaret noghami tungkupu Jisu huke.”

Luke 24:19

“Kiu keno?” ipi pano iniju. “Nazeret noghami Jisu kiu shivekela wa,” ipi pamano khochile. “Timi hipauye tungkupmi lakhike, Alhou zulo eno timi kumtsu zulo paye atsalo pina akumlalo pimu mishisheyi kemie.

Luke 7:16

Panongu kumtsu akuighuno chhitoive, eno panonguno Alhou sheqhe gh0i pi: “Tungkupu kije lakhi ningu gholo ipeghivae!” eno “Alhou no pawu timi xalunike ighi anie!”

Luke 7:39

Jisu kusukeu Farisimi huno ti ithulu kelo pa likhi pa vilo ishi pia, “Timi hipauno tungkupu lakhi ke aye, totimi pa bu akeuye khuu eno kiu toikemi keno paye ithikepuke, kughengu liye axine shichekemi lakhie.”

John 4:18

Kughengu noye akimi pungu acheke, eno nono itehi sasu akeu timi huye okimi kumoe. Noye kuchou tsa pivae.”

John 4:29

“Timi lakhino ino kiu mla puani keno thwokha lhepesu ivilo piveake ighino timi tipau julo.”

John 6:14

Jisu no amchipu kumla hipau shikeu timiqono ithulu puzu panonguno pi, “Kuchouno ayeghiqhalo tungkupu ighiniepi chekeu hu hike!”

John 7:40

Timi aqokitikhi gholo Jisu no hipatsa pikeu chilukemi qono ishipi, “Kuchouno timi hipauye tungkupu huke.”

John 9:17

Tighenguno Farisimino itaghi anhethi kighicheu vilo inijukithe, “Pano onhethi xuqhovetsuake noye paye kiutoi kemi kepi nani kya?” Timi huno khochile, “Paye tungkupu lakhi.”

ZAKINIU 18:15

Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.